Markɩ 7:22 - A SƐB-SÕW

²² a pɔw-gaa-yel-bier, a tɛra nɔ̃w-zuo, a po-tuolu, a nɩsaal-libelibe ɩb, a pɩ̃ɔ-yele, a nyuur, a zʋmɛ, a pɔ̀lʋ, a dãbolu.

Markɩ 7:22 ပူးပေါင်းရင်းမြစ်များ

2 Bibie za yel-manɩ 32:31

Alɛ so, a lɛn daar a Babɩlɔn tẽw nɩ-bɛrɛ na tɩ tõ nɩbɛ a ʋ zie kɛ́ bɛ tɩ sowri bãw a nɔ-ɓãa-yel ʋl na ɩ a ʋ tẽw pʋɔ a, a Naaŋmɩn tɩ bɛr ʋ na. A Naaŋmɩn tɩ bɔbr'a k'ʋʋ ɩ ʋ kaa nyɛ̃ lɛ ʋ na ŋmɛ̃ a.

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 119:36

Ɩ a ɩ̃ socir nɔ̃w a lɛ fʋ na mɩ́ yel a, ʋ ta nɔ̃w a tɔnɛ ɩ.

Zʋkpaɩ 12:23

Nɩr na tɛr maal-ɩrɛ a mɩ́ sɔwlɛ nɩ a ʋ bãwfʋ, ɛcɛ a dãbol mɩ́ wule nɩ a ʋ dãbolu cãamɩ́.

Zʋkpaɩ 22:15

A bibiir nɔnɛ nɩ a dãbolu. A dabɔl na kpãànɛ bɛ a na ɩ na bɛ bɛr ʋ.

Zʋkpaɩ 23:6

Ta mɩ́ lãw dɩ n nɩr na nyùur'ɩ a ʋ taabɛ a ɩ, ta mɩ́ nyɛ̃ a ʋ bʋ̃-dɩ-nʋʋr bɔbr a ɩ.

Zʋkpaɩ 24:9

Tɩɛr-been yõ n'ʋ a dãbol sob tɛr: a yel-bier maalʋ! Ɛ́ a nɩbɛ bɛ nɔnɛ nɩr na ɩrɛ bom za laar a ɩ.

Zʋkpaɩ 27:22

Fʋ̃ʋ saa tɔ a dãbol nɩ tùlú, mɛ̃ a lɛ bɛ na mɩ́ tɔ a bʋ̃-bie a tʋɔr pʋɔ a, a ʋ dãbolu kʋ̃ yi ɛ.

Zʋkpaɩ 28:22

Nɩr na nyùur'ɩ a ʋ taabɛ a bɛ bʋ̃-tɛrɩ ƴãw a, ʋ mɩ́ zɔrɛ na tuur a naalʋ ɛ́ bɛ bãw kɛ́ nãw-woro na lo n a ʋ zu ɛ.

Ekilezɩasɩ 7:25

Lɛ n'a ɩ̃ su zu zanɩ vla vla k'ɩ̃ɩ bãw ɛ́ bɔ nyɛ̃ bʋ̃ʋ n'ɩ a yã-bãwfʋ. Ɩ̃ tɩ bɔbr'a k'ɩ̃ɩ bãw bʋ̃ʋ n'ʋ so a yele mɩ́ ta. Ɩ̃ mɩ̀ tɩ bɔ na bãw ɛ́ nyɛ̃ k'aa ɩ-faa bɩɩ a dãbolu ɩ n yãya-ɩb.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Ɩzayi 59:7

A nyɩ gbɛ́ɛ zɔrɛ na wɩɛr a faa maalʋ, nyɩ zɔrɛ na páwr a nɩr na bɛ sãw a kʋb ƴãw. Faa maalʋ tɩɛrʋ tɛwr'a nyɩ tɩɛrɛ. Zie nɛ za nyɩ na tɔlɛ a, a mɩ́ ɩ n po-to-fãw-ɩb nɩ yel-sãwnɩ.

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Matie 20:15

Ɩ̃ bɛ tɛr sɔ́r na ɩrɛ lɛ za ɩ̃ na bɔbr a nɩ a ɩ̃ bʋ̃-tɛrɩ ɛ? Bɩɩ nyuur ɩrɛ fʋ na ɩ̃ na ɩ nɩ-vla a?”»

Matie 6:23

ɛcɛ a fʋ mimie wa ɩ mimi-sãwnɩ a, a fʋ ƴã-gan za na be n lige pʋɔ. A na ɩ lɛ a, a cãà na be a fʋ pʋɔ a, wa ɩ lige a, nyɛ̃ lige na pãa sɛw a!»

Markɩ 7:21

Sɩza n'a, a nɩsaal pʋ̃ɔmɩ, a ʋ socir pʋɔ n'a a tɩɛr-faar za mɩ́ yi: a nɩ-fa-ɩb, a nyãnyuwlu, a nɩbɛ kʋb,

Markɩ 7:23

A yel-faar á ŋá za a, a nɩsaal pʋ̃ɔmɩ n'a a mɩ́ yi dɛwr a nɩsaal.»

2 Korɛ̃tɩ 10:5

tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

Wulu-ayi-sob 15:9

Ɛcɛ nyɩ gù vla taa wa tɛrɛ tɩɛr-faar yere à ŋá ɩ: «A yome ayopõi sob kʋ̃ yaa kɛ́ ta ɩ, a samɛ lɛb-bɛrʋ yũon.» Nyɩ taa wa kpɛ mimi-kõw a nyɩ yɛb-nã́w sob zie a al ƴãw, ɛ́ bɛ kʋ̀ ʋ bom za ɩ. Alɛ bɛ ɩ lɛ, ʋ nãà mab'a bʋɔlɩ a Sore ƴãw nyɩ, nyɩ ɩ sãwna dem.

Wulu-ayi-sob 28:54

A dɛb ʋl na ƴãwnɛ ʋ tʋɔra, ɛ́ tɛr mimi-baalʋ a nyɩ pʋɔ a kʋ̃ mɩ́ jɩ́r a ʋ yɛb, a ʋ pɔw-kula nɩ a ʋ bibiir na cɛ a, jɩ́r-vla ɩ.

Wulu-ayi-sob 28:56

A pɔw ʋl na ƴãwnɛ ʋ tʋɔra, ɛ́ tɛr mimi-baalʋ a nyɩ pʋɔ a mɩ̀ na ɩ n a lɛ: ʋl na bɛ tɩ sàwr ʋ tʋɔra ƴãw, bɛ sàwr íre gbɛ́r nɛbr'ɩ tẽw a, ʋ na mɩ́ jɩ́r'ɩ a ʋ sɩr-kula, a ʋ bidɛb nɩ a ʋ pɔwyaa, jɩ́rʋ na bɛ vɩɛl a,

1 Pɩɛr 2:15

A Naaŋmɩn bɔbr'a kɛ́ nyɩ ɩrɛ ɩ-vɩɛlɩ, k'aa bɛlɩ nɩbɛ nɛ na bɛ bãw bom, ɛ́ bɛ bãw yã a, ta mɩ́ nyɛ̃ ƴɛ̀rʋ ƴɛ̀r ɛ.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»