Markɩ 14:37 - A SƐB-SÕW

³⁷ Ʋ tɩ lɛb'a wa wa nyɛ̃ bɛ gúre. Ʋ tɩ yel'ɩ a Pɩɛr: «Sɩmʋ̃ ʋ, fʋ gúre na a? A tɛm been yõ ƴãw fʋ bɛ tʋ̃ɔ́ bɛr a gʋ̃ɔ ɩ?

Markɩ 14:37 ပူးပေါင်းရင်းမြစ်များ

2 Samɩɛl 16:17

A Abɩsalɔm tɩ sowr'ʋ na: «A fʋ pùor-bɛ-lɛbrʋ n'ɩ à à ŋá, a fʋ bá Daviir zie e? Bʋ̃ʋ n'ʋ so fʋ bɛ páw ʋ cen?»

Zeremi 12:5

A Sore yere na: «Fʋ̃ʋ kʋ̃ wa tʋ̃ɔ́ zɔ tu nɩbɛ na zɔrɛ nɩ gbɛ́ɛ a, ŋmɩŋmɩn n'a fʋ̃ʋ nɩ wie na dãw taa? Tẽw ƴã-ɓaarʋ na be a yõ pʋɔ wa n'a fʋ mɩ́ bɛr tɩɛrʋ a, ŋmɩŋmɩn n'a fʋ na ɩ a Zurdɛ̃ man nʋɔr va-pɔrɛ pʋɔ?

Zonasɩ 1:6

A gbor-duwrbɛ nɩ-kpɛ̃ɛ tɩ taw na ta a ʋ zie yel ʋ: «Alɛ! Ɛ́ bʋnʋ! Fʋ gúre na a! Ìr bʋɔlɛ a fʋ Naaŋmɩn, kapaw a Naaŋmɩn ŋa na tɛr'ɩ a tɩ tɩ́ɛrʋ ɛ́ kʋ̃ sàw tɩ kpi ɛ.»

Matie 25:5

A dɛb-sãan na tɩ kɔwrɛ a, gʋ̃ɔ tɩ ɩrɛ nɩ bɛ za, bɛ gúr gã.

Matie 26:40

Ʋ tɩ ìr'a wa a ʋ po-tuurbɛ ata bɛl zie wa nyɛ̃ bɛ gúre. Ʋ tɩ yel'ɩ a Pɩɛr: «A ɩ lɛ nyɩ bɛ tʋ̃ɔ́ bɛr gʋ̃ɔ ɛ́ lãw nɩ mɛ̃ tɛm been yõ ƴãw ʋ?

Markɩ 14:36

Ʋ tɩ yere na: «Aba, ɩ̃ Sãà a, fʋ tʋ̃ɔ́ nɩ bom za. Ɩ a tuo koli-nyúura ŋa taw zãá nɩ mɛ̃. Ɛcɛ a ta ɩ lɛ a mãa na bɔbr a ɩ, a ɩ lɛ fʋ̃ʋ na bɔbr a.»

Markɩ 14:38

Nyɩ bɛr gʋ̃ɔ ɛ́ puore, taa wa lore a bɛlʋ pʋɔ ɩ, a nɩsaal mɩ́ bɔbr'ɩ a vla ɛ́ bɛ tɛr a fãw ɛ.»

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.