Matie 1:11 - A SƐB-SÕW

¹¹ Zozɩasɩ dɔw Zekonɩasɩ nɩ a ʋ yɛbr, a lɛn daar bɛ na tɩ diw a Ɩsɩrayɛl nɩbɛ cen nɩ a Babɩlɔn tẽw a.

Matie 1:11 ပူးပေါင်းရင်းမြစ်များ

2 Na-mɩnɛ 23:31

A Yoakaazɩ tɩ tɛr'ɩ yome lɩzɛr'ɩ ata, a lɛn daar ʋ na tɩ lɩɛbɩ a nãà a, ɛ́ dɩ a naalʋ cuwr ata, a Zerizalɛm. A ʋ mã tɩ dɩ na kɛ́ Hamutal, ɛ́ ɩ Yirmeyahu, na yi Livina a, pɔwyaa.

2 Na-mɩnɛ 24:14

A Nabikodonozɔɔr tɩ diw nɩ a Zerizalɛm tẽw dem za cen nɩ: a nɩ-bɛrɛ za, a zɛbr-nɩbɛ nɩ-bɛrɛ za, a pɛr lɛ kɛ́ nɩbɛ tùr-pie (10 000). Ʋ mɩ̀ tɩ ír'ɩ a nuru-tõ-bʋʋrɛ nɩbɛ za nɩ a sãa-kpɩɛrbɛ za cen nɩ. A nan dem tɛwr'a ʋ tɩ bɛr a be.

2 Na-mɩnɛ 25:11

Al pùorí, a Nebuzaradan tɩ diw nɩ a nɩbɛ na tɩ cãà be a tẽw pʋɔ a, cen nɩ a Babɩlɔn: a bɛl na de bɛ tʋɔra kʋ̀ a Babɩlɔn tẽw nãà a, nɩ a nɩbɛ na cɛ a.

2 Bibie za yel-manɩ 36:10

A yũon paala daar, a nãà Nabikodonozɔɔr tɩ ƴãw na bɛ nyɔw ʋ wa n a Babɩlɔn, lãwnɩ a Sore yir-kpɛ̃ɛ pʋɔ bʋ̃-vɩɛlɩ vɩɛlɩ, ɛ́ ƴãw a Yoyakin yɛb Sedesɩasɩ ɩ a nãà a Zerizalɛm nɩ a Zuda Tẽw.

2 Bibie za yel-manɩ 36:20

Al pùorí, a Babɩlɔn tẽw nãà tɩ nyɔw nɩ a bɛl na cɛ a cen nɩ a Babɩlɔn: bɛ tɩ lɩɛb'ɩ a ʋ gbãgbaar, bɛlɛ nɩ a bɛ bʋ̃-dɔwrɩ tɩ ta n a Pɛrsɩ mɩnɛ naalʋ-dɩb daar.

Ɩzayi 13:1

Ƴɛ̀rʋ na càarɩ a Babɩlɔn tẽw bɛ ƴɛ̀r kʋ̀ Amɔtɩsɩ bidɛb, Ɩzayi, yel-nyɛra pʋɔ a.

Zeremi 27:20

— A Babɩlɔn tẽw nãà, Nabikodonozɔɔr, bɛ tɩ tuo a Zerizalɛm bome za cen nɩ a Babɩlɔn, a lɛn daar ʋ na tɩ nyɔw a Yoyakim bidɛb, Yekonɩa, na ɩ a Zuda tẽw nãà a lãwnɩ a Zerizalɛm nɩ a Zuda tẽw ni-yée cen nɩ ɛ.—

Zeremi 39:9

Al pùorí, a soja-zi-gùrbɛ nɩ-kpɛ̃ɛ, Nebuzaradan, tɩ tɛr'ɩ a bɛlɩ dem na tɩ cɛ be a tẽ-kpɛ̃ɛ pʋɔ a, cen nɩ a Babɩlɔn. Ʋ mɩ̀ tɩ ƴãw na bɛ ír a bɛlɩ dem na tɩ de bɛ tʋɔra kʋ̀ a Babɩlɔn tẽw nãà a, ɛ́ mɩ̀ tɩ ír a nuru-tõ-bãwnbɛ na cɛ a cen nɩ.

Matie 1:12

A Babɩlɔn tẽw diw-cenu pùorí, Zekonɩasɩ tɩ dɔw nɩ Salatɩɛl, Salatɩɛl dɔw Zorobabɛl,

Matie 1:17

A na ɩ à ŋá a, a sãàkʋm-kore dɔw-tu-taa ɩ n pie nɩ anaar, a Abraham tɩ tɔ n a Daviir, pie nɩ anaar a Daviir tɩ tɔ n a Babɩlɔn tẽw diw-cenu, pie nɩ anaar a Babɩlɔn tẽw diw-cenu tɩ tɔ n a Kɩrɩta dɔwfʋ.