Matie 11:18 - A SƐB-SÕW

¹⁸ Bʋ̃ʋ n'ʋ vɛ̃, Zã wa na, bɛ dɩrɛ ɩ, bɛ nyúur ɛ, ɛ́ bɛ yel kɛ́: “Kɔ̃tɔ̃-ìre n'ʋ!”

Matie 11:18 ပူးပေါင်းရင်းမြစ်များ

2 Na-mɩnɛ 9:11

A Yehu tɩ yi na lɛb cen a nãà sojarɩ nɩ-bɛrɛ bɛl zie, bɛ tɩ sowr'ʋ: «Ɓaarʋ n'a a? Bʋnʋ ƴãw n'a a zu-jɩɩra ŋa wa a fʋ zie?» A Yehu tɩ sɔw na: «Bom za ƴãw bɛ n'a ɩ. Nyɩ bãw nɩ a nɩbɛ bɛ ŋa, nɩ a ƴɛ̀rʋ bɛ na mɩ́ ƴɛ̀rɛ a.»

Zeremi 15:17

Ɩ̃ bɛ zɩ̃ a nɩ-ɩ-laarbɛ sɔgɔ k'ɩ̃ɩ dɩ̃ɛnɩ ɛ. Ɛcɛ fʋ fɛr mɛ̃ na ƴãw ɩ̃ be ɩ̃ yõ zie, fʋ na tɩ ɩ ɩ̃ ɩ suur tɛwr a ƴãw.

Zeremi 29:26

«A Sore ɩ na fʋ ɩ bàwr-maalɛ lɩɛrɩ a bàwr-maalɛ Yehoyada. A fɛr'a kɛ́ fʋ mɩ́ piwre a Ŋmɩn-yir-kpɛ̃ɛ pʋɔ, a yãyaar dem bɛl za na yel kɛ́ bɛ ɩ n naaŋmɩn-ƴɛ̀r-manbɛ a. A fɛr'a kɛ́ fʋ mɩ́ ƴãw bɛ 'lẽ bɛ nɩ bãzɔlɛ nɩ kure kɔkɔrɩ-bãw.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Matie 10:25

A po-tuure wa ŋmɛ̃ mɛ̃ a ʋ zu-sob a, a sɛw ʋ na, a tõ-tõ-bie wa ŋmɛ̃ mɛ̃ a ʋ tõ-tõ-nɩ-kpɛ̃ɛ a, a sɛw ʋ na. Bɛ nɩ̃ɛ na bʋɔlɩ a yir sob Bɛlɩzebul, ɛ́ bɛ nãà yere a yir biir i!»

Matie 11:17

“Tɩ pɛbl'ɩ weli ƴãw nyɩ, ɛ́ nyɩ bɛ ƴaw ɛ! Tɩ ŋmãa nɩ lãw-mʋɔlɛ, ɛ́ nyɩ bɛ kõ ɩ!”

Matie 3:4

A Zã mɩ́ tɩ su n nyɔ̃wmɛ kɔblʋ kparʋ ɛ́ 'lẽ nɩ gán-kpawr a sɩɛmɩ́. Ʋ tɩ 'wɔbr'ɩ sãsoge dɩrɛ nɩ mʋ̃ɔ pʋɔ sɩwr.

Matie 9:34

Ɛcɛ a Faarizɩ̃ɛ mɩnɛ tɩ yere na: «A kɔ̃tɔmɛ za nãà fãw zũú n'a ʋ diwr a kɔ̃tɔmɛ.»

Markɩ 3:22

A Naaŋmɩn wulu sɛ-sɛbrbɛ bɛl na tɩ yi a Zerizalɛm wa a, tɩ yere na: «A kɔ̃tɔ̃-nãà Bɛlɩzebul n'ʋ ìre ʋ!» Nɩ kɛ́: «A kɔ̃tɔmɛ nãà fãw n'a ʋ diwr'ɩ a kɔ̃tɔmɛ.»

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Zã 10:20

A bɛ pʋɔ a, yaga tɩ yere na: «Ʋ ìre nɩ kɔ̃tɔmɛ! Ʋ yarɛ na! Bʋ̃ʋ n'ʋ so nyɩ bɛrɛ wone a ʋ ƴɛ̀rʋ?»

Zã 7:20

A zu-sɛbla tɩ sɔw na: «Kɔ̃tɔ̃-ìre nɛ b! Ãa n'ʋ bɔbr fʋ kʋb?»

Zã 8:48

A Zifʋ mɩnɛ tɩ sɔw na yel a Yeezu: «Tɩ na yel kɛ́ fʋ ɩ n Samaari tẽw nɩr, nɩ kɛ́ fʋ ɩ n kɔ̃tɔ̃-ìre a, ziri n'a a?»

Zã 8:52

A lɛ n'a a Zifʋ mɩnɛ tɩ yel ʋ: «Tɩ pãa bãwnɩ a na, fʋ ìre nɩ kɔ̃tɔmɛ! Abraham kpi na, a naaŋmɩn-ƴɛ̀r-manbɛ mɩ̀ kpi, ɛ́ fʋ̃ʋ wa yel: “Sob nɛ na dier a ɩ̃ ƴɛ̀rʋ a kʋ̃ kpi towtow ɛ”.

Nɩ-toni 26:24

A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!»

1 Korɛ̃tɩ 9:27

Ɛcɛ ɩ̃ 'wɔnɛ nɩ a ɩ̃ ƴã-gan ɛ́ dɔwrɛ ʋ, k'ɩ̃ɩ tʋ̃ɔ́ so ʋ, k'ɩ̃ɩ taa wa mab hieri a Yel-nʋ̃ɔ̀ kʋ̀ a nɩbɛ, ɛ́ bɛ nyɛ̃ ɩ̃ bɛ sɛwnɩ ʋ ɛ.