Matie 15:14 - A SƐB-SÕW

¹⁴ Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Matie 15:14 ပူးပေါင်းရင်းမြစ်များ

Ɩzayi 31:3

A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.

Ɩzayi 42:19

Ãa n'ʋ ɩ zɔ̃w a bɛ ɩ a ɩ̃ tõ-tõ-bie? Ɛ́ ãa n'ʋ ɩ wõw mɛ̃ a nɩ-tona ɩ̃ na tone a? — Sɩza, ãa n'ʋ ɩ zɔ̃w mɛ̃ a Sore nɩ-bʋʋrɛ a? Ãa n'ʋ ɩ wõw mɛ̃ a Sore tõ-tõ-bie a?

Ɩzayi 56:10

A Ɩsɩrayɛl gùrbɛ ɩ n zɔn bɛ za, bɛ bɛ mɩ́ bãwnɩ bom za ɩ. Bà-gbili nɛbɛ, na kʋ̃ tʋ̃ɔ́ wowri a. Bɛ mɩ́ gã gã na ɛ́ a bɛ tɩɛrʋ yaarɛ, bɛ nɔnɛ nɩ gʋ̃ɔ.

Ɩzayi 9:16

Alɛ n'a so a Sore pʋɔ bɛ pɛlɩ a bɛ pɔlbili ƴãw ɛ, ʋ bɛ zɔrɛ a bɛ bi-kpebe nɩ a bɛ pɔw-kɔbɛ nɩbaalʋ ɛ. Bʋ̃ʋ n'ʋ vɛ̃, nɩ-faar'ɩ bɛ za na ɩrɛ ɩ-faar a. A alɩ bome nɛ bɛ na mɩ́ yere a faa tɔ. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

A naaŋmɩn-ƴèr-manɛ Oze sɛbɛ 4:17

A Efarayim nɩbɛ nɩ tɩbɛ n'a lãwnɛ, nyɩ bɛr bɛ!

Malasɩ 2:8

Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

Luka 6:39

A Yeezu mɩ̀ tɩ lɔb'ɩ zʋkpar kʋ̀ bɛ yel: «Zɔ̃w na tʋ̃ɔ́ na tawr zɔ̃w ɩ? Bɛ za ayi kʋ̃ lo bɔw pʋɔ ɩ?

Zã 9:39

A lɛ n'a a Yeezu tɩ yel: «Ƴɛ̀rʋ-maalʋ ƴãw n'a ɩ̃ wa a tẽ-daa ŋa zu, kɛ́ a bɛlɩ dem na bɛ tɩ nyɛrɛ a, bɛ nyɛrɛ, ɛ́ a bɛlɩ dem na tɩ nyɛrɛ a, bɛ lɩɛbɩ zɔn.»

1 Timote 6:5

a nɔkpɛn-faa na bɛ tɛr baarʋ daar a yã-faar dem zie na bɛ bãw a yel-mɩŋa, ɛ́ tɩɛr kɛ́ a Naaŋmɩn ƴãwfʋ ɩ n tɔnɛ bɔb zie a.

2 Pɩɛr 2:1

Naaŋmɩn-ƴɛ̀r-man-bɛlɛbɛlɛ mɩnɛ mɩ̀ tɩ be n a Ɩsɩrayɛl bʋʋrɛ pʋɔ a koro za. Lɛ n'a wul-wul-bɛlɛbɛlɛ mɩnɛ mɩ̀ na be a nyɩ pʋɔ. Bɛ na wa n nɩ wulu na bɛ tu sɔ́r ɛ́ bɔrɛ a nɩbɛ a, mɔ̃ mɩ̀, bɛ na zawr'ɩ a Wul-wul-kara na ya de bɛ a bɛr. À ŋá n'a bɛ na ɩ ƴãw bɛ tʋɔra kũu na kʋ̃ yaa kɛ́ ta a pʋɔ.

2 Pɩɛr 2:17

A nɩbɛ bɛ ŋa ɩ na mɛ̃ buli na ko kpar a, ɛ́ ŋmɛ̃ mɛ̃ zũzuwe saa-sɛsɛb na darɛ cere nɩ a. Liw lige n'a gã cɛlɛ bɛ.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!