Matie 11:23 - A SƐB-SÕW

²³ Ɛ́ fʋ̃ʋ, Kafarnawɔm i, fʋ tɩɛrɛ kɛ́ fʋ na do na tɩ tɔ a salom bɩɩ? Fʋ na siwri na tɩ ta a kpɩmɛ tẽw. Bʋ̃ʋ n'ʋ vɛ̃, a nɔ-ɓãa-yele na maalɩ a fʋ zie a, a Sodɔm tẽw tɩ n'a a, ʋ nãá cãà nɩ be nɩ dɩ̃a.

Matie 11:23 ပူးပေါင်းရင်းမြစ်များ

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

A Lãw-mʋɔlɛ 2:1

'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.

Ezekɩɛl 26:20

Ɩ̃ na ɩ na fʋ siw a kpɩmɛ tẽw, nɩ a bɛl na be a yarʋ pʋɔ a, ɛ́ fʋ na tɩ páw nɩ a koro za nɩbɛ. Ɩ̃ na ɩ na fʋ kpɩɛr a tẽsɔw pʋ̃ɔmɩ. Fʋ na ŋmɛ̃ na taa nɩ a kʋsɛ-kore, fʋ na lãw nɩ nɩ a bɛlɩ dem na be a yarʋ pʋɔ a. Fʋ kʋ̃ tʋ̃ɔ́ lɛb yi do ɩ, ɛ́ kʋ̃ lɛb páw vuo a nɩ-vʋʋrɩ tẽw zu ɛ.

Ezekɩɛl 31:14

A ɩ n à à ŋá kɛ́ tɩɛ za na páwr kʋ̃ɔ ɛ́ tɛr'a yaga a, ta tʋ̃ɔ́ lɛb kɛrɩ do tɩ tɔ a zũzuwe, ɛ́ ɩrɛ pɔ̀lʋ̀ a ʋ kɛrʋ zũú ɛ. Bʋ̃ʋ n'ʋ vɛ̃, a tɩɩr bɩɩ a nɩsaalbɛ za na kpi n bibir kãw. Bɛ na siw na kpɛ tẽw lãwnɩ a bɛl na siw a yaa-bɔw pʋɔ a.

Ezekɩɛl 32:18

«A fʋ̃ʋ nɩsaal bie, ŋmãa lãw-mʋɔlɛ a Eziptɩ tẽw nɩbɛ ƴãw. A fʋ lãw-mʋɔlɛ, ʋ cã bɛ lãwnɩ a nɩ-bʋʋr-kpɛn bɛl na cɛ a lɔb a kpɩmɛ tẽw, a be a kũuni na siwr a.

Ezekɩɛl 32:24

A Elam tẽw nãà be n ka nɩ a ʋ zɛbr-nɩbɛ. A ʋ sojarɩ yarʋ viir'a koli ʋ. Bɛ kʋ n bɛ za a zɛbr zie. A yɔ-ɓile dem bɛ ŋa na tɩ ɩrɛ a nɩ-vʋʋrɩ tẽw màwr dɛ̃bɩ̃-mawfʋ a, bɛ siw nɩ a tẽsɔw pʋ̃ɔmɩ. Ƴɛrɛŋa a, vĩ nyɔw bɛ na lãwnɩ a bɛl za na be a kũuni zie a.

Abɩdɩasɩ 1:4

Fʋ̃ʋ saa na ìr do do mɛ̃ a sidum a, fʋ̃ʋ saa na wob a fʋ cow a ŋmar-bie sɔgɔ a, ɩ̃ na caabɩ fʋ na bɛr fʋ siw tɩ lo. A mãa Sore n'ʋ yere.

Matie 10:15

Yel-mɩŋa sɩza, ɩ̃ yere na kʋ̀rɛ nyɩ, a ƴɛ̀rʋ-dɩb bibir a, bɛ kʋ̃ dɔwrɩ a Sodɔm nɩ a Gomɔɔr ten dem man a tẽw nɛ dem ɛ.»

Matie 16:18

Ɛ́ ɩ̃ yere na kʋ̀rɛ fʋ, fʋ ɩ n Pɩɛr, a pɛr lɛ kɛ́ kʋsɩɛr, ɛ́ a kʋsɩɛr ŋa zu n'a ɩ̃ na ŋmãa a ɩ̃ Lãw-yir, ɛ́ a kũu kpɛnʋ bʋʋrɛ za kʋ̃ tʋ̃ɔ́ ɩ ʋ bom za ɩ.

Matie 17:24

Bɛ na tɩ ta a Kafarnawɔm a, a bɛlɩ dem na mɩ́ dier a Ŋmɩn-yir-kpɛ̃ɛ cɩɛrʋ a, tɩ taw na ta a Pɩɛr zie sowr'ʋ: «A nyɩ Wul-wul-kara bɛ mɩ́ ya a Ŋmɩn-yir-kpɛ̃ɛ cɩɛrʋ bɩɩ?»

Matie 4:13

Ʋ tɩ yi n a Nazarɛtɩ, ɛ́ cen tɩ kpɩɛr Kafarnawɔm, a Galile kʋ̃ɔ-kpɛ̃ɛ nʋɔr, a Zabulɔ̃ nɩ a Nɛfɩtali ten vuo pʋɔ,

Matie 8:5

A Yeezu na tɩ kpɩɛr a Kafarnawɔm tẽw pʋɔ a, sojarɩ kʋba nɩ-kpɛ̃ɛ kãw tɩ taw na pɩɛl'ʋ zɛlɛ ʋ yãayãa

Luka 10:15

Ɛ́ fʋ̃ʋ, Kafarnawɔm ɩ! Fʋ tɩɛr kɛ́ fʋ na zɛw nɩ fʋ tʋɔra do tɩ tɔ salom bɩɩ? Fʋ na siw na, siw tɩ ta a kpɩmɛ tẽw.»

Luka 14:11

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 16:23

A tɩ wone ʋ nɩ yaga a nɩ-kũuni tẽw pʋɔ be. Ʋ wa dʋɔ nɩ zu wɩɛr tɩ nyɛ̃ a Abraham, ɛ́ a Lazaar zɩ̃ kɔwlɩ ʋ.

Luka 4:23

Ɛcɛ a Yeezu tɩ yel bɛ na: «Mɛ̃ nyɩ taa na lɔb a zʋkpar ŋa kʋ̀ m: “Dɔwta a, sanɩ fʋ tʋɔra!” A yele al za tɩ na wõ k'aa maal'ɩ a Kafarnawɔm a, mɩ̀ maal'a a fʋ tẽw pʋɔ ka!»

Nɩ-toni 2:27

fʋ kʋ̃ tʋ̃ɔ́ jɛ mɛ̃ bɛr a kpɩmɛ tẽw ɛ, fʋ mɩ̀ kʋ̃ tʋ̃ɔ́ bɛr a fʋ Nɩ-sõw k'ʋ pʋ̃ɔ ɩ.

Nɩ-toni 2:31

A na ɩ à ŋá a, ʋ de nɩ niwn nyɛ̃ a Kɩrɩta kũu-pʋɔ-lɛb-yibu. Ɛ́ a ʋl ƴãw n'a ʋ tɩ yel: “Bɛ bɛ jɛ ʋ bɛr a kpɩmɛ tẽw ɛ, ɛ́ a ʋ ƴã-gan bɛ pʋ̃ɔ ɩ.”»

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 11:8

A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.

Yel-wula 20:13

A kʋ̃ɔ-kpɛ̃ɛ tɩ tɩr'ɩ a ʋ kũuni, a kũu nɩ a kpɩmɛ tẽw mɩ̀ tɩr a kũuni: bɛ tɩ maal'ɩ nɩ bɛ za a ƴɛ̀rʋ tu n a bɛ ɩ-ɩrɩ.

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.