Matie 13:57 - A SƐB-SÕW

⁵⁷ A tɩ ɩ na bɛ bɛ sàw de a ʋ yele ɩ. Lɛ n'a a Yeezu tɩ yel bɛ: «A ʋ tẽ-dɔwra nɩ a ʋ yir tɛwr pʋɔ n'a naaŋmɩn-ƴɛ̀r-manɛ bɛ nyɛrɛ ƴãwfʋ ɛ.»

Matie 13:57 ပူးပေါင်းရင်းမြစ်များ

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Ɩzayi 8:14

Ʋ na ɩ n zi-sõw, kʋsɩɛr ƴãw bɛ na ŋmɩɛr gbɛ́ɛ a, pìir kʋsɩɛr na ɩrɛ bɛ lore a, a Ɩsɩrayɛl yie a za ayi ƴãw. Ʋ na ɩ n mɩ̃ɛ nɩ bɛra a Zerizalɛm tẽw dem ƴãw.

Matie 11:6

Zu-nʋ̃ɔ̀ sob'ɩ a ʋlɩ sob nɛ na kʋ̃ zawrɩ a ɩ̃ sàw-deb bɛr a.»

Matie 13:58

A Yeezu bɛ tɩ maalɩ nɔ-ɓãa-yele yaga a be ɩ, bɛ na bɛ tɩ sàw de a ƴãw.

Markɩ 6:1

A Yeezu tɩ yi n a be cen a ʋ tẽ-dɔwra pʋɔ, ɛ́ a po-tuurbɛ tɩ tuur ʋ.

Markɩ 6:14

A nãà Erɔdɩ tɩ wõ na bɛ manɛ a Yeezu yele, a ʋ yúor na tɩ yi a ziir za a ƴãw. Nɩbɛ bɛ mɩnɛ tɩ yere na: «Zã-Bati n'ʋ lɛb yi a kũuni pʋɔ, alɛ so a nɔ-ɓãa-yele maalʋ fãw ʋ na tɛr a.»

Markɩ 6:3

A dà-fɔwrɛ, a Marya bidɛb, bɛ tʋ̃ɔ́ n'ʋ ɛ? A Zakɩ nɩ Zoze nɩ Zid nɩ Sɩmʋ̃ yɛb ɛ? A ʋ yeepuuli bɛ tʋ̃ɔ́ be a tɩ zie ka ɩ?» A tɩ ɩ na bɛ faa lo a bɛ naaŋmɩn-sàw-deb pʋɔ.

Markɩ 6:4

Lɛ n'a a Yeezu tɩ yel bɛ: «Naaŋmɩn-ƴɛ̀r-manɛ mɩ́ nyɛrɛ nɩ ƴãwfʋ zie za, ɛ́ tɩ cɛ a ʋ tẽ-dɔwra pʋɔ, a ʋ nɩbɛ nɩ a ʋ yir dem zie.»

Luka 4:24

A Yeezu tɩ lɛb'a yel ƴãw pʋɔ: «Sɩza n'a ɩ̃ yere kʋ̀rɛ nyɩ: nɩr bɛ dier naaŋmɩn-ƴɛ̀r-manɛ yele a ʋ tẽ-dɔwra pʋɔ ɩ.

Luka 7:23

ɛ́ zu-nʋ̃ɔ̀ sob'ɩ a sob nɛ na kʋ̃ʋ zawrɩ a ɩ̃ sàw-deb bɛr a.»

Zã 4:44

Ʋl tɔr za n'ʋ tɩ háa nʋɔr yel kɛ́ naaŋmɩn-ƴɛ̀r-manɛ bɛ nyɛrɛ ƴãwfʋ a ʋ tẽ-dɔwra tɔr za pʋɔ ɩ.

Zã 6:42

Bɛ tɩ yere na: «A Yeezu bɛ tʋ̃ɔ́ n'ɩ à ŋà ɩ, a Zuzɛb bidɛb ɛ? Tɩ bãw nɩ a ʋ sãà nɩ a ʋ mã vla. Ɛ́ ŋmɩŋmɩn n'a ʋ na tʋ̃ɔ́ ƴɛ̀rɛ à ŋá: “Ɩ̃ yi n salom zu siw wa?”»

Zã 6:61

A Yeezu na tɩ bãwnɩ a, ɛ́ nɩr za bɛ yel kʋ̀ ʋ, a ʋ po-tuurbɛ na zɛbr a, ʋ yel bɛ na: «A yel ŋa sãw nɩ a nyɩ suur ɩ?