Markɩ 16:14 - A SƐB-SÕW

¹⁴ A pɛ-baara a, a Yeezu tɩ wul'ɩ ʋ tʋɔra a Nɩ-toni pie nɩ been na tɩ lãw zɩ̃ dɩrɛ a. Ʋ tɩ yere bɛ na, bɛ na bɛ tɩ sàw de a, ɛ́ a bɛ zuru kpɛmɛ zuo bɛ bɛ sàw de a bɛlɩ dem na tɩ nyɛ̃ ʋ ʋ lɛb yi a kũu pʋɔ a ƴɛ̀rʋ a.

Markɩ 16:14 ပူးပေါင်းရင်းမြစ်များ

Sɔr-nɛ́ɛ 14:11

A Sore tɩ yel'ɩ a Moyiir: «Debor daar'a a nɩbɛ bɛ ŋa na jɛ m bɛr tɩ ta? Debor daar'a bɛ na zawrɩ a ɩ̃ sàw-deb tɩ ta, bɛ na saa nyɛ̃ a ɩ̃ fãw bãwfʋ ɩ̃ na maalɩ a bɛ sɔgɔ a?

Matie 11:20

Lɛ n'a a Yeezu tɩ nyɔw a tẽ-bɛrɛ al pʋɔ ʋ na maalɩ a ʋ nɔ-ɓãa-yele yaga zie a yere, a ten á ŋá nɩbɛ na bɛ tɩ sàw lɩɛbɩ a bɛ ɩb a ƴãw. Ʋ tɩ yere na:

Matie 17:20

Ʋ tɩ sɔw bɛ na: «A nyɩ naaŋmɩn-sàw-deb na dɩ nã́w a n'a so. Yel-mɩŋa sɩza ɩ̃ yere na kʋ̀rɛ nyɩ, a nyɩ naaŋmɩn-sàw-deb tɩ bɛrmɛ mɛ̃ seneve bir a, nyɩ nãá mɩ́ yel'ɩ a tãw ŋa: “Ìr a ka ɛ́ cen ka”, ʋʋ nãá mɩ́ cen na, ɛ́ nyɩ kʋ̃ʋ mɩ́ ɩ bom za gu ɛ. [

Matie 28:17

Bɛ na wa nyɛ̃ ʋ a, bɛ lo na gbĩ dume puor'ʋ nɩ bɛ tʋɔra-siwru, ɛcɛ bɛ mɩnɛ tɩ cãà na bʋ́nɛ.

Markɩ 7:18

Ʋ tɩ yel bɛ na: «A nyɩɩm mɩ̀, nyɩ cãà bɛ bãw a pɛr ɛ? Nyɩ bɛ bãw kɛ́ bom za na yi yẽw kpɩɛr a nɩsaal pʋɔ a, kʋ̃ tʋ̃ɔ́ dɛw a nɩsaal ɛ?

Luka 24:11

A tɩ sãá nɩ ƴɛ̀rʋ na bɛ tɛr pɛr a, a bɛ zie, ɛ̀ bɛ bɛ sàw de a pɔwbɛ ƴɛ̀rʋ ɛ.

Luka 24:25

Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a?

Zã 20:25

A ʋ po-tuur-taabɛ tɩ yel a kʋ̀ ʋ: «Tɩ nyɛ̃ nɩ a Sore!» A Toma lɛb yel bɛ: «Mãa bɛ wa nyɛ̃ a pĩi-bie bãwfʋ a ʋ nuru pʋɔ a, mãa bɛ wa ír nobir tɔ n a pĩi-bie bãwfʋ á ŋá a, mãa bɛ wa ír nũu tõ a ʋ lõbowrí a, ɩ̃ kʋ̃ sàw de ɩ.»

Zã 20:26

Bibie ani pùorí, a Yeezu po-tuurbɛ tɩ lɛb'a maal ɓã taa a yir pʋɔ, a Toma mɩ̀ pʋɔ. A pamɛ tɩ cãà na kpa, ɛ́ a Yeezu wa kpɛ àr a bɛ sɔgɔ ɛ́ yel bɛ: «A ƴã-ɓaarʋ, ʋ be a nyɩ zie!»

Zã 20:27

Al pùorí, ʋ tɩ yel'ɩ a Toma: «Wa n a fʋ nobir ka, bɛl a ɩ̃ nuru nyɛ̃, wa n a fʋ nũu wa tõ a ɩ̃ lõbowrí, bɛr a nɔkpɛn ɛ́ sàw de.»

Zã 21:1

A Yeezu tɩ lɛb'a wul ʋ tʋɔra a ʋ po-tuurbɛ a Tɩberiyadɩ kʋ̃ɔ-kpɛ̃ɛ nʋɔr. Nyɩ nyɛ̃ a lɛ a na tɩ tu a.

Zã 21:14

A gb'a ata sob tɩ n'ɩ a lɛ a Yeezu na tɩ wul ʋ tʋɔra a ʋ po-tuurbɛ a ʋ kũu-pʋɔ-lɛb-yibu pùorí a.

Nɩ-toni 1:3

A ʋ kũu pùorí a, bɛlɛ nɛbɛ ʋ tɩ ɩ bɛ nyɛ̃ ʋ, ʋʋ wul bɛ gb'a a ŋmɩn za k'ʋʋ ɩ n nɩ-vʋʋra: bibie lɩz'a ayi ƴãw, ʋ tɩ wul'ɩ ʋ tʋɔra a bɛ zie ɛ́ ƴɛ̀r a Naaŋmɩn Naalʋ ƴɛ̀rʋ kʋ̀ bɛ.

1 Korɛ̃tɩ 15:5

Ʋ wul'ɩ ʋ tʋɔra a Pɩɛr, al pùorí ʋ wul ʋ tʋɔra a nɩ-toni pie nɩ ayi.

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.