Matie 16:13 - A SƐB-SÕW

¹³ A Yeezu na wa ta a Filib tẽw Sezaare a, ʋ sowr'ɩ a ʋ po-tuurbɛ: «A nɩbɛ zie a, ãa n'ɩ a Nɩsaal Bie?»

Matie 16:13 ပူးပေါင်းရင်းမြစ်များ

Matie 12:32

Nɩr wa ƴɛ̀r ƴɛ̀r-faa càar'ɩ a Nɩsaal Bie a, bɛ na dɩ n suur kʋ̀ ʋ, ɛcɛ nɩr wa ƴɛ̀r ƴɛ̀r-faa càar'ɩ a Vʋʋrʋ Sõw a, bɛ kʋ̃ dɩ suur kʋ̀ ʋ a dɩ̃a zie ŋa pʋɔ nɩ a nɩdaar zie na waar a pʋɔ ɩ.»

Matie 12:40

Mɛ̃ a lɛ a Zonasɩ na tɩ gã a zʋm-kpɛ̃ɛ púorí bibie ata nɩ tɩ̃ɩsɔwr ata a, lɛ n'a a Nɩsaal Bie mɩ̀ na gã a tẽsɔw pʋ̃ɔmɩ bibie ata nɩ tɩ̃ɩsɔwr ata.

Matie 12:8

Bʋ̃ʋ n'ʋ vɛ̃, a Nɩsaal Bie ɩ n a pɩ̃ɛnʋ-bibir sob.»

Matie 13:37

Ʋ tɩ sɔw bɛ na: «A sob nɛ na bʋ̀rɛ a ka-bʋʋr-vla a, ʋlɛ n'ɩ a Nɩsaal Bie,

Matie 13:41

a Nɩsaal Bie na tõ n a ʋ malkɩ mɩnɛ a ʋ Naalʋ tẽw pʋɔ, bɛ wa tuur'ɩ a bɛlɩ dem za na ɩrɛ a bɛ taabɛ bɛ farɛ lore a, nɩ a bɛlɩ dem za na ɩrɛ ɩ-faar a,

Matie 15:21

A Yeezu tɩ yi n a be ɛ́ cen Tɩ́ɩ̀r nɩ Sɩdɔ̃ ten lowr.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 16:28

Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, a bɛ pʋɔ a, bɛ mɩnɛ na nyɛ̃ nɩ a Nɩsaal Bie ʋ waar mɛ̃ nãà a, ɛ́ bɛ bãw kpi.»

Matie 25:31

«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu.

Matie 8:20

A Yeezu tɩ sɔw ʋ na: «A tʋrbaar tɛr'ɩ bɔwrɩ kpɩɛr, ɛ́ a mʋ̃ɔ pʋɔ lili tɛr cowr, ɛcɛ a Nɩsaal Bie ʋl bɛ tɛr zie na mɩ́ gã pɩ̃ɛnɩ ɛ.»

Matie 9:6

Ɩ̃ bɔbr'a kɛ́ nyɩ bãwnɩ a, a Nɩsaal Bie tɛr'ɩ a yel-bebe suur-dɩ-kʋ̀b fãw a tẽw zu ka.» Lɛ n'a ʋ tɩ yel a gbɛr: «Ìr ɓáw a fʋ bʋ̃-gana kule nɩ a fʋ yir.»

Markɩ 10:45

A Nɩsaal Bie bɛ wa k'ʋʋ wa zɩ̃ ɛcɛ bɛ tone ʋ ɛ, ʋ wa na k'ʋʋ wa lɩɛb tõ-tone, ɛ́ de a ʋ nyɔ-vʋʋrʋ tɩr nɩ-yaga faafʋ ƴãw.»

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 12:34

A zu-sɛbla tɩ sɔw ʋ na: «A tɩ Naaŋmɩn wulu sɛbɛ pʋɔ, tɩ wõ na kɛ́ a Kɩrɩta na be n kʋralɛ. Ŋmɩŋmɩn n'a fʋ na tʋ̃ɔ́ yel kɛ́ a fɛr'a bɛ bà a Nɩsaal Bie ʋ zɛw do? Ãa n'ɩ a Nɩsaal Bie ŋa?»

Zã 3:14

Mɛ̃ a lɛ a Moyiir na tɩ bà a dàa a wɛja-kpalɛ pʋɔ yawlɩ a kure waab, ʋ zɛw a, lɛ n'a a fɛr kɛ́ bɛ mɩ̀ bà a Nɩsaal Bie k'ʋ zɛw,

Zã 5:27

A Sãà kʋ̀ n a Bie a ƴɛ̀rʋ-maalʋ fãw, ʋ na ɩ a Nɩsaal Bie a zũú.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 7:56

Ʋ tɩ yel'a: «Ɩ̃ nyɛ̃ nɩ a salom k'ʋ yuo, ɛ́ a Nɩsaal Bie àr a Naaŋmɩn dʋrʋ lowr.»