Matie 13:19 - A SƐB-SÕW

¹⁹ A sɔ́r nʋɔr a bʋ̃-bie na lo a, ɩ n a bɛlɩ dem na mɩ́ wõ a tẽ-vla Naalʋ ƴɛ̀rʋ ɛ́ bɛ bãw a pɛr a. A Faalʋ sob mɩ́ wa na wa ír a al bɛ na bʋ̀r a bɛ socir pʋɔ a.

Matie 13:19 ပူးပေါင်းရင်းမြစ်များ

Zʋkpaɩ 1:7

A Sore zɔba n'ɩ a yã-bãwfʋ tib zie. Dãbole tɛwr nɛbɛ mɩ́ ɩrɛ a yã-bãwfʋ nɩ a wulu laar.

Zʋkpaɩ 17:16

A libie yel-ɩra n'ɩ bo a dãbol sob nũú? K'ʋʋ tʋ̃ɔ́ páw nɩ yã-bãwfʋ bɩɩ? Ʋ gem'a zuo a al ƴãw!

Ezekɩɛl 31:18

A Edɛn zaadɛ̃ pʋɔ a, tɩɛ kãw za bɛ tɩ vɩɛl ɛ́ kɛrɩ ta b ɛ. Ɛcɛ, ɩ̃ na ɩ na fʋ lãw siw nɩ a tɩɩr á ŋá a kpɩmɛ tẽw. A be a, fʋ na tɩ lãw na gã nɩ a yɔ-ɓile dem nɩ a zɛbr nɩ-kũuni. À à ŋá n'a a na ɩ a Eziptɩ tẽw nãà nɩ a ʋ nɩ-bʋʋrɛ za ƴãw. A mãa Sore Naaŋmɩn n'ʋ yel.»

Matie 12:26

A na ɩ lɛ a, Sɩtaana wa diwr Sɩtaana a, ʋ bʋ́r'a lɛb ŋmɛlɩ zɛbr'ɩ ʋ tʋɔra. Ŋmɩŋmɩn n'a a ʋ naalʋ-tẽw na tʋ̃ɔ́ àr?

Matie 13:20

A zi-wɔ̃cɔ pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ ɛ́ sàw de daadaalɛ nɩ nʋ̃ɔ̀ a.

Matie 13:38

a púo n'ɩ a tẽ-daa, a ka-bʋʋr-vla n'ɩ a tẽ-vla Naalʋ nɩbɛ, a narsɩ n'ɩ a Faalʋ sob nɩbɛ,

Matie 4:23

A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Matie 5:37

Ʋ̃ʋ wa n'a a, nyɩ yel: “Ʋ̃ʋ”, ʋ̃ʋ'hʋ̃ wa n'a a, nyɩ yel: “Ʋ̃ʋ'hʋ̃”, a tɛwr'a, ƴɛ̀r-dɔwla za mɩ́ yi n a Faalʋ sob zie.»

Markɩ 4:15

A nɩbɛ bɛ mɩnɛ n'ɩ a sɔ́r nʋɔr be bɛ na bʋ̀r a Naaŋmɩn ƴɛ̀rʋ a: bɛlɛ wa wone ʋ wa báarɛ a, a Sɩtaana mɩ́ wa na wa ír a ƴɛ̀rʋ bɛ na bʋ̀r a bɛ pʋ̃ɔmɩ a.

Luka 10:9

Nyɩ sanɛ a bàalbɛ a be, ɛ́ yere kʋ̀rɛ a tẽw dem: “A Naaŋmɩn Naalʋ ta nyɩ na.”

Luka 9:2

Al pùorí, ʋ tɩ tõ bɛ na kɛ́ bɛ cen tɩ hiere k'aa Naaŋmɩn Naalʋ dɩb ta na, ɛ́ sanɛ a bàalbɛ.

Zã 18:38

A Pɩlatɩ yel ʋ: «Bʋ̃ʋ n'ɩ a yel-mɩŋa?» A ƴɛ̀r-bie á ŋá zu n'a, a Pɩlatɩ lɛb yi a Zifʋ mɩnɛ zie tɩ yel bɛ: «Ɩ̃ bɛ nyɛ̃ sãwna za a ʋ zie ɩ.

Zã 8:43

Bʋ̃ʋ n'ʋ so nyɩ bɛ bãwnɛ a ɩ̃ ƴɛ̀rʋ pɛr? Nyɩ na kʋ̃ tʋ̃ɔ́ bɛr wõ a ɩ̃ ƴɛ̀rʋ a n'a so.

Nɩ-toni 17:32

Bɛ na tɩ wone a kũu-pʋɔ-lɛb-yibu ƴɛ̀r-bir wa báarɛ a, bɛ mɩnɛ tɩ ɩrɛ ʋ na laar, ɛ́ bɛ mɩnɛ yere: «A na ta ka a, bibir kãw n'a tɩ na lɛb bãw bɛr wõ a fʋ ƴɛ̀rʋ a yel ŋa ƴãw.»

Nɩ-toni 18:15

Ɛcɛ a na ɩ nɔkpɛn na càarɩ ƴɛ̀r-bie, nɩ yée, nɩ a nyɩ wulu a, mãa bɛ bɔbr k'ɩ̃ɩ dɩ a yele á ŋá taabɛ ƴɛ̀rʋ ɛ.»

Nɩ-toni 20:25

«Dɩ̃a na ta a, ɩ̃ bãwnɩ a na, nyɩɩm za sɔgɔ ɩ̃ na tu yi hieri a Naaŋmɩn Naalʋ dɩb a, nyɩ kʋ̃ lɛb nyɛ̃ a ɩ̃ niwn ɛ.

Nɩ-toni 28:23

Bɛ tɩ wõ n taa ƴãw bibir. A bibir na wa vɩɛ a, bɛ wa n yaga dɔwlɩ wa páw a Pol a ʋ yir nɛ pʋɔ. A ʋ manʋ pʋɔ a, a Pol tɩ dɩrɛ nɩ a Naaŋmɩn Naalʋ dãsɩɛ, ɛ́ a biɓaara tɩ ta n a zaanʋɔra a, ʋ mɩ́ tɩ de nɩ a Moyiir wulu sɛbɛ nɩ a naaŋmɩn-ƴɛ̀r-manbɛ sɛbr manɛ nɩ a Yeezu yele, ɛ́ ƴãw fãw bɔbr k'ʋʋ ƴɛ̀r tʋ̃ɔ́ bɛ.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Ʋrɔm 2:8

Ɛcɛ, a bɛlɩ dem na ɩ a nɩsaal-gaarɩ, bɛ sàwr a yel-mɩŋa ɛ́ tuur a ɩ-faar a, Naaŋmɩn suur, su-tʋlʋ, na ìr'ɩ a bɛ zu.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

2 Tesalonikɩ 2:12

k'aa bɛlɩ dem za nãà bɛ wa sàw de a yel-mɩŋa ɛ́ nɔ̃w a faalʋ a, bɛ nyɛ̃ dɔwrʋ.

Ebre 2:1

A lɛ n'a so a fɛr kɛ́ tɩ cɛlɛ a yele tɩ na wõ a zie vla, kɛ́ tɩ taa wa bɔrɛ ɩ.

1 Zã 3:12

A bɛ sɛw kɛ́ tɩ ŋmɛ̃ mɛ̃ a Kayɛ̃ a ɩ: ʋ na tɩ ɩ a Faalʋ sob nɩr a n'a so ʋ kʋ a ʋ yɛb. Ɛ́ bʋ̃ʋ ƴãw n'a ʋ tɩ kʋ ʋ? A ʋ ɩ-ɩrɩ bɛ tɩ vɩɛl ɛ, ɛ́ a ʋ yɛb dem tu a yel-mɩnʋ.

1 Zã 5:18

Tɩ bãwnɩ a na kɛ́ Naaŋmɩn bʋ̃-dɔwra za bɛ maalɛ yel-bier ɛ, a Naaŋmɩn Bie gù ʋ na, ɛ́ a Faalʋ sob kʋ̃ tʋ̃ɔ́ ɩ ʋ bom ɛ.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.