Matie 1:1 - A SƐB-SÕW

¹ A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Matie 1:1 ပူးပေါင်းရင်းမြစ်များ

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

Yele-za-pɛr-tib 2:4

A salom nɩ a tẽw beba yele n'ɩ à à ŋá, a lɛn daar a Naaŋmɩn na tɩ ír a a. A lɛn daar a Sore Naaŋmɩn na tɩ maalɩ a salom nɩ a tẽw a,

Yele-za-pɛr-tib 22:18

Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw.»

Yele-za-pɛr-tib 5:1

A Adama bʋʋrɛ yée sɛbɛ n'ɩ à ŋà: A ʋlɩ bibir a Naaŋmɩn na ír a nɩsaal a, ʋ maal'ʋ na ʋ ŋmɛ̃ taa nɩ ʋ.

Sɛb-sõw yielu 132:11

A Sore pɔ n a Daviir zie à ŋá, ɛ́ bɛ be za na lɩɛbɩ bɛr ɛ: «A fʋ bʋ̃-dɔwra kãw n'ʋ ɩ̃ na zɩɩlɩ a fʋ naalʋ-dà-kɔw zu.

Sɛb-sõw yielu 89:3

Ɩ̃ yere nɩ à ŋá: A fʋ nɔ̃wfʋ be n be kʋralɛ, a fʋ na ŋmɛ̃ fʋ ŋmɛ̃a a kpɛmɛ na gã a salom zu.

Sɛb-sõw yielu 89:36

Mãa na ɩ sõw a, daƴen n'a ɩ̃ pɔ à ŋá: ɩ̃ kʋ̃ ŋmãa ziri towtow kʋ̀ a Daviir ɛ.

Ɩzayi 11:1

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

Ɩzayi 53:8

Bɛ nyɔw ʋ na, bɛ dɩ n ʋ nɩ ƴɛ̀rʋ, bɛ kʋ ʋ na ír bɛr. Ɛcɛ ãa n'ʋ tɩ cɛlɩ a ʋ yele zie? Bɛ ír ʋ na bɛr a nɩ-vʋʋrɩ tẽw zu, a ʋ nɩbɛ sãwna ƴãw n'a bɛ kʋ ʋ.

Zeremi 23:5

A Sore yere na: «A bibir vɩɛrɛ na, ɩ̃ na ɩ Daviir bi-mɩŋa dɔw. Ʋ na ɩ n nãà na bãw a naalʋ-dɩb a, ʋ na ɩrɛ nɩ a lɛ-na-tu-sɔr-a, ɛ́ tuur a mɩnʋ a tẽw pʋɔ.

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

Zakari 12:8

A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Matie 1:18

À ŋá n'a a Yeezu Kɩrɩta dɔwfʋ tɩ tu. A ʋ mã Marya tɩ ɩ n Zuzɛb ƴãwnɩ-yúor, ɛcɛ bɛ bɛ tɩ lãw kpɛ sɛr ɛ, ɛ́ a Vʋʋrʋ Sõw ɩ a Marya tɛr pʋɔ.

Matie 1:2

A Abraham tɩ dɔw nɩ Ɩzaakɩ, Ɩzaakɩ dɔw Zakɔb, Zakɔb dɔw Zuda nɩ a ʋ yɛbr.

Matie 15:22

Kanãa tẽw pɔw kãw tɩ yi n a be wa ŋmɩɛr cɛlsɩ yere nɩ: «Sore e, Daviir bidɛb i, zɔ ɩ̃ nɩbaalʋ! Kɔ̃tɔn kãw dɔwrɛ nɩ a ɩ̃ pɔwyale bɛ dɩ vuo ɩ!»

Matie 3:16

A Yeezu na tɩ de a suob wa baarɩ a, ʋ yi n a kʋ̃ɔmɩ́. A ʋlɩ pɛr nɛ pʋɔ, a salom tɩ yuo na, ʋʋ nyɛ̃ a Naaŋmɩn Vʋʋrʋ ʋ siwr waar a ʋ zu mɛ̃ naŋmam a,

Matie 9:27

A Yeezu na tɩ yi a be cere tɔlɛ a, zɔn ayi kãw tɩ tuur ʋ na ŋmɩɛr cɛlsɩ yere nɩ: «Daviir bidɛb i, zɔ tɩ nɩbaalʋ!»

Luka 1:33

Ʋ na dɩrɛ nɩ naalʋ kʋralɛ a Ɩsɩrayɛl bʋʋrɛ zu, ɛ́ a ʋ naalʋ kʋ̃ tɛr baarʋ daar ɛ.»

Zã 7:42

A Sɛb-sõw ƴɛ̀r-bie bɛ tʋ̃ɔ́ yel k'ʋʋ na ɩ n Daviir bʋʋrɛ nɩr ɛ́ yi Bɛtɩlɛm na ɩ a Daviir tẽ-dɔwra a ɩ?»

Nɩ-toni 2:30

Ɛcɛ, ʋ tɩ ɩ n naaŋmɩn-ƴɛ̀r-manɛ, ɛ́ tɩ bãwnɩ a kɛ́ Naaŋmɩn tɩ pɔ na yel k'ʋʋ na zɩɩlɩ nɩ a ʋ bʋ̃-dɔwra kãw a ʋ naalʋ-dà-kɔw zu.

Ʋrɔm 1:3

Ʋ càar'ɩ a ʋ Bie, a tɩ Sore Yeezu Kɩrɩta: Daviir bʋʋrɛ nɩr tɩ n'ʋ a ʋ nɩsaalɛ dɔwlʋ pʋɔ,

Ʋrɔm 4:13

Naaŋmɩn yel'ɩ a Abraham nɩ a ʋ bʋʋrɛ kɛ́ bɛ na so nɩ a tẽ-daa. A Wulu a Abraham na tɩ sàw a ƴãw bɛ n'a a Naaŋmɩn tɩ yel à à ŋá kʋ̀ ʋ ɛ, a Naaŋmɩn na tɩ sàw kʋ̀ ʋ k'ʋʋ ɩ n nɩ-mɩŋa a ʋ sàw-deb zũú a, al ƴãw n'a.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

Galasi 3:16

Ɛcɛ, a Abraham nɩ a ʋ bʋ̃-dɔwra nɛbɛ a Naaŋmɩn tɩ ƴãw a ʋ maalʋ nɛ́ɛ kʋ̀. A Sɛb-sõw bɛ yel kɛ́ nɩ a ʋ bʋ̃-dɔwrɩ ɛ, mɛ̃ nɩ-yaga nɛbɛ bɛ yere a ɩ, ʋ yel'a kɛ́: «Nɩ a fʋ bʋ̃-dɔwra», a wul kɛ́ nɩ-been yõ n'ʋ bɛ yere, a Kɩrɩta.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

2 Timote 2:8

Lɛb tɩɛrɩ a Yeezu Kɩrɩta yele, ʋl na ɩ Daviir bʋʋrɛ nɩr a: ʋ lɛb'a yi a kũuni pʋɔ mɛ̃ a lɛ a ɩ̃ Yel-nʋ̃ɔ̀ na yere a.

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»