Matie 12:41 - A SƐB-SÕW

⁴¹ A ƴɛ̀rʋ-dɩb daar a, a Nɩnɩɩvʋ tẽw dem na lãw na ìr'ɩ a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, a Nɩnɩɩvʋ tẽw dem na tɩ wõ a Zonasɩ kanʋ a, bɛ lɩɛbɩ a bɛ ɩb. Ɛcɛ nɩr be n a ka zuo a Zonasɩ.

Matie 12:41 ပူးပေါင်းရင်းမြစ်များ

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Zeremi 3:11

A Sore tɩ yel'a ƴãw pʋɔ: «A Zuda na bɛ tu a Sore a niŋé a, a Ɩsɩrayɛl a tɩɛrʋ na lɩɛbɛ a na tʋ̃ɔ́ na yel k'ʋʋ ɩ n nɩ-mɩŋa.

Zonasɩ 1:2

«Ìr cen a Nɩnɩɩvʋ tẽ-kpɛ̃ɛ pʋɔ tɩ yere ʋ zɛbr'ɩ, bʋ̃ʋ n'ʋ vɛ̃, ɩ̃ pãa bàl'a nɩ a ʋ nɩbɛ ɩ-faar.»

Zonasɩ 3:4

A Zonasɩ tɩ tĩ na cen bibi-ɓil a tẽw pʋɔ hiere yere: «Ka nɩ bibie lɩz'a ayi a, a Nɩnɩɩvʋ tẽw na sãw nɩ ʋ za.»

Matie 12:39

Ʋ tɩ sɔw bɛ na: «A dɩ̃a nɩbɛ bɛ ŋa, na ɩ nɩ-faar ɛ́ bɛ tuur Naaŋmɩn a, bɔbr'ɩ bãwfʋ, ɛcɛ bɛ kʋ̃ nyɛ̃ bãwfʋ kãw za ʋ bɛ ɩ a naaŋmɩn-ƴɛ̀r-manɛ Zonasɩ dem ɛ.

Matie 12:42

A ƴɛ̀rʋ-dɩb daar a, a saa-pɛrɩ́-dʋrʋ-lowr pɔw-nãà na lãw na ìr'ɩ a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, ʋ yi n zi-zãána za wa bɛr wõ a Salomɔ̃ yã-bãwfʋ ƴɛ̀r-bie. Ɛcɛ nɩr be n a ka zuo a Salomɔ̃.»

Matie 12:45

Lɛ n'a ʋ mɩ́ lɛb cen tɩ tɛr kɔ̃tɔ̃-faar ayopõi na kpɛ faa zuo ʋ a, wa n bɛ wa kpɛ so a yir ŋa. A na ɩ à ŋá a, a nɩr ŋa yele mɩ́ kpɛ n faa zuo a pɛr-tib daar. À ŋá n'a a mɩ̀ na ŋmɛ̃ a dɩ̃a nɩ-faar bɛ ŋa zie.»

Matie 12:6

Ɛcɛ ɩ̃ yere na kʋ̀rɛ nyɩ, nɩr be n a ka zuo a Ŋmɩn-yir-kpɛ̃ɛ.

Matie 16:4

A dɩ̃a nɩbɛ, na ɩ nɩ-faar ɛ́ bɛ tuur a Naaŋmɩn a, zɛlɛ nɩ bãwfʋ. Ɛcɛ bɛ kʋ̃ wul bɛ bãwfʋ kãw za ʋ bɛ ɩ a Zonasɩ dem ɛ.» Ʋ tɩ bɛr bɛ nɩ a be ɛ́ tɔl cen.

Matie 17:17

A Yeezu tɩ de nɩ a ƴɛ̀rʋ yel: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na be a nyɩ zie tɩ ta? Debor'a ɩ̃ na wõ n nyɩ a tuo tɩ ta? Nyɩ tɛr a bie wa kʋ̀ m.»

Matie 23:36

Yel-mɩŋa sɩza, ɩ̃ yere na kʋ̀rɛ nyɩ, à á ŋá za na lɛb'a lo a dɩ̃a nɩbɛ bɛ ŋa zu.»

Luka 11:32

A ƴɛ̀rʋ-maalʋ bibir a, a Nɩnɩɩvʋ tẽw dem na ìr a àr tori a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, a Nɩnɩɩvʋ tẽw dem na tɩ wõ a Zonasɩ kanʋ a, bɛ lɩɛb'ɩ a bɛ ɩb. Ɛcɛ nɩr be n a ka zuo a Zonasɩ.»

Zã 3:31

«Sob nɛ na yi a saa-zu waar a do na gãw bɛ za. Sob nɛ na yi tẽw zu a ɩ n tẽw zu nɩr, ɛ́ mɩ́ ƴɛ̀rɛ mɛ̃ tẽw zu nɩr a. Sob nɛ na yi a salom zu waar a [do na gãw bɛ za]:

Zã 4:12

Fʋ nɔ̃w ɩ n kpɛ̃ɛ zuo a tɩ sãàkʋm Zakɔb na kʋ̀ tɩ a bule ŋa a, ɛ́ nyũ a ʋ kʋ̃ɔ, ʋlɛ nɩ a ʋ bibiir nɩ a ʋ dʋn za a?»

Ʋrɔm 2:27

Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.