Markɩ 6:20 - A SƐB-SÕW

²⁰ Bʋ̃ʋ n'ʋ vɛ̃, a Erɔdɩ tɩ zɔrɛ nɩ a Zã, ʋ tɩ bãwnɩ a na ʋ na ɩ nɩ-mɩŋa nɩ nɩ-sõw a, ɛ́ ʋ bɛ tɩ sàwr ʋ ƴãw ɛ. Ʋlɛ wa tɩ bɛrɛ wone a Zã ƴɛ̀rʋ a, ʋ bɛ mɩ́ bãw lɛ za ʋ na na yel a ɩ, ɛ́ mɩ́ tɩ cãà nɔnɛ a ʋ ƴɛ̀rʋ bɛr-wob.

Markɩ 6:20 ပူးပေါင်းရင်းမြစ်များ

1 Na-mɩnɛ 21:20

A Eli tɩ cen na, a Akab tɩ yel ʋ: «Ãw, fʋ bɛ lɛb nyɛ̃ m ɩ, fʋ̃ʋ ɩ̃ dɔ̃ sob i!» A Eli sɔw: «Ʋ̃ʋ, ɩ̃ lɛb'a nyɛ̃ b! Fʋ na tu a fʋ pʋ-tɩɛrʋ pùor, ɩ a ʋlɩ bom na bɛ pɛlɩ a Sore pʋɔ a ƴãw.

2 Na-mɩnɛ 13:14

A Elize na tɩ ìr, ɩ bàal, ɛ́ a ɩ a ʋ kũu-kʋra bàalʋ a, a Ɩsɩrayɛl tẽw nãà, Zowasɩ, tɩ cen nɩ a ʋ zie. Ʋ tɩ gũu na cɔw ʋ, ɛ́ kone yere nɩ: «Ɩ̃ sãà a! Ɩ̃ sãà a! Fʋ zɛ̃ na mɛ̃ a Ɩsɩrayɛl zɛbr-torkori za, nɩ a wi-zɔmnbɛ za a!»

2 Na-mɩnɛ 6:21

A Ɩsɩrayɛl tẽw nãà na tɩ nyɛ̃ a sojarɩ bɛ ŋa za a, ʋ sowr'ɩ a Elize: «Ɩ̃ sãà a, ɩ̃ kʋ bɛ bɩɩ?»

2 Bibie za yel-manɩ 24:2

A Zowasɩ tɩ ɩ n a lɛ na pɛlɩ a Sore pʋɔ a, a bàwr-maalɛ Yehoyada cãafʋ daar za.

2 Bibie za yel-manɩ 26:5

A Zekarɩahu na mɩ́ tɩ bãw a bʋ̃-nyɛrɩ a Naaŋmɩn na tɩrɛ a pɛr a, a ʋ cãafʋ daar za a, a Ozɩasɩ tɩ ƴãw nɩ fãw bãw a Sore Naaŋmɩn pʋ-tɩɛrʋ, ɛ́ a Naaŋmɩn mɩ́ ɩ a ʋ yele za maalɩ vla.

Eziptɩ tẽw yib 11:3

A Sore tɩ ɩ na a Eziptɩ tẽw nɩbɛ pʋʋr pɛlɩ a Ɩsɩrayɛl nɩbɛ ƴãw. Lɛb waar mɩ̀, a Moyiir tɔr za tɩ ɩ n nɩr na nyɛrɛ ƴãwfʋ yaga za a Eziptɩ a, a Faarawɔ̃ tõ-tõ-bi-bɛrɛ zie nɩ a nɩbɛ za zie a.

Ezekɩɛl 33:32

A fʋ̃ʋ a, fʋ ɩ n a bɛ zie mɛ̃ yiel-yiele na tɛr nɔ-nʋ̃ɔ̀ a, yiel-yiele na tɛr kɔkɔr-vla ɛ́ bʋ̃-ŋmɩɛrɩ ŋmɛb na vɩɛl a bɩɛlɛ a. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ.

Matie 14:5

A Erɔdɩ tɩ bɔbr'ɩ a Zã kʋb, ʋʋ tɩ zɔrɛ nɩ a zu-sɛbla dɛ̃bɩ̃ɛ, bɛl zie a, a Zã tɩ ɩ n naaŋmɩn-ƴɛ̀r-manɛ.

Matie 21:26

Ɛ́ tɩmɛ wa yel kɛ́ nɩsaalbɛ zie n'a, a na fɛr'a kɛ́ tɩ bãwnɩ a a zu-sɛbla na kʋ̃ bɛr tɩ a. Bʋ̃ʋ n'ʋ vɛ̃, a nɩbɛ za zie a, a Zã tɩ ɩ n naaŋmɩn-ƴɛ̀r-manɛ.»

Markɩ 11:18

A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ tɩ wõ n à à ŋá, ɛ́ bɔbr a lɛ bɛ na na ɩ kʋ ʋ a. Ɛcɛ bɛ tɩ zɔrɛ ʋ na, a ʋ kanʋ na mɩ́ tɩ dam a zu-sɛbla a ƴãw.

Markɩ 4:16

Bɛ mɩnɛ n'ɩ a bʋ̃-bie al na bʋ̀r a zi-wɔ̃cɔ pʋɔ a: bɛ mɩ́ wõ n a Naaŋmɩn ƴɛ̀rʋ ɛ́ sàw de daadaalɛ nɩ nʋ̃ɔ̀.

Zã 5:35

A Zã tɩ ɩ na mɛ̃ fɩ̃tɩlɛ bɛ na mɩ́ tɔ̃w ʋ caalɛ a: ɛ́ nyɩ sàw a cãà ŋa caalɩ nyɩ blã, ɛ́ a tɩ ɩ nyɩ nʋ̃ɔ̀.

Nɩ-toni 2:12

A bɛ tɩɛrʋ za tɩ nyaw nɩ taa, ɛ́ bɛ na bɛ tɩ bãw lɛ bɛ na na tɩɛrɛ a, bɛ sowre nɩ taa: «A yel ŋa pɛr'ɩ bo?»

Nɩ-toni 5:24

A Ŋmɩn-yir-kpɛ̃ɛ sojarɩ nɩ-kpɛ̃ɛ nɩ a bàwr-maal-nɩ-bɛrɛ na tɩ wõ à à ŋá a, bɛ bɛ tɩ bãw lɛ bɛ na na tɩɛrɛ a ɩ, ɛ́ tɩ sowre taa ʋlɩ bom nɛ na n'ʋ ɩ a nɩ-toni a.