Markɩ 2:24 - A SƐB-SÕW

²⁴ Lɛ n'a a Faarizɩ̃ɛ mɩnɛ tɩ yel a Yeezu: «Nyɛ̃, bʋ̃ʋ n'ʋ so a fʋ po-tuurbɛ ɩrɛ bom nɛ na bɛ sɛw kɛ́ bɛ ɩrɛ a pɩ̃ɛnʋ-bibir a?»

Markɩ 2:24 ပူးပေါင်းရင်းမြစ်များ

Eziptɩ tẽw yib 20:10

Ɛcɛ a bibie ayopõi sob a, a pɩ̃ɛnʋ-bibir ɩ̃ na so a n'ʋ, a mãa, a Sore fʋ Naaŋmɩn. Fʋ kʋ̃ tõ ton za a ʋlɩ bibir nɛ ɩ, a fʋ̃ʋ, a fʋ bibiir, a fʋ tõ-tõ-bi-dɛbr bɩɩ a fʋ tõ-tõ-bi-pɔwbɛ, a fʋ dʋn nɩ a nʋʋra na kpɩɛr a fʋ zie a.

Eziptɩ tẽw yib 31:15

Bibie ayʋɔb'a nyɩ na mɩ́ tõ a nyɩ tome. Ɛcɛ a bibie ayopõi sob ɩ n a pɩ̃ɛnʋ-bibir ɩ̃ na so a. Nɩr wa tõ ton pɩ̃ɛnʋ-bibir a, bɛ na kʋ ʋ na.

Ɩzayi 56:2

Zu-nʋ̃ɔ̀ sob'ɩ a nɩr ʋl na ɩrɛ a lɛ ɩ̃ na yel a, a nɩr ʋl na tɛr ʋ kpɛ̃w kpɛ̃w za a, a nɩr ʋl na mɩ́ maal tɛr a pɩ̃ɛnʋ-bibir vla, ɛ́ bɛ sàw a ʋ nũu na tõ tõ-faa kãw za a!»

Ɩzayi 56:4

Bʋ̃ʋ n'ʋ vɛ̃, à ŋá n'a a Sore yere: «A dɛ-vaɩ bɛl na maal tɛr a ɩ̃ pɩ̃ɛnʋ-bibie vla a, na mɩ́ kaa ír ɩrɛ a lɛ na pɛlɩ a ɩ̃ pʋɔ a, ɛ́ mɩ́ tu a ɩ̃ wõ-taa pùor a,

Ɩzayi 56:6

A sãanbɛ bɛl na tu a Sore pùor, kɛ́ bɛ ƴãwnɛ ʋ ɛ́ nɔnɛ ʋ, kɛ́ bɛ ɩ a ʋ tõ-tõ-biir a, a Sore yere nɩ à ŋá a bɛ ƴãw: «Bɛlɛ wa maal tɛr a ɩ̃ pɩ̃ɛnʋ-bibir vla a, bɛlɛ wa tu a ɩ̃ wõ-taa pùor a,

Ɩzayi 58:13

A Sore yere na: «Fʋ̃ʋ wa bɛr a fʋ zi-ceni a pɩ̃ɛnʋ-bibir a, fʋ̃ʋ wa bɛr a fʋ yele zie kaafʋ a ɩ̃ bibi-sõw bibir a, fʋ̃ʋ wa bʋɔlɛ a pɩ̃ɛnʋ-bibir “Nʋ̃ɔ̀”, a Sore bibir “Bibi-ƴãwna”, ɛ́ sɩrɩ ƴãwnɛ ʋ, mɩ́ bɛr a zi-ceni, a yele zie kaafʋ, a nɔkpɛn na bɛ tɛr baarʋ a,

Matie 12:2

A Faarizɩ̃ɛ mɩnɛ na tɩ nyɛ̃ a lɛ a, bɛ yel'ɩ a Yeezu: «Nyɛ̃, a fʋ po-tuurbɛ ɩrɛ nɩ bom na bɛ sɛw a pɩ̃ɛnʋ-bibir a!»

Markɩ 2:16

A Naaŋmɩn wulu sɛ-sɛbrbɛ bɛl na ɩ Faarizɩ̃ɛ mɩnɛ a, na tɩ nyɛ̃ a Yeezu ʋ lãw nɩ a yel-bebe dem nɩ a zuru-yar-dierbɛ dɩrɛ a, bɛ tɩ yel'ɩ a ʋ po-tuurbɛ: «Bʋ̃ʋ n'ʋ so ʋ lãw nɩ a zuru-yar-dierbɛ nɩ a yel-bebe dem dɩrɛ?»

Markɩ 2:25

Ʋ tɩ sɔw bɛ na: «Nyɩ bɛ dãw kanɩ a lɛ a Daviir na tɩ ɩ a ɩ? A lɛn daar a na tɩ fɛrɛ ʋ, ɛ́ kɔ̃ kpɩɛr ʋlɛ nɩ a ʋ taabɛ a ɩ?

Markɩ 2:7

«Bʋnʋ ƴãw n'a a nɩr ŋa ƴɛ̀rɛ à ŋá? Ʋ tʋʋr'ɩ Naaŋmɩn zʋmɛ. Ãa n'ʋ na tʋ̃ɔ́ dɩ a yel-bebe suur, a bɛ ɩ Naaŋmɩn yõ?»

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.