Matie 10:27 - A SƐB-SÕW

²⁷ Bom nɛ ɩ̃ na mɩ́ yel kʋ̀ nyɩ lige pʋɔ a, nyɩ mɩ́ yel ʋ cãàmɩ́, ɛ́ bom nɛ bɛ na mɩ́ waalɩ ƴãw a nyɩ tobe pʋɔ a, nyɩ mɩ́ do gàrʋ́ hier'ʋ.

Matie 10:27 ပူးပေါင်းရင်းမြစ်များ

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Matie 24:17

Nɩr wa be gàrʋ́ a, ʋ taa siwr dĩó k'ʋʋ tɩ de ʋ bome ɩ.

Luka 12:3

Lɛ so, bom nɛ za nyɩ nãà wa yel lige pʋɔ a, nɩbɛ na wõ ʋ nɩ cãàmɩ́, ɛ́ bom nɛ za nyɩ nãà waalɩ ƴãw nɩr tobrí di-lige pʋɔ a, bɛ na hier'ʋ na yel gàrʋ́.»

Luka 8:10

Ʋ tɩ yel bɛ na: «A nyɩɩm a, Naaŋmɩn ɩ na nyɩ bãw a ʋ naalʋ yel-sɔwlɩ, ɛcɛ a ŋmaarɛ bɛl na cɛ a zie a, a mɩ́ ɩ n zʋkpaɩ, kɛ́ “bɛ tʋ̃ɔ́ mɩ́ jɩ́rɛ ɛ́ ta nyɛ̃ bom za ɩ, bɛrɛ wone ɛ́ ta bãw a pɛr ɛ.”»

Zã 16:1

«Ɩ̃ yel'ɩ à á ŋá za kʋ̀ nyɩ kɛ́ nyɩ taa faarɛ lore a nyɩ naaŋmɩn-sàw-deb pʋɔ, a lɛn daar bɛ nãà wa dɔwrɛ nyɩ kɛ́ bɛ ɩ nyɩ kaa a ɩ.

Zã 16:13

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

Zã 16:25

«Ɩ̃ lɔb'ɩ zʋkpaɩ yel'ɩ à á ŋá za kʋ̀ nyɩ. Ɛcɛ bio waar'a na vɩɛ, ɩ̃ kʋ̃ cãà ƴɛ̀rɛ à à ŋá a nyɩ zie ɩ, ɩ̃ na manɛ nɩ a ɩ̃ Sãà yele kʋ̀rɛ nyɩ cãàmɩlɛ.

Zã 16:29

A ʋ po-tuurbɛ tɩ yel ʋ na: «Ƴɛrɛŋa a, fʋ bɛr'ɩ a zʋkpaɩ ɛ́ ƴɛ̀rɛ cãàmɩlɛ.

Nɩ-toni 17:17

Ʋ mɩ́ tɩ kpɛ n a puoru-dĩó tɩ ƴɛ̀rɛ nɩ a Zifʋ mɩnɛ, nɩ a bɛl na tu a Naaŋmɩn puoru sɔ́r a. Ɛ́ bibir za ʋ mɩ́ yi a nɩbɛ tuor-taa zie tɩ àr ƴɛ̀rɛ nɩ nɩr za ʋ na nyɛ̃ a.

Nɩ-toni 5:20

«Nyɩ cen a Ŋmɩn-yir-kpɛ̃ɛ pʋɔ tɩ be a be hiere a nyɔ-vʋʋrʋ ƴɛ̀r-bie á ŋá za kʋ̀rɛ a nɩbɛ!»

Nɩ-toni 5:28

«Tɩ tɩ diw nyɩ na bɛr lãwnɩ kpãàfʋ kɛ́ nyɩ ta kanɛ nɩ a nɩbɛ a nɩr ŋa yúor ƴãw ɛ! Ɛcɛ nyɩmɛ n'ɩ bɛ ŋan paalɩ a Zerizalɛm za nɩ a nyɩ kanʋ! Nyɩ bɛ yel kɛ́ nyɩ ɩ lɛ a yele a nɩr ŋa kũu na na wa n a lɛb lo tɩ zu u!»

2 Korɛ̃tɩ 3:12

A yel ŋa ƴãw tɩ na ƴãw a tɩ tɩɛrʋ a n'a so, tɩ ɓãá ƴãw bɛr dɛ̃bɩ̃ɛ.