Markɩ 14:62 - A SƐB-SÕW

⁶² A Yeezu sɔw: «Mãa n'ʋ, ɛ́ nyɩ na nyɛ̃ nɩ a Nɩsaal Bie ʋ zɩ̃ a Naaŋmɩn kpɛnʋ-za-sob dʋrʋ lowr, ɛ́ be a zũzuwe pʋɔ waar.»

Markɩ 14:62 ပူးပေါင်းရင်းမြစ်များ

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Matie 24:30

Lɛ n'a a Nɩsaal Bie bãwfʋ na sãá a salom zu. Lɛ n'a a tẽw zu nɩ-bʋʋrɛ za na kone. Bɛ na nyɛ̃ nɩ a Nɩsaal Bie ʋ be a zũzuge pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ.

Matie 26:64

A Yeezu tɩ sɔw na yel ʋ: «Fʋ̃ʋ n'ʋ yel a lɛ. Ɛcɛ ɩ̃ yere na kʋ̀rɛ nyɩ, dɩ̃a na ta a, nyɩ na nyɛ̃ nɩ a Nɩsaal Bie ʋ zɩ̃ a Kpɛnʋ-za-sob dʋrʋ lowr, ɛ́ be a zũzuge zu waar.»

Matie 27:11

A Yeezu tɩ àr'ɩ a Ʋrɔm tẽw na-kpɛ̃ɛ-lɩɛrɛ niŋé a ƴɛ̀rʋ-dɩb ƴãw, ʋ sowr'ʋ: «Fʋ̃ʋ n'ɩ a Zifʋ mɩnɛ nãà bɩɩ?» A Yeezu tɩ sɔw na: «Fʋ̃ʋ n'ʋ yere a lɛ!»

Markɩ 13:26

Lɛ n'a bɛ pãa na nyɛ̃ a Nɩsaal Bie ʋ be a zũzuwe pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ za.

Markɩ 15:2

A Pɩlatɩ tɩ sowr'ʋ na: «Fʋ̃ʋ n'ɩ a Zifʋ mɩnɛ nãà bɩɩ?» A Yeezu sɔw: «Fʋ̃ʋ n'ʋ yel.»

Markɩ 16:19

A Sore Yeezu na wa ƴɛ̀r a bɛ zie à à ŋá baar'a, bɛ ír ʋ na do n a tẽ-vla pʋɔ, ʋ tɩ zɩ̃ a Naaŋmɩn dʋrʋ lowr.

Luka 22:69

Ɛcɛ dɩ̃a na ta a, a Nɩsaal Bie na zɩ̃ n a Naaŋmɩn na tɛr kpɛnʋ a dʋrʋ lowr.»

Luka 23:3

A Pɩlatɩ tɩ sowr'ɩ a Yeezu à ŋá: «Fʋ ɩ n a Zifʋ mɩnɛ nãà bɩɩ?» A Yeezu sɔw: «Fʋ̃ʋ n'ʋ yere.»

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

Ebre 8:10

A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

2 Pɩɛr 1:16

A tɩ Sore Yeezu Kɩrɩta kpɛnʋ nɩ a ʋ lɛb-waa tɩ na ɩ nyɩ bãw a, suolu bɛ n'a tɩ suoli vla za kʋ̀ nyɩ ɛ. Tɩ nyɛ̃ nɩ a ʋ yúor-vɩɛlʋ-danʋ za nɩ mimir sɩza.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.