Matie 13:44 - A SƐB-SÕW

⁴⁴ «A tẽ-vla Naalʋ ŋmɛ̃ na mɛ̃ na-bom bɛ na sɔwlɩ púo pʋɔ a. Nɩr kãw nyɛ̃ ʋ na de lɛb bãw sɔwlɩ, ɛ́ nʋ̃ɔ̀ za ɩrɛ ʋ, ʋ kul tɩ de a ʋ bʋ̃-tɛrɩ za kʋɔrɩ dà n a púo ʋl.

Matie 13:44 ပူးပေါင်းရင်းမြစ်များ

A Zɔb sɛbɛ 28:13

A nɩsaalbɛ bɛ bãw a Yã-bãwfʋ daarʋ ɛ, ʋ bɛ be a tẽw zu ka ɩ.

Zʋkpaɩ 16:16

A yã-bãwfʋ páwfʋ sa n salm-zɩɛ páwfʋ. A yã tɛrʋ sa n salm-pla tɛrʋ.

Zʋkpaɩ 17:16

A libie yel-ɩra n'ɩ bo a dãbol sob nũú? K'ʋʋ tʋ̃ɔ́ páw nɩ yã-bãwfʋ bɩɩ? Ʋ gem'a zuo a al ƴãw!

Zʋkpaɩ 18:1

Nɩr na bɛ pɩɛlɛ a ʋ taabɛ a mɩ́ bɔbr'ɩ ʋl yõ tɔnɛ. Bɛlɛ wa bɔbr kɛ́ bɛ sõw ʋ a, ʋ mɩ́ nyɛ̃ nɩ suur.

Zʋkpaɩ 23:23

Zanɩ a yel-mɩŋa yelu, a tɩ́ɛrʋ tɛrʋ ɛ́ nɔnɛ a wulu na vɩɛl a nɩ a yã. Ɛ́ fʋ̃ʋ wa tɛr a yel-vɩɛlɩ á ŋá baar'a, fʋ̃ʋ taa sãwnɛ a bɛrɛ ɩ.

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Matie 13:24

A Yeezu tɩ lɛb'a lɔb zʋkpar kãw kʋ̀ bɛ yel: «A tẽ-vla Naalʋ ŋmɛ̃ na taa nɩ nɩr kãw na bʋ̀r ka-bʋʋr-vla a ʋ púo pʋɔ a.

Matie 13:46

Ʋ na wa nyɛ̃ a lɛgɛ kãw a dàarʋ na bɛ gbʋ́r a, ʋ cen na tɩ kʋɔrɩ a ʋ bʋ̃-tɛrɩ za dà n a lɛgɛ ʋl.»

Matie 13:47

«A tẽ-vla Naalʋ cãà na lɛb ŋmɛ̃ mɛ̃ mɩ̃ɛ bɛ na lɔb kʋ̃ɔ-kpɛ̃ɛ pʋɔ ʋ tɩ nyɔw zʋm-pɛ-bʋʋrɛ za a.

Matie 19:21

A Yeezu yel ʋ: «Fʋ̃ʋ wa bɔbr kɛ́ fʋ vɩɛl fʋ za a, cen tɩ de a fʋ bʋ̃-tɛrɩ za kʋɔrɩ, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ, al pùorí, wa, wa tuur mɛ̃.»

Matie 19:27

Lɛ n'a a Pɩɛr tɩ de a ƴɛ̀rʋ yel ʋ: «Nyɛ̃, tɩ bɛr'ɩ bom za ɛ́ wa tuur fʋ, ŋmɩŋmɩn n'a a na ŋmɛ̃ a tɩ zie?»

Matie 19:29

Ɛ́ sob nɛ za nãà wa bɛr yie, yɛbr, yeepuuli, sãà, mã, bibiir bɩɩ póru a mãa ƴãw a, ʋ na páw nɩ à á ŋá gb'a a kʋba (100) dɔwlɩ, ɛ́ cãà páw a nyɔ-vʋʋrʋ na be kʋralɛ a ƴãw pʋɔ.

Matie 6:21

A be a fʋ na-bome na be a, be n'a a fʋ tɩɛrʋ mɩ̀ na be.»

Luka 14:33

Lɛ mɩ̀ n'a, a nyɩ pʋɔ a, nɩr bɛ wa zawrɩ a ʋ bʋ̃-tɛrɩ za bɛr a, ʋ kʋ̃ tʋ̃ɔ́ ɩ a ɩ̃ po-tuure ɩ.»

Zã 6:35

A Yeezu yel bɛ: «Mãa n'ɩ a nyɔ-vʋʋrʋ dipɛ̃. Ʋlɩ sob na waar a ɩ̃ zie a, kɔ̃ kʋ̃ kpɛ ʋ towtow ɛ, ɛ́ ʋlɩ sob na sàw de m a, kʋ̃ɔ-nyúur kʋ̃ kpɛ ʋ towtow ɛ.

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

Kɔlɔsɩ 2:3

Ʋl zie n'a a yã-bãwfʋ na-bome nɩ a yele bãwfʋ na-bome sɔwlɩ gã.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Ebre 10:34

Nyɩ tɩ lãw nɩ nɩ a gaso pʋɔ dem a bɛ kpɩɛrʋ pʋɔ, nyɩ tɩ sàw na bɛ fa a nyɩ bʋ̃-tɛrɩ ɛ́ nʋ̃ɔ̀ cãà ɩrɛ nyɩ, nyɩ na tɩ bãwnɩ a kɛ́ nyɩ tɛr'ɩ na-bom na vɩɛl zuo ɛ́ be be kʋralɛ a.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.