Markɩ 11:18 - A SƐB-SÕW

¹⁸ A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ tɩ wõ n à à ŋá, ɛ́ bɔbr a lɛ bɛ na na ɩ kʋ ʋ a. Ɛcɛ bɛ tɩ zɔrɛ ʋ na, a ʋ kanʋ na mɩ́ tɩ dam a zu-sɛbla a ƴãw.

Markɩ 11:18 ပူးပေါင်းရင်းမြစ်များ

1 Na-mɩnɛ 21:20

A Eli tɩ cen na, a Akab tɩ yel ʋ: «Ãw, fʋ bɛ lɛb nyɛ̃ m ɩ, fʋ̃ʋ ɩ̃ dɔ̃ sob i!» A Eli sɔw: «Ʋ̃ʋ, ɩ̃ lɛb'a nyɛ̃ b! Fʋ na tu a fʋ pʋ-tɩɛrʋ pùor, ɩ a ʋlɩ bom na bɛ pɛlɩ a Sore pʋɔ a ƴãw.

1 Na-mɩnɛ 22:18

A Ɩsɩrayɛl tẽw nãà tɩ yel'ɩ a Zozafatɩ: «Ɩ̃ bɛ tɩ yel kʋ̀ b ɛ? A ʋ naaŋmɩn-ƴɛ̀r-manɛ ƴɛ̀rʋ a ɩ̃ zie bɛ mɩ́ ɩ vla ɩ, faa mɩ̀ n'a kʋralɛ.»

1 Na-mɩnɛ 22:8

A Ɩsɩrayɛl tẽw nãà tɩ sɔw nɩ a Zozafatɩ: «Nɩr cãà nɩ be, bɛ na na tʋ̃ɔ́ mɩ̀ páw sowri a Sore a: Yimɩla bidɛb Mise n'ʋ. Ɛcɛ ɩ̃ bɛ nɔnɛ ʋ towtow ɛ, bʋ̃ʋ n'ʋ vɛ̃, a ʋ naaŋmɩn-ƴɛ̀r-manɛ ƴɛ̀rʋ a ɩ̃ ƴãw bɛ dãw ɩ vla ɩ, faa mɩ́ n'a kʋralɛ.» A Zozafatɩ tɩ yel'ɩ a Akab: «Ta ƴɛ̀rɛ à à ŋa ɩ!»

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Matie 21:15

A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ na tɩ nyɛ̃ a nɔ-ɓãa-yele ʋ na maalɩ a, nɩ a bibiir na tɩ cáarɛ a Ŋmɩn-yir-kpɛ̃ɛ pʋɔ yere nɩ kɛ́: «Ozaana a Daviir bidɛb a», a tɩ ɩ na mɛ̃ bɛ ɩ ŋmɩn a.

Matie 7:28

A Yeezu na tɩ ƴɛ̀r a ƴɛ̀rʋ á ŋá za baarɩ a, nʋɔr tɩ ɓãá nɩ a zu-sɛbla a ʋ wulu ƴãw.

Markɩ 1:22

A ʋ kanʋ tɩ ɓãá bɛ nɩ nʋɔr, bʋ̃ʋ n'ʋ vɛ̃, nɩr na tɛr fãw a kanʋ tɩ n'a, ʋ bɛ tɩ kanɛ nɩ bɛ mɛ̃ a Naaŋmɩn wulu sɛ-sɛbrbɛ a ɩ.

Markɩ 11:32

Ɛcɛ tɩ na sàw na yel: “Nɩsaalbɛ zie n'a ʋ yi i?”» Bɛ tɩ zɔrɛ nɩ a zu-sɛbla dɛ̃bɩ̃ɛ. A nɩbɛ za zie a, a Zã tɩ sɩrɩ na ɩ naaŋmɩn-ƴɛ̀r-manɛ.

Markɩ 12:12

A Zifʋ mɩnɛ Nɩ-kore tɩ bɔbr'ɩ a Yeezu nyɔwfʋ, ɛcɛ bɛ tɩ zɔrɛ nɩ a zu-sɛbla dɛ̃bɩ̃ɛ. Bɛ tɩ bãwnɩ a na kɛ́ bɛlɛ nɛbɛ ʋ lɔb a zʋkpar ŋa jɩɛr'ɩ. Bɛ tɩ bɛr ʋ na ɛ́ tɔlɛ cere.

Markɩ 3:6

Bɛ na tɩ yi a puoru-dĩó a, a Faarizɩ̃ɛ mɩnɛ nɩ a Erɔdɩ nɩbɛ tɩ wõ n taa daadaalɛ, a lɛ bɛ na na ɩ kʋ a Yeezu a.

Markɩ 6:20

Bʋ̃ʋ n'ʋ vɛ̃, a Erɔdɩ tɩ zɔrɛ nɩ a Zã, ʋ tɩ bãwnɩ a na ʋ na ɩ nɩ-mɩŋa nɩ nɩ-sõw a, ɛ́ ʋ bɛ tɩ sàwr ʋ ƴãw ɛ. Ʋlɛ wa tɩ bɛrɛ wone a Zã ƴɛ̀rʋ a, ʋ bɛ mɩ́ bãw lɛ za ʋ na na yel a ɩ, ɛ́ mɩ́ tɩ cãà nɔnɛ a ʋ ƴɛ̀rʋ bɛr-wob.

Luka 19:47

Bibir za, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ. A bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, tɩ bɔbr'ɩ a ʋ kʋb.

Luka 2:47

A bɛlɩ dem za na tɩ wone a ʋ ƴɛ̀rʋ a, mɩ́ tɩ nyɔw nɩ nʋɔr, a yã ʋ na tɩ bãw a ƴãw, nɩ a sɔwfʋ ʋ na mɩ́ tɩ sɔw a ƴãw.

Luka 20:19

A Naaŋmɩn wulu sɛ-sɛbrbɛ nɩ a bàwr-maal-nɩ-bɛrɛ tɩ bɔbr'ɩ a Yeezu nyɔwfʋ a pɛr nɛ pʋɔ, ɛcɛ bɛ tɩ zɔ n a nɩbɛ dɛ̃bɩ̃ɛ. Bɛ tɩ bãwnɩ a na bɛlɛ na nɛbɛ ʋ lɔb a zʋkpar jɩɛr'ɩ a.

Luka 4:22

A nɩbɛ za tɩ pore nɩ a ʋ yo-vla, ɛ́ mɩ́ tɩ nyɔw nʋɔr a ƴɛ̀r-vɩɛlɩ na tɩ yire a ʋ nʋɔrɩ́ a ƴãw, ɛ́ tɩ sowre: «A Zuzɛb bidɛb bɛ n'ɩ à ŋà ɩ?»

Zã 7:1

Al pùorí, a Yeezu tɩ cɔlɛ nɩ a Galile. Ʋ bɛ tɩ sàw cɔlɛ a Zude tẽw ɛ, a Zifʋ mɩnɛ na tɩ bɔbr a ʋ kʋb a ƴãw.

Zã 7:19

Moyiir bɛ tʋ̃ɔ́ n'ʋ kʋ̀ nyɩ a Naaŋmɩn wulu ɛ? Ɛcɛ nyɩ been kãw za bɛ tuur a Naaŋmɩn wulu ɛ, bʋ̃ʋ n'ʋ so nyɩ bɔbr a ɩ̃ kʋb?»

Zã 7:46

A Ŋmɩn-yir-kpɛ̃ɛ gùrbɛ tɩ sɔw na: «Nɩsaalɛ za bɛ dãw ƴɛ̀r mɛ̃ a nɩr ŋa a ɩ!»

Nɩ-toni 24:25

Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.»