Matie 12:7 - A SƐB-SÕW

⁷ Ɛ́ nyɩmɛ tɩ sɩrɩ bãw a ƴɛ̀r-bir ŋa pɛr a: “Nɩbaal-zɔba n'a ɩ̃ bɔbr, bàwr bɛ n'a a”, a nɩbɛ bɛ ŋa na bɛ sãw bom za a, nyɩ kʋ̃ʋ yel kɛ́ bɛ sãw na ɩ.

Matie 12:7 ပူးပေါင်းရင်းမြစ်များ

A Zɔb sɛbɛ 32:3

Ʋ mɩ̀ tɩ nyɛ̃ nɩ nɩ a Zɔb bárɩ ata bɛl suur, bɛ na bɛ tɩ cãà tɛr sɔwfʋ na sɔw kʋ̀ a Zɔb a, a ɩ a lɛ a Naaŋmɩn ɩ sãwna sob a.

Sɛb-sõw yielu 109:31

Bʋ̃ʋ n'ʋ vɛ̃, ʋ àr'ɩ a nã́w sob dʋrʋ lowr, k'ʋʋ faa ʋ a ƴɛ̀r-dɩrbɛ nuru pʋɔ.

Sɛb-sõw yielu 94:21

Bɛ mɩ́ bɔbr'ɩ a nɩ-mɩn nyɔ-vʋʋrʋ íru, ɛ́ a nɩbɛ na bɛ sãw a, bɛ mɩ́ yel kɛ́ bɛ sãw na.

Zʋkpaɩ 17:15

Nɩr na mɩ́ ƴɛ̀r kpɛ sãwna sob nɩ nɩr na mɩ́ yel k'aa nɩ-mɩŋa ɩ n sãwna sob a, a Sore bɛ nɔnɛ bɛ za ayi towtow ɛ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Matie 22:29

A Yeezu tɩ sɔw bɛ na: «Nyɩ be n tulu pʋɔ, nyɩ na bɛ bãw a Sɛb-son nɩ a Naaŋmɩn fãw a ƴãw.

Matie 9:13

Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Markɩ 12:33

Ɛ́ fʋ na na nɔnɛ ʋ nɩ a fʋ socir za, nɩ a fʋ yã za, nɩ a fʋ fãw za, ɛ́ nɔnɛ a fʋ tɔ sob mɛ̃ a fʋ mɩŋa a, a vɩɛl'a zuo a nyɩw-a-za-bàwr nɩ a bàwr bʋʋrɛ za.»

Nɩ-toni 13:27

A Zerizalɛm nɩbɛ nɩ a bɛ nɩ-bɛrɛ bɛ tɩ bãw a Yeezu ɛ, ɛ́ bɛ na tɩ ƴãw ʋ a kũu dɔwrʋ a, a naaŋmɩn-ƴɛ̀r-manbɛ ƴɛ̀rʋ bɛ na mɩ́ kanɛ a pɩ̃ɛnʋ-bibir za a, alɛ n'a bɛ tu.

Zakɩ 5:6

Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.