Matie 13:22 - A SƐB-SÕW

²² A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 13:22 ပူးပေါင်းရင်းမြစ်များ

Sɛb-sõw yielu 52:7

Ɛcɛ Naaŋmɩn na ŋmɛ b'a bin a baarɩ, ʋ na nyɔw fʋ na fɩɩrɩ gẽgẽ, vɩr yi n a fʋ yir pʋɔ, ʋ na ír fʋ nɩ a nɩ-vʋʋrɩ tẽw pʋɔ! Tɛw-àrʋ

Sɛb-sõw yielu 62:10

A nɩsaalbɛ ɩ n pɩɛlʋ tɛwr. Nɩsaalbɛ ɩ n bɛ̀lʋ. Bɛlɛ ɩ mɛ̃ bɛ do n bʋ̃-kera zu a, bɛ za na ɓã taa a na ɩ n zelfel zuo pɩɛlʋ.

Zʋkpaɩ 11:28

Sob nɛ na ƴãw a ʋ tɩɛrʋ a ʋ naalʋ ƴãw a na lo na, ɛcɛ a nɩ-mɩn mɩ́ kɛrɛ na mɛ̃ tɩɩr a váar na sɔb a.

Zʋkpaɩ 23:5

Fʋ bɛ mɩ́ nyɛ̃ ʋ baar ɛ, ʋʋ bɔr, ʋ mɩ́ ƴãw nɩ pɩgɛ ƴaw nɩ mɛ̃ a sɩla na mɩ́ ƴaw do a salom zu a.

Ekilezɩasɩ 4:8

nɩr kãw n'ɩ ŋan ɩ ʋ yõ tẽtẽ, bɛ tɛr tu-ta-tɔ ɩ, bɛ tɛr bie ɩ, bɛ tɛr yɛb ɛ, ɛ́ tone bɛ tɛr bɛ́rʋ ɛ. Ʋ mɩ́ bɔbr'a k'ʋʋ cãà páw na-bome dɔwlɩ. Ɛcɛ ʋ mɩ́ tɩɛr'ɩ ʋ pʋɔ: «Ãa ƴãw n'a ɩ̃ tone? Ãa ƴãw n'a ɩ̃ bɛr a nʋ̃ɔ̀ wob?» À á ŋá mɩ̀ ɩ n bàlʋ zawla, nɩ yel na bɛ vɩɛl a nyɔ-vʋʋrʋ pʋɔ a.

Zeremi 4:3

À ŋá n'a a Sore yere a Zuda tẽw dem nɩ a Zerizalɛm nɩbɛ zie: nyɩ cɛ pire, nyɩ ta bʋ̀r a gʋʋr pʋɔ ɩ!»

Matie 12:32

Nɩr wa ƴɛ̀r ƴɛ̀r-faa càar'ɩ a Nɩsaal Bie a, bɛ na dɩ n suur kʋ̀ ʋ, ɛcɛ nɩr wa ƴɛ̀r ƴɛ̀r-faa càar'ɩ a Vʋʋrʋ Sõw a, bɛ kʋ̃ dɩ suur kʋ̀ ʋ a dɩ̃a zie ŋa pʋɔ nɩ a nɩdaar zie na waar a pʋɔ ɩ.»

Matie 13:39

a dɔ̃ sob na bʋ̀r a narsɩ a n'ɩ a Gɛgɛra, a bʋ̃-dieri deb n'ɩ a tẽw baarʋ daar, ɛ́ a bʋ̃-dieri dierbɛ n'ɩ a malkɩ mɩnɛ.

Matie 13:40

Mɛ̃ a lɛ bɛ na mɩ́ wob a narsɩ ɓã taa ƴãw vũumí a dɩ a, lɛ n'a a na ŋmɛ̃ a tẽw baarʋ daar:

Matie 13:7

A mɩnɛ tɩ lo n gʋʋr pʋɔ, a gʋʋr ìr fɩɩrɩ pàw a kpi.

Luka 12:15

Al pùorí, a Yeezu tɩ yel'ɩ a nɩbɛ zie: «Nyɩ gùre nyɩ tʋɔra a libi-nɔ̃w yaga ƴãw. A nɩsaal saa tɛr a zɛ̃ ŋmɩn a, ɛcɛ a ʋ nyɔ-vʋʋrʋ bɛ yi a naalʋ ʋ na kpɛ a pʋɔ ɩ.»

Luka 12:21

A Yeezu tɩ yel a ƴãw pʋɔ: «À ŋá n'a a mɩ́ ŋmɛ̃ a ʋlɩ sob nɛ zie na bɔbr a naalʋ ʋl yõ ƴãw a, ɛ́ bɛ bɔbr k'ʋʋ kpɛ naalʋ a Naaŋmɩn ƴãw a.»

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

Nɩ-toni 8:18

A Sɩmʋ̃ tɩ nyɛ̃ na kɛ́ a nɩ-toni mɩ́ wa dɔwlɩ nuru a nɩr zu a, a ʋ sob mɩ́ páw nɩ a Vʋʋrʋ Sõw. Lɛ so ʋ tɩ ír libie zɛlɛ nɩ a Pɩɛr nɩ a Zã

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

1 Korɛ̃tɩ 1:20

A na ɩ à ŋá a, nyɩnɛ n'a a yã-bãwnɛ be? Nyɩnɛ n'a a Naaŋmɩn wulu bãw-bãw-kara be? A dɩ̃a zie ŋa pʋɔ ƴɛ̀r-bãw-ƴɛ̀rɛ wa? A Naaŋmɩn bɛ ɩ a tẽ-daa yã-bãwfʋ lɩɛbɩ gẽgemi ɛ?

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

1 Korɛ̃tɩ 2:8

A tẽw ŋa zu nãà kãw za bɛ tɩ bãw a yã-bãwfʋ ŋa ɩ. Bɛlɛ tɩ ɩ mɛ̃ bɛ bãw ʋ na a, bɛ kʋ̃ʋ tɩ kpa a yúor-vɩɛlʋ-danʋ za Sore a da-gara zu ɛ.

1 Korɛ̃tɩ 3:18

Nɩr kãw za taa wa nanɩ bɛ̀lɛ ʋ tʋɔra ɩ: nɩr wa be a nyɩ pʋɔ tɩɛrɛ k'ʋʋ ɩ n yã-bãwnɛ a tẽw ŋa zu a, ʋ lɩɛbɩ gẽgemi sob, tʋ̃ɔ́ ɩ yã-bãwnɛ,

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Galasi 1:4

A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.