Markɩ 4:17 - A SƐB-SÕW

¹⁷ Ɛcɛ bɛ bɛ mɩ́ bɛr ʋ ʋ tɛ nyɩgɛ a bɛ pʋɔ ɩ, a bɛ tɩɛrʋ bɛ mɩ́ yaa kɛ́ lɩɛbɩ ɛ. A Naaŋmɩn ƴɛ̀rʋ wa waar'ɩ kpɩɛrʋ bɩɩ dɔwrʋ a, bɛ mɩ́ faa na lo daadaalɛ.

Markɩ 4:17 ပူးပေါင်းရင်းမြစ်များ

A Zɔb sɛbɛ 19:28

Nyɩmɛ wa yere kɛ́: «Ŋmɩŋmɩn n'a tɩ na dɔwr'ʋ tʋ̃ɔ́ ɩ mɛ̃ tɩ nyɛ̃ nɩ bom dɩ n ʋ a ƴɛ̀rʋ a?»

Matie 11:6

Zu-nʋ̃ɔ̀ sob'ɩ a ʋlɩ sob nɛ na kʋ̃ zawrɩ a ɩ̃ sàw-deb bɛr a.»

Matie 12:31

Alɛ so ɩ̃ yere kʋ̀rɛ nyɩ, bɛ na dɩ n suur kʋ̀ a nɩsaalbɛ, yel-bier za nɩ zʋm za bɛ na na tʋ a Naaŋmɩn a ƴãw, ɛcɛ nɩr wa tʋ a Vʋʋrʋ Sõw zʋm a, bɛ kʋ̃ dɩ suur kʋ̀ ʋ ɛ.

Matie 13:21

Ɛcɛ bɛ bɛ mɩ́ bɛr a ƴɛ̀rʋ ʋ tɛ nyɩgɛ a bɛ pʋɔ ɩ, a bɛ tɩɛrʋ bɛ mɩ́ yaa kɛ́ lɩɛbɩ ɛ. Lɛ n'a a kpɩɛrʋ bɩɩ dɔwrʋ wa ta bɛ a Naaŋmɩn ƴɛ̀rʋ ƴãw a, bɛ mɩ́ faa na lo.

Markɩ 4:16

Bɛ mɩnɛ n'ɩ a bʋ̃-bie al na bʋ̀r a zi-wɔ̃cɔ pʋɔ a: bɛ mɩ́ wõ n a Naaŋmɩn ƴɛ̀rʋ ɛ́ sàw de daadaalɛ nɩ nʋ̃ɔ̀.

Markɩ 4:18

Bɛ mɩnɛ mɩ̀ cãà n'ɩ a bʋ̃-bie al na bʋ̀r a gʋʋr pʋɔ a: bɛ wõ n a Naaŋmɩn ƴɛ̀rʋ,

Luka 12:10

Sob nɛ za na na ƴɛ̀r faa càar'ɩ a Nɩsaal Bie a, Naaŋmɩn na dɩ n suur kʋ̀ ʋ. Ɛcɛ sob nɛ za na na tʋ a Vʋʋrʋ Sõw zʋm a, Naaŋmɩn kʋ̃ dɩ suur kʋ̀ ʋ ɛ.

Zã 8:31

A lɛ n'a a Yeezu tɩ yel a Zifʋ mɩnɛ bɛl na sàw de ʋ a: «Nyɩmɛ wa de a ɩ̃ ƴɛ̀rʋ bɛ lɛbr pùor a, nyɩ sɩrɩ na ɩ a ɩ̃ po-tuurbɛ,

Galasi 6:12

A bɛlɩ dem na bɔbr kɛ́ bɛ fɛr nyɩ nyɩ ŋma a nyɩ yɛɛ a, bɛ ɩ n nɩbɛ na bɔbr kɛ́ bɛ sãá nɩ-vɩɛlɩ a nɩsaalʋ yele pʋɔ a. A bɛ bʋ̃-bɔbra tɛwr'ɩ kɛ́ bɛ ta mɩ́ páw dɔwrʋ a Kɩrɩta da-gara ƴãw ɛ.

2 Timote 1:15

Fʋ bãwnɩ a na, a Azi tẽw dem za zawrɩ mɛ̃ na bɛr, Fɩzɛl nɩ Ɛrmozɛn mɩ̀ pʋɔ nɩ a bɛ pʋɔ.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.

2 Timote 4:16

Ɩ̃ na tɩ cen a ƴɛ̀rʋ zie a dãw-niwn sob, k'ɩ̃ɩ tɩ ƴɛ̀r faa ɩ̃ tʋɔra a, nɩr za bɛ tɩ tu a ɩ̃ pùor ɛ, bɛ za tɩ zawrɩ mɛ̃ na bɛr. Naaŋmɩn taa wa sowre bɛ bom ɛ.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

1 Zã 2:19

A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.