Markɩ 5:15 - A SƐB-SÕW

¹⁵ Bɛ tɩ wa n a Yeezu zie, wa nyɛ̃ a kɔ̃tɔ̃-ìre ʋl na tɩ dãw tɛr a kɔ̃tɔ̃-faar yaga bɛ tɛr nʋɔr a, ʋ zɩ̃ su bome ɛ́ lɛb bãw yã. Dɛ̃bɩ̃ɛ tɩ kpɛ bɛ na.

Markɩ 5:15 ပူးပေါင်းရင်းမြစ်များ

1 Bibie za yel-manɩ 13:12

A ʋlɩ bibir nɛ, a Daviir tɩ zɔ n a Naaŋmɩn dɛ̃bɩ̃ɛ, ɛ́ yel à ŋá: «Ɩ̃ kʋ̃ tʋ̃ɔ́ ƴãw bɛ wa n a Naaŋmɩn wõ-taa daga a ɩ̃ yir ɛ!»

1 Bibie za yel-manɩ 15:13

Yel-mɩŋa n'a, nyɩ na bɛ tɩ ka be a gb'aa dãw-niwn sob a n'a so a Sore tɩ Naaŋmɩn tɩ ŋmɛ tɩ. Tɩ sɩrɩ bɛ tɩ kaa a wõ-taa daga zie mɛ̃ a lɛ a na sɛw a ɩ.»

A Zɔb sɛbɛ 13:11

Nyɩ bɛ zɔrɛ ʋ, ʋ na ɩ kpɛ̃ɛ a ɩ? A ʋ dɛ̃bɩ̃ɛ bɛ ɩrɛ nyɩ ɛ?

Sɛb-sõw yielu 14:5

Bɛlɛ n'ɩ bɛ ŋan pʋl-vʋ̃ɔ nyɔw, bʋ̃ʋ n'ʋ vɛ̃, Naaŋmɩn be n a nɩ-mɩn lowr.

Matie 12:29

Bɩɩ, ŋmɩŋmɩn n'a nɩr na tʋ̃ɔ́ kpɛ nɩr na kpɛmɛ yir, de a ʋ bome, ʋlɛ bɛ wa dãw de niwn 'lẽ a nɩ-kpɛ̃w nɛ bin baarɩ a? Ʋlɛ wa 'lẽ ʋ bin baar'a n'a ʋ na tʋ̃ɔ́ wob a ʋ yir bome za.

Matie 26:53

Fʋ tɩɛr k'ɩ̃ɩ kʋ̃ʋ tʋ̃ɔ́ zɛlɩ a ɩ̃ Sãà ʋ kʋ̀ m malkɩ yaga yaga daadaalɛ bɩɩ?

Matie 4:24

A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na.

Matie 9:33

A Yeezu na wa diw a kɔ̃tɔn baar'a, a wõw-takpal tɩ ƴɛ̀rɛ na. A tɩ ɩ n nɔ-ɓãa-yel a zu-sɛbla za zie bɛ yere: «Nɩr bɛ dãw nyɛ̃ à á ŋá taabɛ a Ɩsɩrayɛl tẽw pʋɔ ɩ!»

Markɩ 5:14

A doba-cɩ̃ɩnbɛ tɩ zɔ na kul tɩ manɩ a yel ŋa kʋ̀ a nɩbɛ a tẽw pʋɔ nɩ a gue pʋɔ, ɛ̀ bɛ zɔ cen kɛ́ bɛ tɩ nyɛ̃.

Markɩ 5:16

A bɛlɩ dem na tɩ nyɛ̃ a lɛ a yele na ɩ a, tɩ man na kʋ̀ a nɩbɛ a lɛ a na tɩ ɩ a kɔ̃tɔ̃-ìre zie nɩ a dobaar zie a.

Markɩ 5:18

A Yeezu na tɩ kpɩɛr a gbor pʋɔ a, a sob nɛ na tɩ dãw ìre a kɔ̃tɔmɛ a, tɩ zɛlɛ ʋ nɩ yãayãa, k'ʋʋ sàw ʋ be a ʋ zie.

Markɩ 5:4

Gb'aa yaga za, bɛ tɩ ƴãw ʋ nɩ kpule ɛ́ 'lẽ a ʋ nuru nɩ bamɛ, ɛcɛ ʋ mɩ́ tɩ taw nɩ a za ŋma, ɛ́ nɩr za bɛ tɩ tʋɔr ʋ ɛ.

Markɩ 5:9

A Yeezu tɩ sowr'ʋ na: «A fʋ yúor dɩ na kɛ́ bo?» Ʋ sɔw: «Ɩ̃ yúor dɩ na kɛ́: “Bɛ-tɛr-nʋɔr”, tɩ na yãwmɛ a ƴãw.»

Luka 10:39

A Marta tɩ tɛr'ɩ yɛb a yúor dɩ kɛ́ Marya. A Marya tɩ zɩ̃ n a Sore pile bɛrɛ wone a ʋ ƴɛ̀rʋ.

Luka 8:27

A Yeezu na tɩ yire a gbor pʋɔ a, dɛb kãw na tɩ dãw kpɩɛr a tẽw pʋɔ a, tɩ zɔ na tuor'ʋ. A dɛb nɛ tɩ ìre nɩ kɔ̃tɔmɛ. Koro za n'a ʋ bɛ tɩ cãà suur bome ɩ, ɛ́ bɛ cãà kpɩɛr yir pʋɔ ɩ, ɛ́ kpɩɛr yarʋ bɔwrɩ pʋɔ.

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

2 Timote 1:7

Bʋ̃ʋ n'ʋ vɛ̃, dɛ̃bɩ̃ɛ vʋʋrʋ bɛ n'ʋ a Naaŋmɩn kʋ̀ tɩ ɛ, fãw nɩ nɔ̃wfʋ nɩ tʋɔra-nyɔwfʋ vʋʋrʋ n'ʋ.

1 Samɩɛl 16:4

A Samɩɛl tɩ ɩ n a lɛ a Sore na tɩ yel a, ɛ́ tɩ cen a Bɛtɩlɛm. Dɛ̃bɩ̃ɛ tɩ ɩrɛ nɩ a tẽw nɩ-kore bɛ zɔ tuor'ʋ sowr'ʋ: «Ɓaarʋ n'a fʋ wa a ka a?»