Malasɩ 3:16 - A SƐB-SÕW

¹⁶ À à ŋá n'a a bɛlɩ dem na zɔrɛ a Sore a, tɩ ƴɛ̀rɛ sɔwr taa. A Sore tɩ cɛlɩ nɩ be bɛr wõ bɛ. A bɛlɩ dem na zɔrɛ a Sore ɛ́ ƴãwnɛ ʋ a, bɛ tɩ sɛb'ɩ a bɛ yée ƴãw sɛbɛ pʋɔ a ʋ niŋé.

Malasɩ 3:16 ပူးပေါင်းရင်းမြစ်များ

Yele-za-pɛr-tib 22:12

A Sore malkɩ lɛb yel ʋ: «Taa zɛwr nũu tʋɔr'ɩ a bie ɩ, taa ɩrɛ ʋ bom za ɩ. Ɩ̃ pãa bãwnɩ a nɩ ƴɛrɛŋa kɛ́ fʋ zɔrɛ mɛ̃ na, fʋ na bɛ sɩb mɛ̃ a fʋ bidɛb-been a.»

2 Samɩɛl 7:1

A nãà Daviir tɩ kpɛ n a ʋ yir baarɩ, ɛ́ a Sore faa ʋ a dɔ̃ dem na viiri koli a ʋ naalʋ-tẽw a nuru pʋɔ, ʋʋ tɛr ƴã-ɓaarʋ.

1 Na-mɩnɛ 18:12

Ɛcɛ mãa dɛ wa bɛrɛ fʋ wa báarɛ a, a Sore Vʋʋrʋ na ɓáw fʋ na cen nɩ be ɩ̃ na bɛ bãw a. Mãa na cen na tɩ yel a yele kʋ̀ a Akab, ʋ kʋ̃ nyɛ̃ b ɛ, ɛ́ ƴãw bɛ kʋ m. Ɛcɛ a ɩ̃ pɔ̀lʋ daarɩ́ za n'a ɩ̃ ƴãwnɛ a Sore.

1 Na-mɩnɛ 18:3

A Akab tɩ bʋɔl'ɩ a ʋ nãà yir tõ-tõ-nɩ-kpɛ̃ɛ Ovadɩa. A Ovadɩa ŋa tɩ ƴãwnɛ nɩ a Sore yaga za:

2 Bibie za yel-manɩ 6:7

Zɩ̃ kɛ́ a ɩ̃ sãà Daviir tɩ tɩɛrɛ na k'ʋʋ ŋmãa Ŋmɩn-yir-kpɛ̃ɛ, a Sore, a Ɩsɩrayɛl Naaŋmɩn na na so a.

Neemi 1:11

Sore e, ɩ̃ zɛlɛ fʋ nɩ yãayãa, cɛlɛ be, bɛr wõ a ɩ̃ puoru, mɩ̀ bɛr wõ a fʋ tõ-tõ-biir na nɔnɛ a fʋ ƴãwfʋ a puoru. Ɩ a yele tu vla a ɩ̃ zie, ɛ́ sàw a nãà pʋɔ pɛlɩ a ɩ̃ ƴãw.» Ɩ̃ tɩ ɩ n a nãà dã-pʋrɛ a lɛn daar.

A Zɔb sɛbɛ 28:28

Al pùorí, ʋ tɩ yel'ɩ a nɩsaal: «A zɔrɛ-a-Sore n'ɩ a Yã-bãwfʋ! A ta-pɩɛlɛ-yel-faa n'ɩ a yã!»

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 104:33

Ɩ̃ na yiele nɩ a Sore ƴãw a ɩ̃ nyɔ-vʋʋrʋ daar za, ɩ̃ na yiele na danɛ nɩ a ɩ̃ Naaŋmɩn, a ɩ̃ cãafʋ daar za.

Sɛb-sõw yielu 111:10

A yã-bãwfʋ tib zie n'ɩ a Sore zɔba. Bɛlɩ dem za na sàwr a ʋ nɛ́ɛ a sɩrɩ na ɩ yã-bãwnbɛ. A Sore danʋ be n be kʋralɛ.

Sɛb-sõw yielu 115:13

— Ʋ na maal'ɩ a bɛlɩ dem za na zɔrɛ ʋ a, a pʋrmɛ lãwnɩ a bɛrɛ.

Sɛb-sõw yielu 119:63

A bɛlɩ dem za na zɔrɛ fʋ ɛ́ tuur a tub fʋ na bin a, ɩ̃ ɩ n a bɛ tɔ.

Sɛb-sõw yielu 139:4

Ɩ̃ bɛ mɩ́ háa a nʋɔr sɛr ɛ, ɛ́ fʋ de niwn bãw a lɛ za ɩ̃ na na yel a.

Sɛb-sõw yielu 147:11

a Sore pʋɔ mɩ́ pɛlɩ nɩ a bɛlɩ dem na zɔrɛ ʋ a ƴãw, a bɛlɩ dem na mɩ́ tɩɛrɛ a ʋ nɔ̃wfʋ a.

Sɛb-sõw yielu 16:3

A fʋ nɩbɛ na be a tẽw pʋɔ a, bɛlɛ nɛbɛ ɩ a nɩ-sɩza mɩnɛ ɩ̃ ƴãwnɛ.

Sɛb-sõw yielu 20:7

Ƴɛrɛŋa a, ɩ̃ bãwnɩ a na, a Sore sõwne nɩ a ʋ nɩ-kabra, ʋ be n a ʋ zi-sõw pʋɔ a salom zu, ɛ́ sɔwr ʋ, a ʋ dʋrʋ nũu tone nɩ gãda-tome a ʋ faafʋ ƴãw.

Sɛb-sõw yielu 33:18

Ɛcɛ a Sore jɩ́rɛ nɩ a bɛlɩ dem na zɔrɛ ʋ a, a bɛlɩ dem na ƴãw a bɛ tɩɛrʋ a ʋ nɔ̃wfʋ ƴãw a,

Sɛb-sõw yielu 34:15

Ʋ dɛrɛ a faa, ɛ́ maalɛ a vla, ʋ su zu bɔbr a ƴã-ɓaarʋ.

Sɛb-sõw yielu 56:8

A ɩ-faa ŋa ƴãw, bɛ ɩ ŋmɩn cɩ̃ɛ? Naaŋmɩn i, nyɔw a nɩbɛ bɛ ŋa nɩ suur lɔb tẽw!

Sɛb-sõw yielu 56:9

Fʋ sɔr'ɩ a ɩ̃ nɩ-yʋɔra gbɛ-ceni. Cɔw a ɩ̃ mʋta-kʋ̃ɔ ƴãw a fʋ wɔ-gbãw pʋɔ, mɛ̃ a taa sɛb ƴãw a fʋ sɛbɛ pʋɔ!

Sɛb-sõw yielu 66:16

Nyɩ wa, nyɩɩm za na zɔrɛ a Naaŋmɩn a, nyɩ wa bɛr wõ, ɩ̃ manɩ a ʋlɩ bom nɛ ʋ na ɩ a ɩ̃ ƴãw a.

Sɛb-sõw yielu 94:19

A tɩɛrʋ na mɩ́ tɩ zuo mɛ̃ a, a fʋ mɔwlʋ mɩ́ ɩ m'ɩ nʋ̃ɔ̀.

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

Zʋkpaɩ 13:20

Nɩr na tuur yã-bãwnbɛ a na lɩɛb'ɩ yã-bãwnɛ, ɛcɛ nɩr na dɛnɛ nɩ a dãbole a, a na wõ ʋ na.

Ɩzayi 26:3

Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Ɩzayi 26:8

Sɩza n'a, Sore e, a sɔ́r fʋ na yel kɛ́ tɩ tuur a zu a, tɩ mɩ́ ƴãw nɩ a tɩ tɩɛrʋ a fʋ ƴãw. A ʋlɩ bom nɛ tɩ na bɔbr a n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.

Ɩzayi 4:3

Lɛ n'a a bɛlɩ dem na na cãà be a Zerizalɛm a, a bɛl na na cãà vʋʋrɛ a Sɩyɔ̃ a, bɛ na bʋɔlɛ bɛ “Sore nɩ-sori”. A bɛlɩ dem za, a Zerizalɛm, a Sore na sɛb ƴãw a ʋ sɛbɛ pʋɔ kɛ́ bɛ vʋʋrɛ a nɛbɛ.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Ɩzayi 65:6

Ɛcɛ ɩ sɛb'ɩ à á ŋá za. Ɩ̃ bɛ ɩrɛ gbili ɛ, ɩ̃ɩ na ɩ na bɛ ya

Zeremi 31:18

Ɩ̃ sɩrɩ na wõ a Efarayim tẽw nɩbɛ na kone zɛbr yere nɩ a: “Sore e, fʋ kpãa tɩ nɩ faa faa, mɛ̃ a lɛ bɛ na mɩ́ dɔwrɩ nadɛr-pɔl na bɛ sàwr cere a. Ɛcɛ ɩ tɩ lɛb wa a fʋ zie, kɛ̀ tɩ tʋ̃ɔ́ sɩrɩ lɛb wa a fʋ zie. Bʋ̃ʋ n'ʋ vɛ̃, a fʋ̃ʋ a, Sore e, fʋ̃ʋ n'ɩ a tɩ Naaŋmɩn.

Zeremi 8:6

Ɩ̃ bɛr'a wõ a lɛ bɛ na yere a vla vla: a lɛ za bɛ na yere a bɛ tɛr pɛr ɛ. A bɛ kãw za bɛ bɛr a ʋ ɩ-faar ɛ, ɛ́ bɛ sowre ʋ tʋɔra: “Bʋ̃ʋ n'ɩ à ŋá ɩ̃ na ɩ a?” Ŋa za mɩ́ lɛb'a nyɔw a zɔba, mɛ̃ wur na garɛ zɛbr zie a.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Luka 2:38

Ʋ na tɩ ta a be a ʋlɩ tɛm nɛ tɔr za pʋɔ a, ʋ danɛ nɩ a Naaŋmɩn ɛ́ manɛ a bie yele kʋ̀rɛ a bɛlɩ dem za na tɩ gùre a Zerizalɛm faafʋ a.

Nɩ-toni 1:13

Bɛ na tɩ lɛb wa a, bɛ do n a bɔwpɩɛ pʋɔ na tɩ ɩ a bɛ beba zie a. Pɩɛr, Zã, Zakɩ nɩ Ãdere, Filib nɩ Toma, Batelemi nɩ Matie, Alfe bidɛb Zakɩ nɩ Sɩmʋ̃ Zelɔtɩ nɩ Zakɩ bidɛb Zuda tɩ nɛbɛ.

Nɩ-toni 10:2

Ʋlɛ nɩ a ʋ yir dem za tɩ zɔrɛ na ɛ́ ƴãwnɛ a Naaŋmɩn. Ʋ tɩ sõwne nɩ a Zifʋ mɩnɛ nɩ-kɔmɛ bɛ dɩ vuo ɩ, ɛ́ puore a Naaŋmɩn kʋralɛ.

Nɩ-toni 2:1

A Pãtɩkɔtɩ cuw bibir na wa vɩɛ a, a yɛbr tɩ ɓã n taa bɛ za zi-been.

Nɩ-toni 9:31

A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.

Efɛɛzɩ 5:19

Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za.

1 Tesalonikɩ 5:11

Lɛ so, nyɩ mɔwlɛ taa a sàw-deb pʋɔ, mɛ̃ a lɛ nyɩ na ɩrɛ baar'a.

1 Tesalonikɩ 5:14

Yɛbr i, tɩ kpaalɛ nyɩ na: nyɩ kpãanɛ a ƴã-to-dem, nyɩ mɩ́ yel a bɛlɩ dem na zɔrɛ dɛ̃bɩ̃ɛ a, kɛ́ bɛ ƴãw fãw bɛr a dɛ̃bɩ̃ɛ, nyɩ sõwne a bãbàalbɛ, nyɩ tɛr su-nyɔwra a nɩbɛ za zie.

Ebre 10:24

Nyɩ ɩ tɩ kaarɛ taa zie, tʋ̃ɔ́ sɩ̃wnɛ taa tɩɛrʋ a nɔ̃wfʋ ƴãw nɩ a ɩ-vɩɛlɩ maalʋ ƴãw.

Ebre 12:15

Nyɩ gù vla nɩr za taa gùre pùor cɔwr a Naaŋmɩn maalʋ ɛ, nɩr za taa wa ɩ mɛ̃ tɩ-nyɩwr-tuo na bule sãwnɛ nɩ-yaga bɛrɛ a ɩ.

Ebre 3:13

A na ɩ lɛ a, a «Dɩ̃a bibir» ŋa yúor na cãà pore a, nyɩ kpaalɛ taa bibir za, k'aa yel-bier taa wa bɛlɩ a nyɩ been kãw za ʋ kpãa tobr ɛ.

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Yel-wula 20:12

Al pùorí, ɩ̃ tɩ nyɛ̃ nɩ a kũuni, a bɛrɛ nɩ a pʋrmɛ, bɛ àr a naalʋ-dà-kɔw niŋé, ɛ́ sɛbr yuori. Bɛ tɩ lɛb'a yuo sɛbɛ ƴen sob, a nyɔ-vʋʋrʋ sɛbɛ, ɛ́ maal'ɩ a kũuni a ƴɛ̀rʋ tu n a bɛ ɩ-ɩrɩ na sɛb ƴãw a sɛbr pʋɔ a.