Matie 11:3 - A SƐB-SÕW

³ «Fʋ̃ʋ n'ɩ a Nɩ-kabra na na wa a, bɩɩ tɩ cãà cɛlɛ nɩ-yũo?»

Matie 11:3 ပူးပေါင်းရင်းမြစ်များ

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Sɛb-sõw yielu 118:26

— A sob nɛ na waar a, ʋ tɛr'ɩ puoru a Sore yúor ƴãw! Tɩ be n a Ŋmɩn-yir-kpɛ̃ɛ pʋɔ ɛ́ kʋ̀rɛ nyɩ a ʋ maalʋ.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Abɩdɩasɩ 1:21

Bɛ na zɛb'a tʋ̃ɔ́, ɛ́ do a Sɩyɔ̃ tãw zu, ɛ́ a be n'a bɛ na tɩ dɩrɛ naalʋ a Edɔm tẽw zu. A Sore na ɩ n nãà!

Mise 5:2

A Sore na jɛ n a ʋ nɩ-bʋʋrɛ bɛr, ɛ́ gùre a daar nɛ a pɔw, a na fɛr k'ʋʋ dɔw a, nãà wa dɔw a. Lɛ n'a a bɛlɩ dem na na cãà vʋʋrɛ a gbãgbaalʋ pʋɔ, a diw-cenu pùorí a, na lɛb wa wa páw a Ɩsɩrayɛl nɩbɛ ŋmaarɛ.

A naaŋmɩn-ƴɛ̀r-manɛ Aaze sɛbɛ 2:7

Ɩ̃ na dam'ɩ a nɩ-bʋʋr-yoru za, ɛ́ a bɛ na-bome na wa n yaga a ka, ɩ̃ɩ na kʋ̀ n vɩɛlʋ yaga a yir-kpɛ̃ɛ ŋa. A mãa Sore, a Kpɛnʋ-za-sob'ʋ yere.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Matie 11:10

A Zã ƴãw n'a a Sɛb-sõw yel a ƴɛ̀r-bie á ŋá: “A ɩ̃ nɩr'ɩ ŋa ɩ̃ tone a fʋ nidaa, ʋ na tɩ cɔbr'ɩ a fʋ sɔ́r bɛr fʋ.”

Matie 11:4

A Yeezu tɩ sɔw bɛ na: «Nyɩ cen tɩ manɩ a yele nyɩ na nyɛrɛ ɛ́ wone a, kʋ̀ a Zã:

Matie 21:5

“Nyɩ yel a Sɩyɔ̃ tẽw dem: a nyɩ nãà n'ɩ ŋan waar a nyɩ zie, siwr ʋ tʋɔra zɔm bõw-nyãw, bõw-nyãw bile.”»

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»

Markɩ 11:9

A bɛlɩ dem na tɩ de a Yeezu niwn a, nɩ a bɛlɩ dem na tɩ be a pùorí a, tɩ cáarɛ na yere nɩ: «Ozaana! A Naaŋmɩn, ʋ maalɩ a sob nɛ na waar a Sore yúor ƴãw a!

Luka 19:38

Bɛ tɩ yere na: «A Naaŋmɩn, ʋ maalɩ a nãà na waar a Sore yúor ƴãw a! Ƴã-ɓaarʋ, a be a salom zu, bɛ cɛ a Naaŋmɩn danʋ a saa-zu za!»

Zã 11:27

A Marta sɔw: «Bʋ̃ʋ ɩ? Sore e, ɩ̃ sàw na kɛ́ fʋ̃ʋ n'ɩ a Kɩrɩta, fʋ̃ʋ n'ɩ a Naaŋmɩn Bie, a sob nɛ na waar a tẽ-daa zu a.»

Zã 12:13

Bɛ tɩ kár'ɩ kpãkparmɛ wuli yi tuore nɩ ʋ, cáarɛ nɩ yere nɩ: «Ozaana! A Naaŋmɩn, ʋ maalɩ a sob nɛ na waar a Sore yúor ƴãw a! A Naaŋmɩn, ʋ maalɩ a Ɩsɩrayɛl nãà!»

Zã 16:14

Ʋ na ɩ na a ɩ̃ yúor yi, mãa bʋ̃-sora na n'a ʋ na de wa yel kʋ̀ nyɩ a ƴãw.

Zã 4:21

A Yeezu sɔw yel: «Pɔw i, sàw a lɛ ɩ̃ na yere kʋ̀rɛ fʋ a, a daar tarɛ na, nyɩ na kʋ̃ mɩ́ cãà do a tãw ŋa zu, bɩɩ cen a Zerizalɛm tɩ puori a Naaŋmɩn Sãà a ɩ.

Zã 6:14

A nɩbɛ na tɩ nyɛ̃ a yel ŋa na ɩ bãwfʋ sãá a Yeezu na maalɩ a, bɛ tɩ yere na: «A naaŋmɩn-ƴɛ̀r-manɛ tɔr za n'ɩ à ŋà, a ʋl na waar a tẽ-daa zu a.»

Zã 7:31

A zu-sɛbla pʋɔ a, nɩ-yaga tɩ sàw na de ʋ ɛ́ yere: «A Naaŋmɩn Nɩ-kabra wa wa a, ʋ na tʋ̃ɔ́ na maalɩ yele-na-ɩ-bãwfʋ-sãá a zuo à á ŋá a sob ŋa na maalɩ a bɩɩ?»

Ebre 10:37

Bʋ̃ʋ n'ʋ vɛ̃, bɛ sɛb'ɩ à ŋá: «Blãlɛ n'a cãà cɛ, zaa pʋrɩlɛ, ɛ́ a sob nɛ na waar a na wa, ʋ kʋ̃ cɛlɩ ɛ.