Markɩ 15:32 - A SƐB-SÕW

³² A Nɩ-kabra, a Ɩsɩrayɛl nãà, ʋ siw a da-gara zu a ƴɛrɛŋa tɩ nyɛ̃ ɛ́ sàw de a ʋ yele.» A bɛl bɛ na tɩ kpa a da-garɩ zu lãwnɩ ʋ a, mɩ̀ tɩ tʋʋr ʋ na.

Markɩ 15:32 ပူးပေါင်းရင်းမြစ်များ

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Sofoni 3:15

A Sore ír'ɩ a dɔwrʋ na tɩ lo a nyɩ zu a bɛr, ʋ ɩ n a nyɩ dɔ̃ dem bɛ zɔ. A Sore, a Ɩsɩrayɛl nãà, be n a nyɩ sɔgɔ, nyɩ kʋ̃ cãà zɔrɛ yel-faa dɛ̃bɩ̃ɛ ɩ.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Matie 1:17

A na ɩ à ŋá a, a sãàkʋm-kore dɔw-tu-taa ɩ n pie nɩ anaar, a Abraham tɩ tɔ n a Daviir, pie nɩ anaar a Daviir tɩ tɔ n a Babɩlɔn tẽw diw-cenu, pie nɩ anaar a Babɩlɔn tẽw diw-cenu tɩ tɔ n a Kɩrɩta dɔwfʋ.

Matie 27:42

«Ʋ faa nɩ bɛ mɩnɛ ɛ́ kʋ̃ tʋ̃ɔ́ faa ʋ tʋɔra ɩ! Ʋ ɩ n a Ɩsɩrayɛl nãà, ʋ siw a da-gara zu ƴɛrɛŋa, ɛ́ tɩ na sàw na de a ʋ yele!

Matie 27:44

A nyãnyu-nɩ-kʋrbɛ bɛl, bɛ na tɩ kpa a da-gara zu a, mɩ̀ tɩ tʋʋr ʋ nɩ a lɛ.

Markɩ 15:26

Bɛ tɩ sɛb'ɩ a ʋ kũu pɛr à ŋá: «Zifʋ mɩnɛ nãà.»

Markɩ 15:27

Bɛ mɩ̀ tɩ kpa n nyãnyu-nɩ-kʋrbɛ ayi da-garɩ zu lãwnɩ ʋ, kãw a ʋ dʋrʋ lowr, ɛ́ kãw a ʋ gʋba lowr. [

Zã 1:49

A Natanayɛl tɩ lɛb'a yel: «Wul-wul-kara a, fʋ̃ʋ n'ɩ a Naaŋmɩn Bie, fʋ̃ʋ n'ɩ a Ɩsɩrayɛl Nãà!»

Zã 12:13

Bɛ tɩ kár'ɩ kpãkparmɛ wuli yi tuore nɩ ʋ, cáarɛ nɩ yere nɩ: «Ozaana! A Naaŋmɩn, ʋ maalɩ a sob nɛ na waar a Sore yúor ƴãw a! A Naaŋmɩn, ʋ maalɩ a Ɩsɩrayɛl nãà!»

Ʋrɔm 3:3

Ɛ́ bʋnʋ? Bɛ mɩnɛ kãw wa lɛb pùor a bɛ naaŋmɩn-sàw-deb pʋɔ a, a bɛ pùor-lɛbrʋ na ɩ na a Naaŋmɩn mɩ̀ lɛb pùor bɩɩ?

2 Timote 2:18

Bɛ bɔr'a zãá nɩ a yel-mɩŋa, bɛ na yere kɛ́ tɩ lɛb'a yi a kũu pʋɔ baarɩ a, à ŋá n'a bɛ ɩrɛ sãwnɛ nɩ-yaga naaŋmɩn-sàw-deb.