Markɩ 12:29 - A SƐB-SÕW

²⁹ A Yeezu sɔw ʋ: «Nyɛ̃ a dãw-niwn sob: “Bɛrɛ wone Ɩsɩrayɛl i, a Sore tɩ Naaŋmɩn n'ɩ a Sore been yõ.

Markɩ 12:29 ပူးပေါင်းရင်းမြစ်များ

Sɛb-sõw yielu 86:10

Bʋ̃ʋ n'ʋ vɛ̃, fʋ ɩ n kpɛ̃ɛ ɛ́ maalɛ nɔ-ɓãa-yele, fʋ̃ʋ yõ tẽtẽ n'ʋ ɩ Naaŋmɩn.

Zʋkpaɩ 23:26

Ɩ̃ bie e, ƴãw a fʋ tɩ́ɛrʋ a ɩ̃ ƴãw, ɛ́ tuur a lɛ ɩ̃ na ɩrɛ a nɩ nʋ̃ɔ̀.

Matie 10:37

Nɩr na nɔnɛ a ʋ sãà bɩɩ a ʋ mã zuo mɛ̃ a bɛ sɛwnɩ mɛ̃ ɩ. Nɩr na nɔnɛ a ʋ bidɛb bɩɩ a ʋ pɔwyaa zuo mɛ̃ a bɛ sɛwnɩ mɛ̃ ɩ.

Matie 23:9

Nyɩ ta bʋɔlɛ nɩr za a tẽw zu ka kɛ́ nyɩ “Sãà” ɩ, Sãà been yõ n'ʋ nyɩ tɛr, a ʋl na be a tẽ-vla pʋɔ a.

Luka 10:27

A sob nɛ tɩ sɔw na: «“Fʋ na nɔnɛ nɩ a Sore fʋ Naaŋmɩn nɩ a fʋ socir za, nɩ a fʋ sɩ́ɛ za, nɩ a fʋ fãw za nɩ a fʋ tɩɛrʋ za”, ɛ́ “nɔnɛ a fʋ tɔ sob mɛ̃ a fʋ mɩŋa a.”»

Ʋrɔm 3:30

bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

Galasi 3:20

Ɛcɛ lɔ̃lʋɔrɛ bɛ dãw lɔ̃ nɩ-been yele ɩ. Ɛ́ a yele càar'ɩ Naaŋmɩn yõ.

Wulu-ayi-sob 10:12

Ƴɛrɛŋa a, Ɩsɩrayɛl nɩbɛ ɛ, bʋ̃ʋ n'ʋ a Sore nyɩ Naaŋmɩn gùre a nyɩ zie? A ʋlɩ bom nɛ tɛwr ʋ na gùre a, ʋlɛ n'ɩ kɛ́ nyɩ zɔrɛ ʋ, maalɛ a ʋ pʋ-tɩɛrʋ, nɔnɛ ʋ, ɛ́ tone a ʋ tome nɩ a nyɩ pʋɔ za, nɩ a nyɩ sɩ́ɛ za.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

Zakɩ 2:19

Fʋ sàw na de kɛ́ Naaŋmɩn ɩ n been ɩ? A vɩɛl'a wɛ. A kɔ̃tɔmɛ mɩ̀ sàw na de, ɛ́ màwr dɛ̃bɩ̃-mawfʋ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.