Markɩ 2:17 - A SƐB-SÕW

¹⁷ A Yeezu na tɩ wõ a a, ʋ yel bɛ na: «Nɩ-kpɛn bɛ tɛr dɔwta yel-ɩra ɩ, bàalbɛ nɛbɛ tɛr ʋ yel-ɩra. Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Markɩ 2:17 ပူးပေါင်းရင်းမြစ်များ

Ɩzayi 1:18

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Matie 18:10

«Nyɩ gù nyɩ tʋɔra taa wa jewre a bibi-cãpili bɛ ŋa been kãw za ɩ. Ɩ̃ sɩrɩ na yere kʋ̀rɛ nyɩ, a bɛ malkɩ mɩnɛ àr'ɩ a ɩ̃ Sãà na be a tẽ-vla pʋɔ a niŋé kʋralɛ. [

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Luka 15:29

Ɛcɛ ʋ tɩ sɔw na yel a sãà: “Nyɛ̃, yome á ŋá za n'a ɩ̃ so a fʋ tome tone ɛ́ bɛ dãw zawrɩ a fʋ nʋɔr ɛ, ɛcɛ fʋ bɛ dãw kʋ̀ m bʋle k'ɩ̃ɩ lãwnɩ a ɩ̃ bárɩ maal'ɩ cuw ɛ.

Luka 15:7

Ɩ̃ yere na kʋ̀rɛ nyɩ, à ŋá n'a a na ɩ nʋ̃ɔ̀ yaga a tẽ-vla pʋɔ, a yel-bier-maalɛ been yõ na lɩɛbɩ a ʋ ɩb a ƴãw, zuo a nɩ-mɩn kʋba for bir na bɛ tɛr a bɛ ɩb lɩɛbʋ yel-ɩra a.»

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Luka 19:10

Bʋ̃ʋ n'ʋ vɛ̃, a Nɩsaal Bie wa na k'ʋʋ wa bɔ, ɛ́ faa a bɛl na tɩ bɔr a.»

Zã 9:34

Ɛcɛ bɛ tɩ sɔw ʋ na yel: «Fʋ̃ʋ n'ɩ ŋan dɔw yel-bier pʋɔ fʋ za, ɛ́ na wule tɩ ɩ?» Ɛ́ tɩ diw ʋ bɛr a puoru-dĩó.

Zã 9:40

A Faarizɩ̃ɛ mɩnɛ na tɩ be a ʋ zie a, ɛ́ wõ a ƴɛ̀r-bie á ŋá a, bɛ tɩ sowr'ʋ na: «A tɩɩm mɩ̀, tɩ mɩ̀ ɩ n zɔn bɩɩ?»

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.