Matie 10:28 - A SƐB-SÕW

²⁸ Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Matie 10:28 ပူးပေါင်းရင်းမြစ်များ

2 Na-mɩnɛ 17:39

A mãa Sore nyɩ Naaŋmɩn n'ʋ nyɩ na puore, mãa n'ʋ na faa nyɩ a nyɩ dɔ̃ dem za nuru pʋɔ.»

A Zɔb sɛbɛ 37:24

Alɛ so a nɩsaalbɛ ƴãwnɛ ʋ, ɛcɛ ʋl bɛ ŋmɛlɛ kaar a bɛlɩ dem na tɩɛr kɛ́ bɛ ɩ n yã-bãwnbɛ a ɩ.

Sɛb-sõw yielu 119:120

Fʋ ɩrɛ mɛ̃ nɩ dɛ̃bɩ̃ɛ, ƴãw a ɩ̃ ƴã-gan za ʋ màwr, a lɛ fʋ na dɩ a ƴɛ̀rʋ yel a mɩ̀ ɩrɛ mɛ̃ nɩ dɛ̃bɩ̃ɛ.

Ekilezɩasɩ 5:7

Fʋ̃ʋ wa nyɛ̃ bɛ dɔwrɛ a nã́w sob, bɛ bɛ tuur a yel-na-tu-sɔr nɩ a mɩnʋ tẽw kãw pʋɔ a, a taa wa ùre fʋ ɛ. Bʋ̃ʋ n'ʋ vɛ̃, nɩr na do gãw a ʋ tɔ a zu-sɔw a, nɩr be n be piw ʋ tɛr, ɛ́ a bɛ za ayi zu-sɔw a, nɩbɛ mɩ̀ lɛb'a be be do gãw bɛ, ɛ́ mɩ̀ piw bɛ tɛr.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Ɩzayi 51:7

Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Zeremi 5:22

A Sore yere na: A ɩ lɛ nyɩ bɛ ƴãwnɛ mɛ̃ ʋ? A ɩ lɛ nyɩ bɛ màwr a ɩ̃ niŋé ʋ? Mãa n'ʋ ɩ a biire ɩ a kʋ̃ɔ-kpɛ̃ɛ tɛwfʋ zie, tʋr-bɔw n'ʋ gã kʋralɛ a kʋ̃ɔ-kpɛ̃ɛ kʋ̃ tʋ̃ɔ́ gãw ɛ. A ʋ kʋ̃ɔ-mie na saa mɩ́ ìre dúor a, ɛcɛ a bɛ tɛr fãw ɛ, a na tʋ̃ɔ́ na mɩ́ ɩrɛ gɔmɛ, ɛcɛ a bɛ gãwnɛ a tʋr-bɔw ɛ.

Matie 10:26

«A na ɩ lɛ a, nyɩ ta zɔrɛ nɩr kãw za ɩ. Bom za bɛ be be sɔwlɩ kʋ̃ʋ wa sãá ɩ, ɛ́ yel-sɔwla za bɛ be be bɛ kʋ̃ʋ wa bãw ɛ.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Zã 5:29

ɛ́ yi a bɛ yarʋ pʋɔ a. A bɛlɩ dem na tɩ tu a vla pùor a bɛ nyɔ-vʋʋrʋ pʋɔ a, na lɛb'a yi páw a nyɔ-vʋʋrʋ. Ɛcɛ a bɛlɩ dem na tu a faa pùor a, na lɛb'a yi nyɛ̃ dɔwrʋ.

Nɩ-toni 21:13

Lɛ n'a ʋ tɩ sɔw yel tɩ: «Bʋ̃ʋ ƴãw n'a nyɩ kone ɛ́ sãwnɛ mɛ̃ pʋɔ à ŋá? Mãa a, 'leb yõ bɛ n'a ɩ̃ gù ɛ, ɩ̃ mɩ̀ gù n a kũu a Zerizalɛm a Sore Yeezu yúor ƴãw.»

Ebre 10:31

A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!

Ebre 11:35

A sàw-deb zũú, pɔwbɛ tɩ lɛb'a nyɛ̃ a bɛ nɩbɛ na kpi a bɛ lɛb yi a kũu pʋɔ. Ɛcɛ bɛ tɩ dɔwr'ɩ bɛ mɩnɛ tɩ kʋ. Bɛ bɛ tɩ sàw bɛ na faa bɛ ɩ, kɛ́ bɛ tʋ̃ɔ́ wa lɛb yi a kũu pʋɔ páw a nyɔ-vʋʋrʋ na vɩɛl zuo a.

Zakɩ 4:12

Naaŋmɩn yõ n'ʋ ɩ a nɔ-ƴãwnɛ nɩ a ƴɛ̀r-dɩrɛ. Ʋl yõ n'ʋ na tʋ̃ɔ́ faa, ʋl yõ n'ʋ na tʋ̃ɔ́ kʋ. Fʋ̃ʋ a, ãa nɛ b na bãwnɛ a fʋ tɔ sãwna?

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.