Matie 1:22 - A SƐB-SÕW

²² À á ŋá za tɩ ɩ na, k'aa lɛ a Sore na tɩ dãw ƴãw a ʋ ƴɛ̀r-manɛ yel a tu:

Matie 1:22 ပူးပေါင်းရင်းမြစ်များ

1 Na-mɩnɛ 8:15

Al pùorí ʋ yel à ŋá: «Ɩ̃ puore nɩ a Sore, a Ɩsɩrayɛl Naaŋmɩn, yãanɩ! Ʋl mɩŋa maal'ɩ a lɛ ʋ na tɩ yel kʋ̀ a ɩ̃ sãà Daviir a. Ʋ tɩ yel ʋ na:

1 Na-mɩnɛ 8:24

A lɛ fʋ na tɩ ƴɛ̀r a fʋ tõ-tõ-bie ɩ̃ sãà Daviir zie a, fʋ tu na. A lɛ fʋ̃ʋ mɩŋa na tɩ yel kʋ̀ ʋ a, fʋ ɩ ʋ nɩ a dɩ̃a.

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Matie 12:17

k'aa ƴɛ̀rʋ ŋa a naaŋmɩn-ƴɛ̀r-manɛ Ɩzayi na tɩ yel a tu:

Matie 13:21

Ɛcɛ bɛ bɛ mɩ́ bɛr a ƴɛ̀rʋ ʋ tɛ nyɩgɛ a bɛ pʋɔ ɩ, a bɛ tɩɛrʋ bɛ mɩ́ yaa kɛ́ lɩɛbɩ ɛ. Lɛ n'a a kpɩɛrʋ bɩɩ dɔwrʋ wa ta bɛ a Naaŋmɩn ƴɛ̀rʋ ƴãw a, bɛ mɩ́ faa na lo.

Matie 13:35

k'aa naaŋmɩn-ƴɛ̀r-manɛ ƴɛ̀rʋ ŋa tʋ̃ɔ́ tu: «Zʋkpaɩ n'a ɩ̃ na lɔbr, ɩ̃ na hier'ɩ yele na sɔwlɩ gã a tẽ-daa íru daar za a.»

Matie 2:15

Ʋ tɩ be n a be ɛ́ gù a Erɔdɩ tɩ kpi, k'aa à ŋá a Sore na tɩ yel'ɩ a ʋ ƴɛ̀r-manɛ nʋɔr a tʋ̃ɔ́ tu: «Ɩ̃ bʋɔl'ɩ a ɩ̃ bie ʋ yi a Eziptɩ tẽw pʋɔ.»

Matie 2:23

Ʋ tɩ cen na tɩ kpɩɛr tẽw kãw bɛ na bʋɔlɛ kɛ́ Nazarɛtɩ a, k'aa tʋ̃ɔ́ tu a lɛ a naaŋmɩn-ƴɛ̀r-manbɛ na tɩ yel a: «Bɛ na bʋɔlɛ ʋ na kɛ́ Nazarɛtɩ tẽw nɩr.»

Matie 5:17

«Nyɩ taa tɩɛrɛ k'ɩ̃ɩ wa na k'ɩ̃ɩ wa ír a Moyiir wulu nɩ a naaŋmɩn-ƴɛ̀r-manbɛ wulu bɛr ɛ. Ɩ̃ bɛ wa k'ɩ̃ɩ wa ír a bɛr ɛ, ɩ̃ nɩ̃ɛ na wa k'ɩ̃ɩ wa ɩ a za tu tɩ ɓɩɩlɩ.

Matie 8:17

k'aa lɛ a naaŋmɩn-ƴɛ̀r-manɛ Ɩzayi na sɛb yel a, tʋ̃ɔ́ tu: «Ʋlɛ n'ʋ de a tɩ nɩ-kɔwlʋ, ɛ́ tuo a tɩ bàalʋ.»

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Zã 10:35

A na ɩ à ŋá a, a bɛlɩ dem na bɛrɛ wone a Naaŋmɩn ƴɛ̀rʋ a, a Naaŋmɩn wulu mɩ́ tʋ̃ɔ́ na bʋɔlɛ bɛ ŋmɩmɛ. Ɛcɛ nɩr kʋ̃ tʋ̃ɔ́ lɩɛbɩ a Sɛb-sõw ƴɛ̀rʋ bɛr ɛ.

Zã 15:25

Ɛcɛ à á ŋá za ɩ na kɛ́ a ƴɛ̀r-bir ŋa na sɛb a bɛ Naaŋmɩn wulu sɛbɛ pʋɔ a tʋ̃ɔ́ tu: “Zawlalɛ n'a bɛ tɩ hɩ̃ɛn mɛ̃.”

Zã 17:12

Ɩ̃ na tɩ be a bɛ zie a, ɩ̃ tɩ gùre bɛ nɩ a fʋ yúor ƴãw, a fʋ yúor fʋ na kʋ̀ m a. Ɩ̃ gù bɛ nɩ vla, ɛ́ a bɛ been kãw za bɛ bɔr ɛ, a bɛ ɩ a ʋlɩ sob nɛ a na tɩ fɛr k'ʋʋ bɔr, a Sɛb-sõw ƴɛ̀r-bie tʋ̃ɔ́ tu a ɩ.

Zã 18:9

À ŋá n'a a ƴɛ̀r-bir ŋa ʋ na tɩ dãw yel a tu a ʋ tub: «A bɛlɩ dem fʋ na kʋ̀ m a, ɩ̃ Sãà a, ɩ̃ bɛ bɔr bɛ been kãw za ɩ.»

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.

Ʋrɔm 1:2

A Yel-nʋ̃ɔ̀ ŋa a, a Naaŋmɩn tɩ dãw na yel a ʋ ƴɛ̀r-manbɛ zie, a Sɛb-son pʋɔ k'ʋʋ na yel'a.

Yel-wula 17:17

Bʋ̃ʋ n'ʋ vɛ̃, Naaŋmɩn ƴãw a nɩ tɩɛrʋ a socie pʋɔ k'aa maalɩ a ʋ pʋ-tɩɛrʋ. A na lãw na dɩ a naalʋ tu n a wɛ-dʋ̃w ɛ́ gù a Naaŋmɩn ƴɛ̀rʋ tɩ tu.