Markɩ 9:12 - A SƐB-SÕW

¹² Ʋ tɩ sɔw bɛ na: «Yel-mɩŋa n'a, a fɛr'a kɛ́ a Eli de niwn wa, wa maalɩ bom za ƴãw. Ɛcɛ, bʋ̃ʋ ƴãw n'a bɛ sɛb kɛ́ a ɩ n fɛrʋ kɛ́ a Nɩsaal Bie wõ tuo yaga, ɛ́ bɛ ɩ ʋ la?

Markɩ 9:12 ပူးပေါင်းရင်းမြစ်များ

Sɛb-sõw yielu 74:22

Naaŋmɩn i, ìr, kaa a fʋ yele zie. Bãwnɩ a zʋmɛ a dãbole bɛ ŋa na mɩ́ tʋʋr fʋ a bibie za a.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 50:6

Ɩ̃ lɩɛb'ɩ a ɩ̃ zikur kʋ̀ a bɛlɩ dem na pɔbr mɛ̃ a, ɛ́ lɩɛbɩ a kɔrɛ cɔw a bɛlɩ dem na tawr a ɩ̃ tɩɛm kɔblʋ vɔnɛ a. Ɩ̃ bɛ pàw a ɩ̃ niwn tɛr a kaar-bie nɩ a zʋmɛ ƴãw ɛ.

Ɩzayi 52:14

Mɛ̃ a lɛ nɩ-yaga na tɩ nyɛ̃ ʋ kɛ̀ dɛ̃bɩ̃ɛ kpɛ bɛ, a ʋ niwn na tɩ sãw ʋ za, ʋʋ bɛ cãà ŋmɛ̃ taa nɩ nɩsaal a,

Zakari 11:13

A Sore tɩ yel mɛ̃ na: «Bɛ nyɛ̃ nɩ a ɩ̃ daarʋ bɛ zuo à à ŋá ɩ! De a libi-bɛrʋ ŋa tɩ kʋ̀ a kur-nyɩlɛ!» Lɛ n'a ɩ̃ tɩ de a salm-zɩɛ libie lɩzɛr'ɩ pie tɩ kʋ̀ a kur-nyɩlɛ, a Sore Ŋmɩn-yir-kpɛ̃ɛ pʋɔ.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Matie 16:21

A ʋlɩ daar nɛ n'a a Yeezu tɩ tĩ yere kʋ̀rɛ a ʋ po-tuurbɛ, k'aa fɛr'a k'ʋʋ cen a Zerizalɛm, tɩ wõ tuo yaga a nɩ-kore nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ, bɛ kʋ ʋ, ɛ́ a bibie ata sob ʋ lɛb yi a kũu pʋɔ.

Matie 26:24

A Nɩsaal Bie kule na mɛ̃ a lɛ bɛ na sɛb yel a ʋ ƴãw a, ɛcɛ baw-bio sob'ɩ a sob nɛ na mɩl a Nɩsaal Bie nyɔw tɩr a, a nɩr ŋa bɛ tɩ dɔw a, alɛ sa.»

Markɩ 10:33

Ʋ tɩ yel'a kʋ̀ bɛ: «Nyɩ nyɛ̃, tɩ dúor'ɩ a Zerizalɛm, bɛ na tɩ nyɔw nɩ a Nɩsaal Bie ƴãw a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ. Bɛ na ŋmãa nɩ kũu dɔwrʋ ƴãw ʋ, ɛ́ de ʋ kʋ̀ nɩ-bʋʋr-yoru.

Markɩ 9:13

Mãa a, ɩ̃ yere na kʋ̀rɛ nyɩ: a Eli wa na, ɛcɛ bɛ ɩ ʋ nɩ a lɛ za bɛ na bɔbr a, mɛ̃ a lɛ bɛ na sɛb a ʋ ƴãw a.»

Markɩ 9:31

Bʋ̃ʋ n'ʋ vɛ̃, ʋ tɩ kanɛ nɩ nɩ a ʋ po-tuurbɛ yere: «Bɛ na nyɔw nɩ a Nɩsaal Bie ƴãw a nɩsaalbɛ nuru pʋɔ, a nɩsaalbɛ na kʋ ʋ na, ɛcɛ bibie ata pùorí, ʋ na lɛb'a yi a kũu pʋɔ.»

Luka 1:76

Ɛ́ fʋ̃ʋ ɩ̃ bie e, bɛ na bʋɔlɛ fʋ na kɛ́ Naaŋmɩn-na-do-saa-bɛ-pɩɛl-a ƴɛ̀r-manɛ, fʋ na de nɩ a Sore niwn tʋ̃ɔ́ cɔbrɩ a ʋ sɛ́ɛ,

Luka 23:11

A Erɔdɩ nɩ a sojarɩ bɛl na gùre ʋ a, tɩ jewr'ɩ a Yeezu, ɛ́ ɩ ʋ la. Bɛ tɩ de nɩ dɛpaal-kparʋ su ʋ, ɛ́ lɛb dáa ʋ bɛr a Pɩlatɩ zie.

Luka 23:39

A yel-fa-maalbɛ bɛl bɛ na tɩ kpa a da-gara zu a, a kãw mɩ̀ tɩ tʋʋr'ɩ a Yeezu yere nɩ: «Fʋ̃ʋ bɛ tʋ̃ɔ́ n'ɩ a Naaŋmɩn Nɩ-kabra ɩ? Faa fʋ tʋɔra lãwnɩ tɩ!»

Nɩ-toni 1:6

Lɛ n'a a po-tuurbɛ na tɩ ɓã taa a Yeezu zie a, tɩ sowr'ʋ: «Sore e, a ƴɛrɛŋa n'ɩ a daar ʋl fʋ na na lɛb zɩɩlɩ a Ɩsɩrayɛl bʋʋrɛ naalʋ a bɩɩ?»

Nɩ-toni 4:11

Ʋlɛ n'ɩ “A kʋsɩɛr ʋl, a nyɩɩm yir-mɩɛrbɛ na ír lɔb bɛr a, ɛcɛ ʋ lɩɛb'ɩ a yir pɛr kʋsɩɛr.”