Matie 16:24 - A SƐB-SÕW

²⁴ Lɛ n'a a Yeezu tɩ yel a ʋ po-tuurbɛ: «Nɩr wa bɔbr k'ʋʋ tuur mɛ̃ a, ʋ ta cãà tɩɛrɛ a ʋl mɩŋa yele ɩ, ɛ́ de a ʋ da-gara tuur'ɩ mɛ̃.

Matie 16:24 ပူးပေါင်းရင်းမြစ်များ

Matie 10:38

Nɩr na bɛ de a ʋ da-gara tuo tuur'ɩ mɛ̃ a bɛ sɛwnɩ mɛ̃ ɩ.

Matie 27:32

Bɛ na tɩ yire a tẽw pʋɔ a, bɛ nyɛ̃ nɩ Sɩɩrɛn tẽw dɛb kãw bɛ na bʋɔlɛ kɛ́ Sɩmʋ̃ a. Bɛ tɩ fɛr ʋ na ƴãw ʋ tuo a Yeezu da-gara.

Markɩ 10:21

A Yeezu tɩ bɛl ʋ na kaa ɛ́ nɔ̃w ʋ. Ʋ tɩ yel ʋ na: «Bʋ̃-been yõ n'ʋ cɛ fʋ: kul tɩ kʋɔrɩ a fʋ bʋ̃-tɛrɩ za, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ. Al pùorí, wa tuur mɛ̃.»

Markɩ 15:21

A sojarɩ tɩ fɛr'ɩ dɛb kãw na tɩ yi pu-pʋɔ waar a, ƴãw k'ʋ tuo a Yeezu da-gara. A dɛb ʋl tɩ yi n Sɩɩrɛn tẽw, ɛ́ a yúor dɩ kɛ́ Sɩmʋ̃, Alɛsãdɩr nɩ Irifisɩ sãà.

Markɩ 8:34

Al pùorí, ʋ tɩ bʋɔl'ɩ a zu-sɛbla nɩ a ʋ po-tuurbɛ wa yel bɛ: «Nɩr wa bɔbr k'ʋʋ tuur mɛ̃ a, a fɛr'a k'ʋʋ ta tɩɛrɛ a ʋ mɩŋa yele ɩ, ʋ ɓáw a ʋ da-gara tuo tuur'ɩ mɛ̃.

Luka 14:27

Sob nɛ na bɛ tuo a ʋ da-gara tuur'ɩ mɛ̃ a, kʋ̃ tʋ̃ɔ́ ɩ a ɩ̃ po-tuure ɩ.

Luka 23:26

Bɛ na tɩ tɛr a Yeezu cere nɩ a, bɛ nyɔw nɩ Sɩɩrɛn tẽw dɛb kãw na tɩ dɩ kɛ́ Sɩmʋ̃ a, ɛ́ tɩ yi wɩ̀ɛ pʋɔ kule a, ƴãw k'ʋ tuo a da-gara tuur'ɩ a Yeezu.

Zã 19:17

A Yeezu tɩ tuo nɩ a ʋ da-gara ʋ mɩŋa yi n a tẽw pʋɔ, cen nɩ a zie kãw na dɩ kɛ́ Zuŋman zie, ɛ́ bɛ bʋɔlɛ Gɔlgɔta a Ebre ƴɛ̀rʋ pʋɔ a.

Zã 21:19

A Yeezu tɩ yel'ɩ à à ŋá, k'ʋʋ wul a kũu nɛ bʋʋrɛ a Pɩɛr nãà wa kpi ɩ kɛ̀ Naaŋmɩn nyɛ̃ yúor-vɩɛlʋ-danʋ a. A Yeezu na tɩ yel à ŋá baar'a, ʋ yel'ɩ a Pɩɛr: «Tuur mɛ̃!»

Zã 21:22

A Yeezu tɩ sɔw ʋ na: «Mãa wa bɔbr k'ʋʋ be be ɛ́ gùre ɩ̃ tɩ lɛb wa a, a jɩ́rɛ fʋ na bɩɩ? A fʋ̃ʋ a, tuur mɛ̃!»

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

1 Tesalonikɩ 3:3

k'aa kpɩɛrʋ tɩ na nyɛrɛ a ƴɛrɛŋa a, taa wa damnɛ nyɩ kãw za ɩ. Bʋ̃ʋ n'ʋ vɛ̃, nyɩɩm mɩŋa za bãwnɩ a na tɩ na be a kpɩɛrʋ á ŋá ƴãw a.

2 Timote 3:12

Mɔ̃ mɩ̀, a bɛlɩ dem za na bɔbr kɛ́ bɛ vʋʋrɛ nɩ Naaŋmɩn ƴãwfʋ lãwnɩ a Kɩrɩta Yeezu a, bɛ na nyɛ̃ nɩ dɔwrʋ.

1 Pɩɛr 2:21

À á ŋá tɔr za ƴãw n'a bɛ bʋɔlɩ nyɩ. A Kɩrɩta mɩŋa mɩ̀ wõ n tuo a nyɩ ƴãw, a ɩ wulu ʋ kʋ̀ nyɩ kɛ́ nyɩ tuur a ʋ gbɛ́ɛ,