Matie 12:18 - A SƐB-SÕW

¹⁸ «A ɩ̃ tõ-tõ-bie n'ɩ à ŋà ɩ̃ na kaa ír a, a ɩ̃ nɩ-nɔna za, ɩ̃ pʋɔ za pɛlɩ nɩ a ʋ ƴãw. Ɩ̃ na ɩ na a ɩ̃ Vʋʋrʋ siw a ʋ zu, ʋʋ na yel'ɩ a lɛ na tu sɔ́r a kʋ̀ a nɩ-bʋʋr-yoru.

Matie 12:18 ပူးပေါင်းရင်းမြစ်များ

Sɛb-sõw yielu 89:19

Fʋ̃ʋ só a tɩ gùre, Sore e, Ɩsɩrayɛl Naaŋmɩn na ɩ sõw a, fʋ̃ʋ só a tɩ nãà.

Ɩzayi 11:2

A Sore Vʋʋrʋ na siw ʋ na: yã-bãwfʋ nɩ yele jielu Vʋʋrʋ, yã-wulu nɩ fãw Vʋʋrʋ, bãwfʋ nɩ Sore zɔba Vʋʋrʋ.

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ɩzayi 52:13

A Sore yere na: «A ɩ̃ tõ-tõ-bie na ɩ n nɩr. Ʋ na ìr'a àr, bɛ na zɛw ʋ na, ʋʋ na nyɛ̃ nɩ ƴãwfʋ yaga za.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Ɩzayi 62:2

A nɩ-bʋʋrɛ na nyɛ̃ nɩ a fʋ mɩnʋ, ɛ́ a na-mɩnɛ za nyɛ̃ a fʋ yúor-vɩɛlʋ-danʋ. Fʋ na tɛr'ɩ yo-paala a Sore na na por a.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zakari 3:8

«A na ɩ à ŋá a, bɛrɛ wone Zozue e, fʋ̃ʋ na ɩ a bàwr-maal-kara a, nyɩ mɩ̀ bɛrɛ wone, nyɩɩm bàwr-maalbɛ na ɩ a ʋ taabɛ a, nyɩɩm za na ɩ a faafʋ na waar'a bãwfʋ a. Ɩ̃ na ƴãw nɩ a ɩ̃ tõ-tõ-bie ʋ wa, a ʋl na dɩ kɛ́ Bʋ̃-bul a.

Matie 12:17

k'aa ƴɛ̀rʋ ŋa a naaŋmɩn-ƴɛ̀r-manɛ Ɩzayi na tɩ yel a tu:

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

Markɩ 1:11

ɛ́ kɔkɔr yi a salom zu yere: «Fʋ̃ʋ n'ɩ a ɩ̃ Bi-nɔna za, ɩ̃ na nɔ̃w kaa ír a.»

Markɩ 9:7

Zũzuwr tɩ yi na, a ɓaarʋ pàw bɛ, ɛ́ kɔkɔr yire a zũzuwr pʋɔ yere: «A ɩ̃ Bi-nɔna za n'ɩ à ŋà, nyɩ bɛrɛ wone a ʋ ƴɛ̀rʋ.»

Luka 23:35

A nɩbɛ tɩ àr'a bɛlɛ. A nɩ-bɛrɛ bɛl tɩ kpɔwrɛ ʋ na yere nɩ: «Ʋ faa nɩ nɩ-yoru, ʋ faa ʋ tʋɔra, ʋlɛ wa n'ɩ a Nɩ-kabra, a ʋl ʋ na kaa ír a.»

Luka 3:22

ɛ́ a Vʋʋrʋ Sõw siw a ʋ zu tɛr ƴã-gan mɛ̃ naŋmam a. Kɔkɔr tɩ yi n a salom zu yere: «Fʋ̃ʋ n'ɩ a ɩ̃ Bi-nɔna, a ɩ̃ pʋɔ pɛlɩ nɩ a fʋ ƴãw.»

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Luka 9:35

Kɔkɔr tɩ yire nɩ a zũzuwr pʋɔ yere: «A ɩ̃ bie n'ɩ à ŋà, a ɩ̃ nɩ-kaa-íra, nyɩ bɛrɛ wone a ʋ ƴɛ̀rʋ.»

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 14:27

Bɛ na tɩ ta a daadaalɛ a, bɛ bʋɔl'ɩ a Lãw-yir dem ɓã taa, ɛ́ manɩ a yele al za a Naaŋmɩn na tɩ lãw nɩ bɛ maalɩ a, nɩ a lɛ ʋ na yuo a ʋ sàw-deb dɩ̃dɔr kʋ̀ a nɩ-bʋʋr-yoru a.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Kɔlɔsɩ 1:1

A mãa Pol, Naaŋmɩn na nɔ̃w yã ƴãw ɩ̃ ɩ Yeezu Kɩrɩta nɩ-tona a, nɩ a tɩ yɛb Timote,

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

1 Pɩɛr 2:4

Nyɩ taw pɩɛlɩ a Sore: ʋlɛ n'ɩ a kʋsɛ-mimir ʋl a nɩsaalbɛ na jɛ bɛr, ɛ́ a Naaŋmɩn zie ʋ ɩ kʋsɛ-kaa-íra nɩ kʋsɛ-yúor a.

2 Pɩɛr 1:17

Ʋ tɩ sɩrɩ na nyɛ̃ ƴãwfʋ nɩ yúor-vɩɛlʋ-danʋ a Naaŋmɩn Sãà zie, a lɛn daar kɔkɔr na tɩ yi a Naaŋmɩn vɩɛlʋ za zie yere a: «A ɩ̃ bi-nɔna n'ɩ à ŋà, ɩ̃ pʋɔ za pɛlɩ nɩ a ʋ ƴãw.»