Matie 10:33 - A SƐB-SÕW

³³ Ɛcɛ sob nɛ za na yel a nɩbɛ niŋé k'ʋʋ bɛ bãw mɛ̃ a, ɩ̃ mɩ̀ na yel'ɩ a ɩ̃ Sãà na be a tẽ-vla pʋɔ a niŋé k'ɩ̃ɩ bɛ bãw ʋ ɛ.»

Matie 10:33 ပူးပေါင်းရင်းမြစ်များ

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Markɩ 14:30

A Yeezu sɔw yel ʋ: «Yel-mɩŋa sɩza, ɩ̃ yere na kʋrɛ fʋ, a fʋ̃ʋ tɔr za a, a dɩ̃a tɩ̃ɩsɔw, nʋra kʋ̃ kõ gb'a ayi sɛr ɛ, ɛ́ fʋ ciiri gb'a ata ɛ́ fʋ bɛ bãw mɛ̃ ɩ.»

Markɩ 14:72

Ɛ́ daadaalɛ nʋra kõ a gb'a ayi sob. A lɛ n'a a Pɩɛr pãa lɛb bãwnɩ a ƴɛ̀r-bir ŋa a Yeezu na tɩ yel a: «Nʋra kʋ̃ kõ gb'a ayi sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.» Ɛ́ tɩ paw tɔl yi tɩ nyɔw kon.

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Luka 12:9

Ɛcɛ sob nɛ za mɩ̀ nãà bɛ wa sàw a nɩbɛ za niŋé k'ʋʋ ɩ n a ɩ̃ po-tuure a, a Nɩsaal Bie mɩ̀ na yel'ɩ a Naaŋmɩn malkɩ mɩnɛ niŋé k'ʋʋ bɛ bãw ʋ ɛ.

Luka 22:57

Ɛcɛ a Pɩɛr tɩ ciir'a ɛ́ yel: «Ɩ̃ bɛ bãw ʋ ɛ, pɔw i.»

Luka 9:26

Nɩr wa nyɛ̃ mãa nɩ a ɩ̃ ƴɛ̀rʋ ɩrɛ ʋ vĩ a, a Nɩsaal Bie mɩ̀ na nyɛ̃ na ʋ ɩrɛ ʋ vĩ, a lɛn daar ʋ nãà wa wa a ʋ yúor-vɩɛlʋ-danʋ pʋɔ a, a ʋ Sãà nɩ a malkɩ son yúor-vɩɛlʋ-danʋ pʋɔ a.

2 Timote 2:12

Tɩmɛ wa dɩ kanyir a, tɩ mɩ̀ na lãw nɩ ʋ na dɩ naalʋ. Tɩmɛ wa zawr'ʋ bɛr a, ʋ mɩ̀ na zawrɩ tɩ na bɛr.

2 Pɩɛr 2:1

Naaŋmɩn-ƴɛ̀r-man-bɛlɛbɛlɛ mɩnɛ mɩ̀ tɩ be n a Ɩsɩrayɛl bʋʋrɛ pʋɔ a koro za. Lɛ n'a wul-wul-bɛlɛbɛlɛ mɩnɛ mɩ̀ na be a nyɩ pʋɔ. Bɛ na wa n nɩ wulu na bɛ tu sɔ́r ɛ́ bɔrɛ a nɩbɛ a, mɔ̃ mɩ̀, bɛ na zawr'ɩ a Wul-wul-kara na ya de bɛ a bɛr. À ŋá n'a bɛ na ɩ ƴãw bɛ tʋɔra kũu na kʋ̃ yaa kɛ́ ta a pʋɔ.

1 Zã 2:23

Sob nɛ za na zawrɛ a Bie a, mɩ̀ bɛ tɛr a Sãà ɩ. Ɛ́ sob nɛ za na sàw a Bie a mɩ̀ tɛr'ɩ a Sãà.