3 A bàwr-maal-nɩ-bɛrɛ tɩ manɛ nɩ sãwna yaga dɔwlɛ a ʋ zu.
Ɛcɛ mãa a, ɩ̃ ɩ na mɛ̃ wõw a, ɩ̃ bɛ wone ɩ, ɩ̃ ɩ na mɛ̃ wõw-gbil a, ɩ̃ bɛ háarɛ nʋɔr ɛ.
Bɛ dɔwr'ʋ na, ʋʋ siwri ʋ tʋɔra, ʋ bɛ háa nʋɔr ɛ. Mɛ̃ péle bɛ na cere nɩ a kʋb zie a, mɛ̃ pɛ́rʋ bɛ na ŋmarɛ a kɔblʋ ʋʋ àr gbili a, ʋ bɛ háa nʋɔr ɛ.
A bàwr-maal-nɩ-bɛrɛ nɩ a Zifʋ nɩbɛ nɩ-kore na tɩ manɛ a Yeezu sãwna a, ʋ bɛ tɩ háa nʋɔr sɔw towtow ɛ.
A Pɩlatɩ tɩ sowr'ʋ na: «Fʋ̃ʋ n'ɩ a Zifʋ mɩnɛ nãà bɩɩ?» A Yeezu sɔw: «Fʋ̃ʋ n'ʋ yel.»
A Pɩlatɩ tɩ lɛb'a sowri ʋ: «Fʋ bɛ sɔwr bom za ɩ? Jɩ́r nyɛ̃ a sãwna bɛ na manɛ dɔwlɛ a fʋ zu sɛw a?»
Ɛcɛ a Yeezu bɛ lɛb tɩ sɔw bom za ɩ, a ɩ nɔ-ɓãa-yel a Pɩlatɩ zie.
A lɛ n'a a Pɩlatɩ tɩ bɔbr a Yeezu lɛb-bɛrʋ. Ɛcɛ a Zifʋ mɩnɛ tɩ ŋmɩɛr'ɩ cɛlsɩ yere nɩ: «Fʋ̃ʋ wa lɛb bɛr a nɩr ŋa a, fʋ bɛ ɩ a Sezaar bá ɩ! Nɩr za na bʋɔlɛ ʋ tʋɔra nãà a ɩ n a Sezaar dɔ̃ sob.»
