Matie 12:28 - A SƐB-SÕW

²⁸ Ɛcɛ alɛ wa ɩ a Naaŋmɩn Vʋʋrʋ fãw n'a ɩ̃ diwr'ɩ a kɔ̃tɔmɛ a, a wul'a k'aa Naaŋmɩn Naalʋ ta n a nyɩ zie baarɩ.

Matie 12:28 ပူးပေါင်းရင်းမြစ်များ

Matie 12:18

«A ɩ̃ tõ-tõ-bie n'ɩ à ŋà ɩ̃ na kaa ír a, a ɩ̃ nɩ-nɔna za, ɩ̃ pʋɔ za pɛlɩ nɩ a ʋ ƴãw. Ɩ̃ na ɩ na a ɩ̃ Vʋʋrʋ siw a ʋ zu, ʋʋ na yel'ɩ a lɛ na tu sɔ́r a kʋ̀ a nɩ-bʋʋr-yoru.

Matie 12:29

Bɩɩ, ŋmɩŋmɩn n'a nɩr na tʋ̃ɔ́ kpɛ nɩr na kpɛmɛ yir, de a ʋ bome, ʋlɛ bɛ wa dãw de niwn 'lẽ a nɩ-kpɛ̃w nɛ bin baarɩ a? Ʋlɛ wa 'lẽ ʋ bin baar'a n'a ʋ na tʋ̃ɔ́ wob a ʋ yir bome za.

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Matie 21:43

Alɛ so ɩ̃ yere kʋ̀rɛ nyɩ: bɛ na de nɩ a Naaŋmɩn Naalʋ a nyɩ zie, kʋ̀ nɩ-bʋʋr-yoru na na ɩrɛ ʋ wɔnɛ wɔmɛ a. [

Matie 4:24

A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Markɩ 1:15

«A daar ʋl a Naaŋmɩn na ƴãw a ta na, a Naaŋmɩn Naalʋ dɩb pɩɛl'a: nyɩ lɩɛbɩ a nyɩ ɩb ɛ́ sàw de a Yel-nʋ̃ɔ̀.»

Markɩ 11:10

Nyɩ zɛw a naalʋ na waar a, a tɩ sãà Daviir naalʋ! Ozaana a saa-zu za!»

Markɩ 16:17

Ɛ́ bãwfʋ á ŋá n'a na tuur a bɛlɩ dem na sàw de a: a ɩ̃ yúor ƴãw, bɛ na diwr'ɩ kɔ̃tɔmɛ, bɛ na ƴɛ̀rɛ nɩ ƴɛ̀r-paalɛ.

Luka 10:11

“A nyɩ tẽw uuru tɛɛ za na pàw a tɩ gbɛ́ɛ a, tɩ tɛbr a na bɛrɛ kʋ̀rɛ nyɩ. Ɛcɛ nyɩ bãwnɩ a, a Naaŋmɩn Naalʋ ta na.”

Luka 11:20

Alɛ ɩrɛ mɛ̃ bom'ʋ a, Naaŋmɩn fãw n'a ɩ̃ diwr'ɩ a kɔ̃tɔmɛ, a wul kɛ́ a Naaŋmɩn Naalʋ ta nyɩ na.

Luka 16:16

«A Naaŋmɩn wulu nɩ a naaŋmɩn-ƴɛ̀r-manbɛ wulu tu na tɩ ta a Zã-Bati daar. Ɛcɛ a na tĩ a Zã-Bati daar a, a nɩbɛ wõ n a Naaŋmɩn Naalʋ Yel-nʋ̃ɔ̀ bɛ na hier'a, ɛ́ nɩsaal za mɩ́ ƴãw fãw bɔbr k'ʋʋ kpɛ a Naaŋmɩn Naalʋ pʋɔ.

Luka 9:2

Al pùorí, ʋ tɩ tõ bɛ na kɛ́ bɛ cen tɩ hiere k'aa Naaŋmɩn Naalʋ dɩb ta na, ɛ́ sanɛ a bàalbɛ.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

Ebre 12:28

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.

1 Zã 3:8

Sob nɛ na maalɛ a yel-bier a, Gɛgɛra so ʋ. A Gɛgɛra na ɩ yel-bier-maalɛ a pɛr-tib daar za a ƴãw. Yel ŋa ƴãw n'a a Naaŋmɩn Bie wa: k'ʋʋ wa sãw a Gɛgɛra tome bɛr.