Malasɩ 3:17 - A SƐB-SÕW

¹⁷ Al pùorí, a Sore kpɛnʋ-za-sob tɩ yel: «A bibir ʋl ɩ̃ na cɔbrɛ a vɩɛfʋ daar a, bɛ na ɩ n a ɩ̃ nɩ-sori, a ɩ̃ nɩ-bʋʋrɛ ɩ̃ na so a. Ɩ̃ na zɔ n bɛ nɩbaalʋ, mɛ̃ sãà na zɔrɛ a ʋ bie, na tone a ʋ tome a, nɩbaalʋ a.

Malasɩ 3:17 ပူးပေါင်းရင်းမြစ်များ

Neemi 13:22

Lɛ n'a ɩ̃ tɩ ƴãw k'aa levitɩ mɩnɛ so a bɛ dɛwr bɛr, ɛ́ cen tɩ piwre a tẽw dɩ̃dɛɛ, k'aa nɩbɛ tʋ̃ɔ́ mɩ́ de a pɩ̃ɛnʋ-bibir ʋ ɩ bibi-sõw. «Ɩ̃ Naaŋmɩn i, cãà bãwnɩ mɛ̃, à á ŋá ƴãw mɩ̀. Zɔ ɩ̃ nɩbaalʋ a fʋ nɔ̃wfʋ na bɛrmɛ a ƴãw!»

Sɛb-sõw yielu 115:13

— Ʋ na maal'ɩ a bɛlɩ dem za na zɔrɛ ʋ a, a pʋrmɛ lãwnɩ a bɛrɛ.

Sɛb-sõw yielu 135:4

A Sore kaa na ír a Zakɔb a ʋl mɩŋa ƴãw, ʋ ɩ na a Ɩsɩrayɛl lɩɛbɩ a ʋ bʋ̃-sora mɩŋa.

Eziptɩ tẽw yib 19:5

Ƴɛrɛŋa a, nyɩmɛ wa wone a ɩ̃ ƴɛ̀rʋ, ɛ́ tɛr a ɩ̃ wõ-taa vla a, nyɩ na ɩ na mɛ̃ na-bom a a ɩ̃ zie, a nɩ-bʋʋrɛ za pʋɔ. Bʋ̃ʋ n'ʋ vɛ̃, mãa so a tẽ-daa za,

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

A Yielu za pʋɔ yiel-vla vla 2:16

Ɩ̃ so nɩ a ɩ̃ nɩ-nɔna, ʋʋ mɩ̀ so m. Ʋ àr'ɩ nɩ a ʋ dʋn a lisɩ mɔ̃-puuru pʋɔ.

Ɩzayi 4:2

A ʋlɩ bibir nɛ a, a ʋlɩ bom nɛ a Sore na na ɩ ʋ bul a, na ɩ n a ƴãwfʋ nɩ a yúor-vɩɛlʋ-danʋ. Ɛ́ a ʋlɩ bom nɛ a tẽw na na tɩr a, ɩ a Ɩsɩrayɛl nɩbɛ na cɛ a nyʋ̀ʋ́r nɩ a bɛ yúor.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɩzayi 43:21

A nɩ-bʋʋrɛ bɛ ŋa ɩ̃ na cɔbrɩ a ɩ̃ ƴãw a na yiele nɩ a ɩ̃ danʋ.»

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Sofoni 2:2

ɛ́ wa bãw ɩ mɛ̃ a ùr na mɩ́ bɔr bibi-been a, ɛ́ a Sore su-tʋlʋ-kpãkpã wa bãw páw nyɩ, ɛ́ a bibir ʋl a suur ŋa na na ìr a, wa bãw vɩɛ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Zã 17:24

Ɩ̃ Sãà a, a bɛlɩ dem fʋ na kʋ̀ m a, ɩ̃ bɔbr'a kɛ́ a be ɩ̃ na be a, bɛ mɩ̀ be a be lãwnɩ mɛ̃, ɛ́ nyɛ̃ a ɩ̃ yúor-vɩɛlʋ-danʋ, a yúor-vɩɛlʋ-danʋ ʋl fʋ na kʋ̀ m a, a fʋ na tɩ nɔ̃w mɛ̃ ɛ́ bɛ ír a tẽ-daa sɛr a ƴãw.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

1 Korɛ̃tɩ 15:23

ŋa za a ʋ pal pʋɔ: a dãw-niwn sob n'ɩ a Kɩrɩta, al pùorí a bɛlɩ dem na na ɩ a Kɩrɩta nɩ-sori a ʋ lɛb-waa daar a.

1 Korɛ̃tɩ 6:20

Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.

2 Korɛ̃tɩ 6:18

Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

Wulu-ayi-sob 14:2

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore na sʋ̃ɔmɩ bul so a. Nyɩmɛ nɛbɛ ʋ kaa ír a tẽw zu nɩ-bʋʋrɛ za pʋɔ, kɛ́ nyɩ ɩ a ʋ na-bom.

Wulu-ayi-sob 7:6

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore nyɩ Naaŋmɩn na so a. Nyɩmɛ nɛbɛ a Sore kaa ír, a tẽw zu nɩ-bʋʋrɛ za pʋɔ, kɛ́ nyɩ ɩ nɩ-bʋʋrɛ ʋ na sʋ̃ɔmɩ bul so a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.