Matie 15:24 - A SƐB-SÕW

²⁴ A Yeezu tɩ sɔw na: «A Ɩsɩrayɛl bʋʋrɛ nɩbɛ, na ɩ mɛ̃ píir na bɔr a, tɛwr zie n'a bɛ tõ m.»

Matie 15:24 ပူးပေါင်းရင်းမြစ်များ

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Ezekɩɛl 34:23

Ɩ̃ na ƴãw nɩ pi-cɩ̃ɩn-been na na kaarɛ a ɩ̃ dʋn zie a, ʋ be a ɩ̃ dʋn niŋé. Ʋ na ɩ n nãà mɛ̃ a ɩ̃ tõ-tõ-bie Daviir a. Ʋl a, ʋ na kaarɛ nɩ a dʋn zie, ɛ́ ɩ pi-cɩ̃ɩn-vla a dʋn zie.

Matie 15:23

Ɛcɛ a Yeezu bɛ tɩ ƴɛ̀r ƴɛ̀rʋ za sɔw ʋ ɛ. A ʋ po-tuurbɛ tɩ taw na ta zɛlɛ ʋ yere nɩ: «Ƴãw ʋ lɛb! Ʋ na ɩrɛ gɔmɛ tuur'ɩ tɩ a.»

Matie 18:11

A Nɩsaal Bie wa na wa faa a bɛlɩ dem na tɩ bɔr a.]

Matie 9:36

Ʋ na tɩ nyɛ̃ a zu-sɛbla a, nɩbaalʋ tɩ kpɛ ʋ nɩ a bɛ ƴãw. Bɛ tɩ bàl bàl'a gã mɛ̃ píir na bɛ tɛr cɩ̃ɩnɛ a.

Nɩ-toni 13:46

Lɛ n'a a Pol nɩ a Banabasɩ pãa tɩ nyar bɛ za ɛ́ yel bɛ: «Nyɩmɛ nɛbɛ a tɩ fɛr kɛ́ tɩ de niwn manɩ a Naaŋmɩn ƴɛ̀rʋ kʋ̀, ɛcɛ nyɩ na bɛ sàwr dier a, ɛ́ nyɛ̃ nyɩ bɛ sɛwnɩ a nyɔ-vʋʋrʋ na be kʋralɛ a, tɩ cere nɩ a nɩ-bʋʋr-yoru zie.

Ʋrɔm 15:8

Bʋ̃ʋ n'ʋ vɛ̃, ɩ̃ yere na kʋ̀rɛ nyɩ, a Naaŋmɩn na ŋmɛ̃ ʋ ŋmɛ̃a a zũú n'a, a Kɩrɩta lɩɛbɩ a Zifʋ mɩnɛ tõ-tone, k'ʋʋ tu a nɛ́ɛ a Naaŋmɩn na ƴãw kʋ̀ a bɛ sãàkʋm-kore a.