Matie 10:2 - A SƐB-SÕW

² Nyɩ nyɛ̃ a nɩ-toni pie nɩ ayi bɛl yée: a dãw-niwn sob'ɩ Sɩmʋ̃, bɛ na bʋɔlɛ Pɩɛr a, nɩ a ʋ yɛb Ãdere, Zebede bidɛbr Zakɩ nɩ a ʋ yɛb Zã,

Matie 10:2 ပူးပေါင်းရင်းမြစ်များ

Matie 17:1

Bibie ayʋɔb pùorí, a Yeezu tɩ tɛr'ɩ Pɩɛr, Zakɩ nɩ a ʋ yɛb Zã, do n tã-kpɛ̃ɛ kãw zu, bɛ tɛwr zie.

Matie 20:20

Lɛ n'a a Zebede bidɛbr mã, tɩ taw ta a Yeezu zie nɩ a ʋ bibiir ayi. Ʋ tɩ lo na gbĩ dume a ʋ pile k'ʋʋ zɛlɩ bʋ̃-kãw.

Matie 26:37

Ʋ tɩ tɛr'ɩ Pɩɛr nɩ Zebede bidɛbr bɛ za ayi cen nɩ. Pʋ-sãwna nɩ pʋl-vʋ̃ɔ tɩ tĩ na nyɔw ʋ.

Matie 4:18

A Yeezu na tɩ cere lanɛ a Galile kʋ̃ɔ-kpɛ̃ɛ a, ʋ nyɛ̃ nɩ yɛbr ayi, Sɩmʋ̃ bɛ na bʋɔlɛ Pɩɛr a, nɩ a ʋ yɛb Ãdere bɛ lɔbr mɩ̃ɛ a kʋ̃ɔ-kpɛ̃ɛ pʋɔ, zʋm-nyɔwrbɛ tɩ nɛbɛ.

Matie 4:21

Ʋ tɩ cen na tɔl blã, lɛb nyɛ̃ yɛbr ayi bɛ mɩnɛ, Zebede bidɛbr, Zakɩ nɩ Zã, bɛlɛ nɩ a bɛ sãà Zebede bɛ be a gbor pʋɔ maalɛ a bɛ mɩ̃ɛnɩ ƴãwn. Ʋ tɩ bʋɔlɩ bɛ na.

Markɩ 1:29

Bɛ tɩ yi n a puoru-dĩó cen Sɩmʋ̃ nɩ Ãdere yir daadaalɛ, bɛlɛ nɩ Zakɩ nɩ Zã.

Markɩ 13:3

A Yeezu na tɩ zɩ̃ a Olivʋ tɩɩr tãw zu tori a Ŋmɩn-yir-kpɛ̃ɛ a, Pɩɛr nɩ Zakɩ nɩ Zã nɩ Ãdere tɩ sowr'ʋ nɩ a bɛ tɛwr zie:

Markɩ 6:30

A Yeezu Nɩ-toni tɩ lɛb'a wa ɓã taa a ʋ zie, ɛ́ manɩ a yele al za bɛ na ɩ a kʋ̀ ʋ, nɩ a kanʋ al za bɛ na kanɩ nɩ a nɩbɛ a.

Luka 11:49

Alɛ n'a so, a Naaŋmɩn na bãw bom za a, tɩ yel a nyɩ ƴãw: “Ɩ̃ na tõ n a ɩ̃ ƴɛ̀r-manbɛ nɩ a ɩ̃ nɩ-toni a bɛ zie. Bɛ na kʋ n bɛ mɩnɛ, ɛ́ dɔwrɩ bɛ mɩnɛ.”

Luka 22:14

A tɛm na wa ta a, a Yeezu tɩ zɩ̃ n a dɩb ƴãw ʋlɛ nɩ a ʋ nɩ-toni.

Luka 22:8

A Yeezu tɩ tõ n Pɩɛr nɩ Zã ɛ́ yel bɛ: «Nyɩ cen tɩ cɔbrɩ a Tɔl-gãw cuw dɩb tɩ dɩ.»

Luka 5:10

Lɛ n'a a mɩ̀ tɩ ŋmɛ̃ a Sɩmʋ̃ zʋm-nyɔw-taabɛ zie, a Zebede bibiir, Zakɩ nɩ Zã. Ɛcɛ a Yeezu tɩ yel'ɩ a Sɩmʋ̃: «Ta zɔrɛ dɛ̃bɩ̃ɛ ɩ, dɩ̃a na ta a, nɩbɛ nɛbɛ fʋ na nyɔwr.»

Luka 9:10

A nɩ-toni tɩ lɛb'a wa wa manɩ a alɩ bome nɛ za bɛ na ɩ a kʋ̀ a Yeezu. Ʋ tɩ tɛr bɛ na taw yi n bɛ tɛwr zie, tẽw kãw bɛ na bʋɔlɛ Bɛtɩsayida a lowr.

Zã 12:22

A Filib tɩ cen na tɩ yel kʋ̀ Ãdere, a Ãdere nɩ a Filib za cen tɩ yel kʋ̀ a Yeezu.

Zã 13:23

A po-tuure ƴen sob, a ʋl a Yeezu na tɩ nɔnɛ a, tɩ zɩ̃ na kɔw a Yeezu.

Zã 20:2

Ʋ tɩ zɔ na cen tɩ páw a Sɩmʋ̃ Pɩɛr nɩ a Yeezu po-tuur-nɔna yel bɛ: «Bɛ ír'ɩ a Sore a yaa pʋɔ ɛ́ tɩ bɛ bãw be bɛ na ƴãw ʋ a ɩ.»

Zã 21:2

Sɩmʋ̃ Pɩɛr nɩ Toma, bɛ na bʋɔlɛ Didim a, nɩ Natanayɛl na yi Kana a Galile tẽw a, a Zebede bibiir nɩ a Yeezu po-tuurbɛ ayi bɛ mɩnɛ tɩ nɛbɛ.

Zã 21:20

A Pɩɛr na tɩ ŋmɛlɩ kaa a pùorí a, ʋ nyɛ̃ nɩ a po-tuure ʋl a Yeezu na nɔnɛ a, a ʋl na tɩ cɩɩlɩ cen a Yeezu nyãa ƴãw a dɩb daar sowr'ʋ: «Sore e, ãa n'ɩ a sob nɛ na na mɩl fʋ nyɔw tɩr a?»

Zã 21:24

A po-tuure ŋa n'ʋ dɩrɛ a yele á ŋá dãsɩɛ, ɛ́ ʋlɛ n'ʋ sɛb a, ɛ́ tɩ bãwnɩ a na, a ʋ dãsɩɛ tu n yel-mɩŋa.

Zã 6:67

Lɛ n'a a Yeezu tɩ sowri a Pie-nɩ-ayi: «Ɛ́ a nyɩɩm, nyɩ mɩ̀ bɛ bɔbr kɛ́ nyɩ bɛr mɛ̃ ɛ́ cen ɛ?»

Zã 6:70

A Yeezu tɩ sɔw bɛ na: «Mãa bɛ n'ʋ kaa ír a nyɩɩm Pie-nɩ-ayi ɛ? Ɛcɛ a nyɩ ƴen sob ɩ n gɛgɛra.»

Zã 6:71

Sɩmʋ̃ Ɩsɩkarɩɔtɩ bidɛb Zuda n'ʋ a Yeezu tɩ ƴɛ̀rɛ jɩɛrɛ nɩ. Bʋ̃ʋ n'ʋ vɛ̃, ʋ na saa tɩ pʋɔ a Pie-nɩ-ayi pʋɔ a, ʋlɛ n'ʋ na mɩl a Yeezu.

Zã 6:8

A Yeezu po-tuurbɛ ƴen sob kãw, Ãdere, Sɩmʋ̃ Pɩɛr yɛb, tɩ yel ʋ na:

Nɩ-toni 1:13

Bɛ na tɩ lɛb wa a, bɛ do n a bɔwpɩɛ pʋɔ na tɩ ɩ a bɛ beba zie a. Pɩɛr, Zã, Zakɩ nɩ Ãdere, Filib nɩ Toma, Batelemi nɩ Matie, Alfe bidɛb Zakɩ nɩ Sɩmʋ̃ Zelɔtɩ nɩ Zakɩ bidɛb Zuda tɩ nɛbɛ.

Nɩ-toni 1:26

Al pùorí, bɛ tɩ ŋmɛ n a gbãw, ʋ lo Matɩasɩ zu, ɛ̀ bɛ de ʋ ƴãw a nɩ-toni pie nɩ been pʋɔ.

Nɩ-toni 12:2

Ʋ tɩ ƴãw na bɛ kʋ a Zã yɛb Zakɩ nɩ zɛbr-sɔ-kpɛ̃ɛ.

Nɩ-toni 3:1

Pɩɛr nɩ Zã tɩ dúor'ɩ a Zerizalɛm Ŋmɩn-yir-kpɛ̃ɛ pʋɔ, a zaanʋɔra gbele ata puoru ƴãw.

1 Korɛ̃tɩ 15:7

Al pùorí ʋ wul ʋ tʋɔra Zakɩ, ɛ́ lɛb wul ʋ tʋɔra a nɩ-toni za.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

1 Pɩɛr 1:1

A mãa Pɩɛr na ɩ a Yeezu Kɩrɩta nɩ-tona a, mãa n'ʋ sɛbr a Naaŋmɩn nɩ-kaa-íri na yaarɩ be a Pɔ̃, a Galasi, a Kapadɔsɩ, a Azi nɩ a Bitini ten pʋɔ mɛ̃ nɩ-sãanbɛ a.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

2 Zã 1:1

A mãa Nɩ-kʋra, mãa n'ʋ sɛbr a fʋ̃ʋ nɩ a fʋ bibiir, fʋ̃ʋ Pɔw-nɩ-kpɛ̃ɛ a Naaŋmɩn na kaa ír a. Ɩ̃ nɔnɛ nyɩ nɩ yel-mɩŋa za, ɛcɛ mãa yõ bɛ n'ʋ ɛ, a bɛlɩ dem za na bãw a yel-mɩŋa a mɩ̀ nɔnɛ nyɩ na.

3 Zã 1:1

A mãa Nɩ-kʋra, mãa n'ʋ sɛbr fʋ, fʋ̃ʋ ɩ̃ nɩ-nɔna Gayisɩ, ɩ̃ na nɔnɛ yel-mɩŋa za a.

Yel-wula 1:1

A yel-wula a Yeezu Kɩrɩta na páw a, a sɛbɛ ŋa pʋɔ n'a ʋ be. Naaŋmɩn wul ʋ nɩ a yel ŋa, k'aa Yeezu Kɩrɩta ɩ a Naaŋmɩn tõ-tõ-biir bãw a yel ʋl na kʋ̃ yaa kɛ́ ta a. A Kɩrɩta tõ n a ʋ malkɩ a ʋ tõ-tone Zã zie, k'ʋʋ tɩ ɩ ʋ bãw a yel ŋa.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 22:8

A mãa Zã, ɩ̃ wõ na ɛ́ nyɛ̃ a yele á ŋá. Ɩ̃ɩ na tɩ wõ ɛ́ nyɛ̃ a baar'a, ɩ̃ lo na gbĩ dume a malkɩ na wul mɛ̃ a yele á ŋá a pile k'ɩ̃ɩ puor'ʋ.