Matie 12:45 - A SƐB-SÕW

⁴⁵ Lɛ n'a ʋ mɩ́ lɛb cen tɩ tɛr kɔ̃tɔ̃-faar ayopõi na kpɛ faa zuo ʋ a, wa n bɛ wa kpɛ so a yir ŋa. A na ɩ à ŋá a, a nɩr ŋa yele mɩ́ kpɛ n faa zuo a pɛr-tib daar. À ŋá n'a a mɩ̀ na ŋmɛ̃ a dɩ̃a nɩ-faar bɛ ŋa zie.»

Matie 12:45 ပူးပေါင်းရင်းမြစ်များ

Levitɩ mɩnɛ 13:20

A bàwr-maalɛ na jɩ́r'ɩ a zie ʋl na ɩ a bàal a kaa: bɔw wa be a ƴã-ganɩ́ ɛ́ a kɔblʋ pɛlɩ a be a, a bàwr-maalɛ na yel'a k'aa nɩr nɛ ɩ n dɛwr sob, kɔnʋ bʋʋrɛ kãw n'ʋ yɛ̀rɛ a natɩ-kpawlʋ fɩl zu.

Matie 12:24

Ɛcɛ a Faarizɩ̃ɛ mɩnɛ na tɩ wõ a a, bɛ yel'a: «A Bɛlɩzebul na ɩ a kɔ̃tɔmɛ nãà a fãw n'a a nɩr ŋa diwr'ɩ a kɔ̃tɔmɛ.»

Matie 12:44

Lɛ n'a ʋ mɩ́ yel ʋ tʋɔra: “Ɩ̃ na lɛb'a cen a ɩ̃ yir ɩ̃ na yi kɛ́ bɛr a pʋɔ.” Ʋ mɩ́ lɛb'a cen tɩ nyɛ̃ ʋ gã zawla, bɛ pɩɩrɩ ɛ́ cɔbrɩ vla bɛr.

Matie 17:21

A kɔ̃tɔn ŋa bʋʋrɛ a, puoru nɩ mʋta-tuo tɛrʋ tɛwr'a na tʋ̃ɔ́ ír ʋ.»]

Matie 23:15

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ zɔ na gʋɔrɩ ten nɩ mamɛ, kɛ́ nyɩ tʋ̃ɔ́ páw nɩ-been yõ ƴãw a nyɩ puoru sɔ́r pʋɔ, ɛ́ nyɩmɛ wa páw ʋ baar'a, nyɩɩm ɩ k'ʋ sɛwnɩ a tẽ-faa zuo nyɩ gb'a ayi.

Matie 23:24

Nyɩɩm zɔn bɛ ŋa na wule sɔ́r a! Nyɩ mɩ́ cɔw nɩ a kʋ̃ɔ ír pupurme bɛr, ɛ́ nɩ̃ɛ vɔl nyɔ̃wmɛ.

Markɩ 16:9

A Yeezu na tɩ lɛb yi a kũu pʋɔ a kɔsɩɛra bibir biɓaara a, ʋ tɩ de nɩ niwn wul ʋ tʋɔra a Madala tẽw Marya, a ʋl zie ʋ na tɩ diw a kɔ̃tɔmɛ ayopõi bɛr a.

Markɩ 5:9

A Yeezu tɩ sowr'ʋ na: «A fʋ yúor dɩ na kɛ́ bo?» Ʋ sɔw: «Ɩ̃ yúor dɩ na kɛ́: “Bɛ-tɛr-nʋɔr”, tɩ na yãwmɛ a ƴãw.»

Luka 11:26

A lɛ n'a ʋ mɩ́ cen tɩ tɛr kɔ̃tɔ̃-faar ayopõi, na kpɛ faa zuo ʋ a, bɛ wa kpɛ a be so a zie. Lɛ n'a a nɩr ŋa yele mɩ́ lɛb bãw kpɛ faa zuo a dãwdãw.»

Efɛɛzɩ 6:12

Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

Ebre 10:39

A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.