Markɩ 11:23 - A SƐB-SÕW

²³ Yel-mɩŋa sɩza n'a ɩ̃ yere kʋ̀rɛ nyɩ, nɩr wa yel a tãw ŋa: “Ìr a ka cen tɩ lo kʋ̃ɔ-kpɛ̃ɛ pʋɔ”, ɛ́ bɛ bʋ́nɛ a ʋ tɩɛrʋ pʋɔ, ɛ́ sàw de nɩ ʋ pʋɔ za k'aa na tu n a lɛ a, ʋ na nyɛ̃ na a tu a lɛ a ʋ zie.

Markɩ 11:23 ပူးပေါင်းရင်းမြစ်များ

Sɛb-sõw yielu 37:4

Ɩ a Sore ʋ ɩ a fʋ nʋ̃ɔ̀, ʋʋ na mɩ́ kʋ̀ b'ɩ ʋlɩ bom nɛ fʋ na bɔbr a.

Matie 14:13

A Yeezu na wa wõ a Zã kũu a, ʋ yi n a be, kpɛ gbor k'ʋʋ taw yi pùor, wɛja pʋɔ, ʋ yõ zie. A zu-sɛbla na tɩ bãwnɩ a a, bɛ yi n a bɛ ten pʋɔ nɩ gbɛ́ɛ, cere lanɛ a kʋ̃ɔ-kpɛ̃ɛ tuur a Yeezu.

Matie 17:20

Ʋ tɩ sɔw bɛ na: «A nyɩ naaŋmɩn-sàw-deb na dɩ nã́w a n'a so. Yel-mɩŋa sɩza ɩ̃ yere na kʋ̀rɛ nyɩ, a nyɩ naaŋmɩn-sàw-deb tɩ bɛrmɛ mɛ̃ seneve bir a, nyɩ nãá mɩ́ yel'ɩ a tãw ŋa: “Ìr a ka ɛ́ cen ka”, ʋʋ nãá mɩ́ cen na, ɛ́ nyɩ kʋ̃ʋ mɩ́ ɩ bom za gu ɛ. [

Matie 21:21

A Yeezu tɩ sɔw bɛ na: «Yel-mɩŋa sɩza, ɩ̃ yere na kʋ̀rɛ nyɩ: bibir kãw nyɩmɛ wa tɛr a naaŋmɩn-sàwfʋ ɛ́ bɛ bʋ́nɛ a, à à ŋá ɩ̃ na ɩ a kãkã-tɩɛ a, lɛ tɛwr bɛ n'a nyɩ na mɩ́ tʋ̃ɔ́ ɩ ɛ, ɛcɛ nyɩmɛ mɩ̀ saa mɩ́ yel a tãw ŋa: “Ìr a ka tɩ lo a kʋ̃ɔ-kpɛ̃ɛ pʋɔ a”, a na tu n a lɛ.

Luka 17:6

A Sore tɩ sɔw na: «Nyɩmɛ tɩ ɩ mɛ̃ nyɩ tɛr'ɩ a naaŋmɩn-sàw-deb ʋ bɛrmɛ mɛ̃ seneve bir a, nyɩ nãá tɩ yel'ɩ a sɩkomɔɔr tɩɛ ŋa na àr a: “Vʋ̃ɔ tɩ bà a kʋ̃ɔ-kpɛ̃ɛ pʋɔ”, ʋʋ nãá sàw nɩ a nyɩ nʋɔr.»

Zã 14:13

Bom nɛ za nyɩ na na zɛlɩ a ɩ̃ yúor ƴãw a, ɩ̃ na ɩ na, a ɩ̃ Sãà tʋ̃ɔ́ nyɛ̃ yúor-vɩɛlʋ-danʋ a Bie pʋɔ.

Zã 15:7

Nyɩmɛ wa lãw nɩ mɛ̃ ɛ́ tɛr a ɩ̃ ƴɛ̀rʋ a, nyɩ zɛlɩ a ʋlɩ bom nɛ nyɩ na bɔbr a, ɛ́ nyɩ na páw ʋ na.

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.