Malasɩ 3:6 - A SƐB-SÕW

⁶ «A mãa Sore, ɩ̃ bɛ lɩɛbɛ ɩ. Ɛcɛ a nyɩɩm a, nyɩ cãà na ɩ a Zakɔb bibiir.

Malasɩ 3:6 ပူးပေါင်းရင်းမြစ်များ

Yele-za-pɛr-tib 15:18

A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man.

Yele-za-pɛr-tib 15:7

Ʋ tɩ yel ʋ na: «Mãa n'ɩ a Sore na ɩ fʋ yi kɛ́ bɛr a Uur na be a Kalde a, k'ɩ̃ɩ wa kʋ̀ b a tẽw ŋa fʋ so ʋ.»

Yele-za-pɛr-tib 22:16

yel ʋ: «À ŋá n'a a Sore yere: Fʋ na ɩ à à ŋá, bɛ sɩb mɛ̃ a fʋ bidɛb-been a, mãa bɛ wa ɩ a Naaŋmɩn a n'a, alɛ bɛ ɩ lɛ, ɩ̃ pɔrɛ na

Sɛb-sõw yielu 102:26

Fʋ̃ʋ n'ʋ ír a tẽw a koro za, ɛ́ a fʋ nuru n'a maalɩ a salom.

Sɛb-sõw yielu 102:27

Al na wɛ na, ɛcɛ fʋ̃ʋ be n be. A tẽw nɩ a salom na zaw na mɛ̃ kparʋ a, fʋ na lɩɛr'a na mɛ̃ kparʋ a, ɛ́ a na bɛr'ɩ a zie.

Sɛb-sõw yielu 102:28

Ɛcɛ fʋ̃ʋ ŋmɛ̃ n fʋ ŋmɛ̃a, ɛ́ a fʋ yome bɛ tɛr baarʋ daar ɛ.

Sɛb-sõw yielu 103:17

Ɛcɛ a Sore nɔ̃wfʋ be n be koro kãw za, ɛ́ na be be kʋralɛ a bɛlɩ dem na zɔrɛ ʋ a zie. Ɛ́ a ʋ mɩnʋ be a bɛ bibiir bibiir ƴãw,

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 78:57

Bɛ tɩ lo n sɔr-faa mɛ̃ a bɛ sãàkʋm-kore a, bɛ bɛ tɩ tu a Naaŋmɩn ɛ, ɛ́ ƴaw lɩɛbɩ mɛ̃ tam na pʋnɩ a.

Ɩzayi 41:13

Bʋ̃ʋ n'ʋ vɛ̃, a mãa Sore a, ɩ̃ ɩ n a fʋ Naaŋmɩn. Ɩ̃ nyɔw fʋ nɩ a dʋrʋ nũú. Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ, ɩ̃ waar'ɩ a fʋ sõwfʋ.»

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 46:4

Ɩ̃ na ŋmɛ̃ n ɩ̃ ŋmɛ̃a tɩ ta a nyɩ koru daar. Ɩ̃ na tɩɛ nyɩ na tɩ ta a nyɩ zukɔbr-pɛlɛ daar. Mãa n'ʋ maalɩ nyɩ, mãa n'ʋ na tɛr nyɩ. Ɩ̃ na kaa nɩ a nyɩ zie, ɩ̃ɩ na faa nyɩ na.

Zeremi 32:27

A mãa, a Sore a, mãa n'ɩ bʋ̃-vʋʋrɩ za Naaŋmɩn. Bom be n be kpɛmɛ zuo a ɩ̃ zie e?

A naaŋmɩn-ƴèr-manɛ Oze sɛbɛ 11:9

Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»

Habakukɩ 1:12

A pɛr-tib daar za, fʋ̃ʋ n'ɩ a Sore, fʋ ɩ n a ɩ̃ Naaŋmɩn, na ɩ sõw ɛ́ bɛ tɛr kũu daar a. Sore e, fʋ̃ʋ ɩ̃ pìir na gùre mɛ̃ a, fʋ kaa na ír a nɩ-bʋʋrɛ bɛ ŋa, a Babɩlɔn tẽw dem, ɩ kɛ̀ bɛ kpɛmɛ, kɛ́ bɛ tʋ̃ɔ́ tu a lɛ fʋ na dɩ n tɩ a ƴɛ̀rʋ bin a.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Ebre 13:8

A Yeezu Kɩrɩta been n'ʋ, a zãa nɩ a dɩ̃a, nɩ a yome za.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Yel-wula 22:13

Mãa n'ɩ a Alfa nɩ a Omega, a niw-diere nɩ a po-pàwrɛ, a pɛr-tib nɩ a baarʋ.»

1 Samɩɛl 15:29

A Sore na ɩ a Ɩsɩrayɛl yúor-vɩɛlʋ-danʋ a bɛ ŋmarɛ ziri ɛ, bɛ tɛr ƴɛ̀r-nɛ́ɛ ayi mɛ̃ nɩsaal a ɩ.»