Malasɩ 3:8 - A SƐB-SÕW

⁸ Ɩ̃ sɔwr nyɩ na: Nɩsaal na tʋ̃ɔ́ na bɛlɩ Naaŋmɩn ɩ? Ɛcɛ, nyɩ bɛlɛ mɛ̃ na. Ɛ́ nyɩ lɛb sowre mɛ̃: “Nyɩn lowr'a tɩ bɛlɩ fʋ?” Ɩ̃ sɔw nyɩ: A nyɩ bʋ̃-tɛrɩ ziir pie sob, nɩ a nyɩ de-kʋ̀b bome tɩrʋ pʋɔ n'a.

Malasɩ 3:8 ပူးပေါင်းရင်းမြစ်များ

Sɛb-sõw yielu 29:2

Nyɩ wa íre a Sore yúor, nyɩ mɩ́ gbĩ dume gũu tɩ tɔ tẽw a ʋ niŋé, a lɛn daar ʋ na mɩ́ wul a ʋ sonu a.

Zʋkpaɩ 11:24

Bɛ mɩnɛ mɩ́ tɩrɛ nɩ yaga ɛ́ kpɩɛr naalʋ dɔwlɛ, ɛ́ bɛ mɩnɛ gbɔbr bine yaga zuo ɛ́ lɩɛbɛ nan dem.

Ɩzayi 43:23

Ɛcɛ fʋ bɛ wa n péli wa maal'ɩ bàwr kʋ̀ m ɛ, fʋ bɛ kʋ a k'ɩ̃ɩ nyɛ̃ yúor-vɩɛlʋ-danʋ ɛ. Ɩ̃ bɛ fɛr fʋ bʋ̃-kʋ̀rɩ ƴãw ɩ fʋ ɩ gbãgbaa ɩ. Ɩ̃ bɛ bàl fʋ, sowri fʋ tɩ-suur-zɔ̃-na-nyùur-vla-vla-a ɩ.

Levitɩ mɩnɛ 19:25

Nyɩ na tʋ̃ɔ́ na dɩrɛ a wɔmɛ a yome anũu sob. À ŋá n'a a nyɩ bʋ̃-dieri na dɔwlɛ cere. Mãa n'ɩ a Sore nyɩ Naaŋmɩn.»

Zakari 5:3

Lɛ n'a ʋ tɩ yel mɛ̃: «A ŋmɛ-ƴãw na na páw a tẽw za a n'ʋ: bɛ sɛb'ɩ a sɛbɛ na pili a, lõbowr kãw, kɛ́ bɛ na diw nɩ a nyãnyuwr za bɛr a tẽw pʋɔ, ɛ́ sɛb a lõbowr ƴen sob, kɛ́ bɛ mɩ̀ na diw nɩ a bɛlɩ dem za na mɩ́ pɔ ɛ́ bɛ ír a bɛ pɔɛ a, bɛr a tẽw pʋɔ.

Malasɩ 1:13

Nyɩ mɩ̀ mɩ́ yere na: “Nyɛ̃ niw-sʋba a!” Nyɩ bɛ bʋɔlɛ mɛ̃ nɩr ɛ, a mãa, a Sore Kpɛnʋ-za-sob! Nyɩ mɩ́ wa n nɩ dʋ̃-zuri, dʋn na cɛwrɛ a, bɩɩ dʋ̃-bàalbɛ kɛ́ nyɩ wa kʋ̀ m. Ŋmɩŋmɩn n'a ɩ̃ na tʋ̃ɔ́ sàw de a de-kʋ̀b bome á ŋá taabɛ a nyɩ nũú? Nyɩmɛ nɛbɛ ɩ̃ sowre.

Malasɩ 1:8

A dʋ̃-zɔ̃w nyɩ na mɩ́ nyɔw maal'ɩ a bàwr kʋ̀ m a, a vɩɛl'a a? Nyɩ na mɩ́ wa wa n a kãw ʋ cɛwrɛ bɩɩ ɩ bàal a, a mɩ́ vɩɛl'a a? Nyɩ cen nɩ a dʋ̃w ŋa tɔ tɩ kʋ̀ a nyɩ na-kpɛ̃ɛ-lɩɛrɛ kɛ́ nyɛ̃! Nʋ̃ɔ̀ na kpɩɛr ʋ na a? Ʋ na jɩ́r nyɩ na kaa a? Mãa n'ʋ sowre nyɩ, mãa, a Sore Kpɛnʋ-za-sob.

Matie 22:21

Bɛ tɩ sɔw na: «Sezaar dem'a.» Lɛ n'a ʋ tɩ yel bɛ: «A na ɩ à ŋá a, nyɩ mɩ́ kʋ̀ a Sezaar a ʋ bome, ɛ́ mɩ̀ kʋ̀ a Naaŋmɩn a ʋ dem.»

Markɩ 12:17

Lɛ n'a a Yeezu tɩ yel bɛ: «Nyɩ kʋ̀ a Sezaar a ʋ bome, ɛ́ kʋ̀ a Naaŋmɩn a ʋ dem.» A ʋ sɔwfʋ ŋa tɩ ɓãá bɛ nɩ nʋɔr.

Luka 20:25

A Yeezu yel bɛ: «Ɛ́ lɛ̀ɛ, nyɩ kʋ̀ a Sezaar a alɩ bome nɛ ʋ na so a, ɛ́ kʋ̀ a Naaŋmɩn alɩ bome nɛ a Naaŋmɩn na so a.»

Ʋrɔm 13:7

Nyɩ mɩ́ kʋ̀ ŋa za a ʋlɩ bom a na fɛr kɛ́ nyɩ kʋ̀ ʋ a: a zuru-yar, a sob nɛ na dier a zuru-yar a, a bome a mɩnɛ samɛ, a bɛlɩ dem na dier a samɛ á ŋá libie a, a zɔba, a sob nɛ a na fɛr kɛ́ nyɩ zɔrɛ a, a ƴãwfʋ, a sob nɛ a na fɛr kɛ́ nyɩ ƴãwnɛ a.

Ʋrɔm 2:22

Fʋ̃ʋ na yere kɛ́ bɛ ta maalɛ pɔw-gaa-yel-bier a, bʋ̃ʋ n'ʋ so fʋ maalɛ a pɔw-gaa-yel-bier? Fʋ̃ʋ na hɩ̃ɛn a tɩbɛ a, bʋ̃ʋ n'ʋ so fʋ wobr a tɩbɛ diru pʋɔ bome?

Zozue 7:11

A Ɩsɩrayɛl nɩbɛ maal'ɩ yel-bier. Sɩza, bɛ sãw nɩ a wõ-taa ɩ̃ na tɩ ƴãw kʋ̀ bɛ a bɛr. Bɛ de nɩ a bome na ciir a, mɔ̃ mɩ̀ bɛ zu n a mɩnɛ de a ƴãw a bɛ mɩŋa bʋ̃-sori pʋɔ sɔwlɩ.