Matie 12:20 - A SƐB-SÕW

²⁰ A bàa-kɛkɛr na gbɩɛlɩ a, ʋ bɛ nɛbr ʋ karɛ ɩ, a fɩ̃tɩlɛ vũu na ɩ kpɩ̃ɩkpɩ̃ɩ a, ʋ bɛ kpiire bɛrɛ ɩ, ɛ́ gù ʋ tɩ ɩ a lɛ na tu sɔ́r a tʋ̃ɔ́ bom za.

Matie 12:20 ပူးပေါင်းရင်းမြစ်များ

2 Na-mɩnɛ 18:21

A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za, na mɩ́ yel k'ʋʋ nyɔw ʋ kɛ́ àr a, nũú a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem za na mɩ́ ƴãw a bɛ tɩɛrʋ a ʋ ƴãw a zie!

Sɛb-sõw yielu 147:3

Ʋ mɔwlɛ nɩ a pʋ-sãwnɩ dem, ɛ́ 'lene a bɛ natɩɛ.

Sɛb-sõw yielu 51:17

Sore e, yuo a ɩ̃ nʋɔr, ɩ̃ tʋ̃ɔ́ danɛ fʋ.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Levitɩ mɩnɛ 10:20

A Moyiir tɩ nyɛ̃ nɩ a sɔwfʋ ŋa k'ʋ sɛw.

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Matie 11:7

Bɛ na tɩ lɛb cere a, a Yeezu tɩ tĩ na ƴɛ̀rɛ a Zã ƴɛ̀rʋ a zu-sɛbla zie. Ʋ tɩ sowre bɛ na: «Bʋ̃ʋ n'ʋ nyɩ cen tɩ nyɛ̃ a wɛja-kpalɛ pʋɔ? Bàa-kɛkɛr sɛsɛb na fure damnɛ a n'ʋ bɩɩ?

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

2 Korɛ̃tɩ 2:7

Ɛcɛ nyɩ nɩ̃ɛ dɩ suur kʋ̀ ʋ ɛ́ mɔwl'ʋ, k'ʋ taa wa mab tɛr pʋ-sãwna zuo ɩ.

Yel-wula 6:2

Ɩ̃ tɩ jɩ́r'a nyɛ̃ wur-pla. A ʋ zɔmnɛ tɩ tɛr'ɩ tam, ɛ́ bɛ kʋ̀ ʋ zɛb-tʋ̃ɔ́fʋ kpawʋɔ ʋ cen nɩ mɛ̃ nɩr na zɛb tʋ̃ɔ́, ɛ́ na cãà lɛb zɛb tʋ̃ɔ́ a.