Markɩ 14:65 - A SƐB-SÕW

⁶⁵ Bɛ mɩnɛ kãw tɩ tĩ na pʋʋrɛ mʋtaar ƴãwn ʋ, ɛ́ pàwr ʋ a niwn, ɛ́ ŋmɩɛr ʋ yere nɩ: «Bãw, ãa n'ʋ ŋmɛ b.» Bɛ tɩ bɛr'ɩ a Yeezu kʋ̀ a tõ-tõ-biir bɛ ɓa ɓa ʋ.

Markɩ 14:65 ပူးပေါင်းရင်းမြစ်များ

2 Bibie za yel-manɩ 18:23

Lɛ n'a a Kenaana bidɛb, Sidikiyahu, tɩ ta ɓa a Mise kɔ́rɩ́ ɛ́ yel: «Nyɩnɛ n'a a Sore Vʋʋrʋ tu yi a ɩ̃ zie wa ƴɛ̀rɛ nɩ fʋ?»

A Zɔb sɛbɛ 30:10

Ɩ̃ ɩrɛ bɛ nɩ kɔkɔrʋ bɛ tawr zãánɛ nɩ mɛ̃, bɛ cɩrɛ nɩ mʋtaar waarɛ mɛ̃ a niwn ɛ́ a bɛ ɩrɛ bɛ bom ɛ.

Ɩzayi 50:6

Ɩ̃ lɩɛb'ɩ a ɩ̃ zikur kʋ̀ a bɛlɩ dem na pɔbr mɛ̃ a, ɛ́ lɩɛbɩ a kɔrɛ cɔw a bɛlɩ dem na tawr a ɩ̃ tɩɛm kɔblʋ vɔnɛ a. Ɩ̃ bɛ pàw a ɩ̃ niwn tɛr a kaar-bie nɩ a zʋmɛ ƴãw ɛ.

Ɩzayi 52:14

Mɛ̃ a lɛ nɩ-yaga na tɩ nyɛ̃ ʋ kɛ̀ dɛ̃bɩ̃ɛ kpɛ bɛ, a ʋ niwn na tɩ sãw ʋ za, ʋʋ bɛ cãà ŋmɛ̃ taa nɩ nɩsaal a,

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Mise 5:1

A Sore yere na: «Ɛ́ fʋ̃ʋ Bɛtɩlɛm Efarata a, fʋ ɩ n tẽle lɛ a Zuda dɔwlʋ ten pʋɔ. Ɛcɛ a fʋ pʋɔ n'a ɩ̃ na ɩ a sob nɛ na na dɩrɛ naalʋ a Ɩsɩrayɛl bʋʋrɛ zu a ɩ̃ yúor ƴãw a, ʋ yi. A tẽ-kor daar za n'a ʋ tɩ be.

Sɔr-nɛ́ɛ 12:14

A Sore tɩ sɔw ʋ na: «A ʋ sãà tɩ n'ʋ cɩr mʋtaar waar'ʋ a niwn a, vĩ k'ʋʋ nyɔw ʋ bibie ayopõi ɛ? A na ɩ lɛ a, bɛ diw ʋ bɛr a laɩ pʋɔ bibie ayopõi. Al pùorí n'a ʋ na tʋ̃ɔ́ lɛb wa.»

Matie 27:30

Bɛ tɩ pʋʋrɛ nɩ mʋtaar waarɛ ʋ, ɛ́ mɩ́ de a bàa-kɛkɛr va n a ʋ zũú.

Markɩ 10:34

A nɩ-bʋʋr-yoru na ɩ ʋ na la, bɛ na pʋʋrɩ mʋtaar ƴãw ʋ, bɛ na fɔb ʋ na, bɛ na kʋ ʋ na, ɛcɛ a bibie ata pùorí, ʋ na lɛb'a yi a kũu pʋɔ.»

Markɩ 15:19

Bɛ mɩ́ tɩ de nɩ bàa-kɛkɛr vàrɛ nɩ ʋ a zũú, ɛ́ pʋʋrɛ mʋtaar ƴãwnɛ ʋ, ɛ́ mɩ́ gbĩ dume a ʋ niŋé gũu tɩ tɔ a tẽw.

Zã 18:22

A ƴɛ̀r-bie á ŋá bɛ tɩ lo tẽw sɛr ɛ, ɛ́ a Ŋmɩn-yir-kpɛ̃ɛ gùre ƴen sob kãw, na tɩ àr a be a, ɓa ʋ ɛ́ yel: «À ŋá n'a fʋ sɔwr a bàwr-maal-kara ƴɛ̀rʋ bɩɩ?»

Zã 19:3

Bɛ mɩ́ tɩ taw na pɩɛl'ʋ, ɛ́ yel ʋ: «Yãanɩ, Zifʋ mɩnɛ nãà a!» Ɛ́ mɩ́ ɓa ʋ kɔrɩ́.

Nɩ-toni 23:2

Lɛ n'a a bàwr-maal-kara Ananɩasɩ tɩ ƴãw a bɛlɩ dem na àr pɩɛlɩ a Pol a, bɛ ŋmɛ ʋ a nʋɔrɩ́.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.