Malasɩ 3:10 - A SƐB-SÕW

¹⁰ Nyɩ wa n a nyɩ bʋ̃-tɛrɩ ziir pie sob ʋ za, a bʋ̃-bini dĩó, kɛ̀ bʋ̃-dɩrɩ mɩ́ be a ɩ̃ yir-kpɛ̃ɛ pʋɔ kʋralɛ. A mãa, a Sore kpɛnʋ-za-sob, mãa n'ʋ yere: nyɩ ɩ m kaa a ka lowr ɛ́ nyɛ̃, mãa bɛ wa yuo a salom kʋ̃ɔnɩ kʋ̀ nyɩ a, mãa bɛ wa paalɩ nyɩ nɩ maalʋ tɩ gʋ̀r bɛr a.

Malasɩ 3:10 ပူးပေါင်းရင်းမြစ်များ

Yele-za-pɛr-tib 28:22

A kʋsɩɛr ŋa ɩ̃ na bin teli ɛ́ maalɩ a na ɩ n Naaŋmɩn yir, ɛ́ a alɩ bome nɛ za a Naaŋmɩn na na kʋ̀rɛ mɛ̃ a, ɩ̃ na mɩ́ kʋ̀ ʋ nɩ a ziir pie sob.»

Yele-za-pɛr-tib 7:11

A Nowe yome kɔbr ayʋɔb (600) daar, a cuwr ayi sob, a bibie pie nɩ ayopõi sob daar, a tẽsɔw pʋ̃ɔmɩ kʋ̃ɔnɩ tɩ tɛbr a yire nɩ fãw a bul-nɛ́ɛ za ƴãw, ɛ́ a salom zu kʋ̃ɔnɩ tu-yib-ziir yuo yuo.

2 Na-mɩnɛ 7:19

A nãà sojarɩ nɩ-kpɛ̃ɛ tɩ sowr'ɩ a lɛn daar: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize tɩ sɔw na: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

1 Bibie za yel-manɩ 26:20

Levitɩ bɛ mɩnɛ tɩ so a Sore Ŋmɩn-yir-kpɛ̃ɛ na-bome nɩ a bʋ̃-son bɛ na de kʋ̀ a Naaŋmɩn a kaafʋ.

Neemi 12:44

A lɛn daar mɩ̀ a, bɛ tɩ ƴãw nɩ nɩbɛ bɛ jɩ́rɛ a diru al pʋɔ bɛ na bin a tɩ-wɔ̃-dan, nɩ a bʋ̃-kʋ́ɔrɩ ziir pie sob a. A bʋ̃-dieri ŋmãa al a wulu na yel kɛ́ bɛ mɩ́ kʋ̀ a bàwr-maalbɛ nɩ a levitɩ mɩnɛ a, ɛ́ a mɩ́ yi a póru na jil koli a tẽ-bɛrɛ a pʋɔ a, alɛ n'a a mɩ́ tɩ fɛr k'aa nɩbɛ bɛ ŋa de bin a be. A Zuda nɩbɛ za pʋʋr tɩ pɛlɩ nɩ a bàwr-maalbɛ nɩ a levitɩ mɩnɛ tome ƴãw.

Neemi 12:47

A Zorobabɛl daar nɩ a Neemi daar a, a Ɩsɩrayɛl nɩbɛ mɩ́ tɩ kʋ̀ n a yiel-yielbɛ nɩ a dɩ̃dɔ-gùrbɛ a alɩ bome nɛ a na fɛr kɛ́ bɛ mɩ́ kʋ̀ bɛ a bibir za a. Bɛ mɩ̀ mɩ́ tɩ de nɩ a de-kʋ̀b bome a Naaŋmɩn na so a, kʋ̀ a levitɩ mɩnɛ, a levitɩ mɩnɛ mɩ̀ kʋ̀ a bàwr-maalbɛ, a Aarɔ̃ bʋʋrɛ, a bɛ dem.

Neemi 13:5

ʋ tɩ cɔbr'ɩ di-yɛlʋ kãw kʋ̀ ʋ, a be bɛ na tɩ bine a kukur de-kʋ̀b bome, a tɩ-suur-zɔ̃-na-nyùur-vla-vla-a, nɩ a Ŋmɩn-yir-kpɛ̃ɛ labɛ a, de nɩ a bome bɛ na mɩ́ kʋ̀ a bàwr-maalbɛ a, a ble, a divɛ̃-paala nɩ a kãá ziir pie sob, a levitɩ mɩnɛ, a yiel-yielbɛ nɩ a dɩ̃dɔ-gùrbɛ na mɩ́ so a.

Sɛb-sõw yielu 37:3

Ƴãw a fʋ tɩɛrʋ a Sore ƴãw ɛ́ ɩrɛ vla, lɛ n'a fʋ na kpɩɛr a tẽw ɛ́ tɛr ƴã-ɓaarʋ.

Sɛb-sõw yielu 78:23

Ɛcɛ ʋ tɩ ƴɛ̀r'ɩ a zũzuge zie, ʋ tɩ yuo nɩ a salom dɩ̃dɛɛ,

Ekilezɩasɩ 11:3

A Zũzuge wa paalɩ a kʋ̃ɔ a, a saa mɩ́ waar'a. Tɩɛ wa lo gʋba lowr bɩɩ dʋrʋ lowr a, a be ʋ na lo a n'a ʋ mɩ́ gã.

Ezekɩɛl 34:26

Ɩ̃ na bɛr a na a vʋʋrɛ pɩɛlɩ a ɩ̃ tãw-sõw. Ɩ̃ na mɩ́ ɩ n a saa wa a ʋ daar, ɛ́ a kʋ̃ɔ á ŋá na mɩ́ maalɩ a nɩ vla.

Ezekɩɛl 44:30

A bàwr-maalbɛ na mɩ́ so nɩ a bʋ̃-dieri bʋ̃-dan nɩ bom za bɛ na mɩ́ de a Ɩsɩrayɛl nɩbɛ tɛra pʋɔ kʋ̀ m a. A nɩbɛ na mɩ́ kʋ̀ bɛ nɩ a zɔ̃-vɩɛlɩ vɩɛlɩ zie k'ɩ̃ɩ tʋ̃ɔ́ maalɩ a bɛ yie.

A naaŋmɩn-ƴèr-manɛ Oze sɛbɛ 2:21

Ɩsɩrayɛl ɩ, ɩ̃ na ƴãw nɩ fʋ nɩ yúor na bɛ tɛr lɩɛb-bɛrʋ a. Mɩnʋ nɩ yel-na-tu-sɔr-a pʋɔ n'a, ɩ̃ na ƴãw nɩ fʋ a yúor. Nɔ̃wfʋ nɩ su-ɓaarʋ pʋɔ n'a, ɩ̃ na ƴãw nɩ fʋ a yúor.

Zowɛl 2:19

ɛ́ sɔw a bɛ puoru à ŋá: «Ɩ̃ na lɛb'a kʋ̀ nyɩ a ble, a divɛ̃ nɩ a kãá. Nyɩ na tɩ tɩw a na. Ɩ̃ kʋ̃ lɛb sàw towtow nyɩ ɩ nɩ-ɩ-laarɩ a nɩ-bʋʋr-yoru sɔgɔ ɩ.

Zowɛl 2:24

A bowe paal'ɩ ble, a dʋw-bɛrɛ paal'ɩ divɛ̃ nɩ kãá cire.

Levitɩ mɩnɛ 26:10

Nyɩ na mɩ́ de nɩ a bʋ̃-dieri yaga za, mɩ́ tɩ cãà tɛr bʋ̃-kore dɩrɛ. A na mɩ́ fɛr'a nyɩ yaw a bʋ̃-kore ɛ́ su a bʋ̃-paalɛ.

Levitɩ mɩnɛ 26:3

«Nyɩmɛ wa tuur a ɩ̃ wulu a, nyɩmɛ wa tɛr a ɩ̃ nɛ-ƴãwnɩ vla ɛ́ sàwr a a,

Levitɩ mɩnɛ 27:30

Bɛ na mɩ́ de nɩ a tẽsɔw bʋ̃-kʋ́ɔrɩ nɩ a tɩ-wɔmɛ ziir pie sob kʋ̀ a Sore. A al ʋ na so a n'a.

A naaŋmɩn-ƴɛ̀r-manɛ Aaze sɛbɛ 2:19

Bʋ̃-bir cãà nɩ a bowrí i? A divɛ̃ tɩɩr tɛɛ za, a kãkã-tɩɩr, nɩ a girenadɩ tɩɩr, nɩ a olivʋ tɩɩr bɛ wɔ̃ wɔm za ɩ. Ɛcɛ a na dɛ tĩ a dɩ̃a bibir a, ɩ̃ na maalɩ nyɩ na.»

Sɔr-nɛ́ɛ 18:21

A Sore tɩ yel'a ƴãw pʋɔ: «Nyɛ̃ a sã-ya ɩ̃ na kʋ̀rɛ a levitɩ mɩnɛ a tome bɛ na tone a tuor-taa pɛn-sɛw pʋɔ a ƴãw: ɩ̃ kʋ̀rɛ bɛ nɩ a tɛra ziir pie sob k'ʋʋ ɩ a bɛ dem, a pɛr lɛ k'aa bome al za a nɩbɛ na mɩ́ tõ páw a Ɩsɩrayɛl tẽw pʋɔ a ziir pie sob.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Wulu-ayi-sob 12:6

Be n'a nyɩ na mɩ́ wa n a nyɩ nyɩw-a-za-bagɛ nɩ a nyɩ lãw-taa bagɛ, a nyɩ tɛra ziir pie sob, a nyɩ nuru bome, a de-kʋ̀b bome nyɩ na nɔnɛ wa n a, bɩɩ nyɩ na wa n nʋɔr nyɩ na kõ a íru ƴãw a, de nɩ a nyɩ nĩi, a nyɩ píir nɩ a nyɩ bʋʋr bil-dãw-dɔwrɩ.

Wulu-ayi-sob 14:22

Yũon za a, nyɩ na mɩ́ ír'ɩ a nyɩ bʋ̃-kʋ́ɔrɩ tɛra ziir pie sob.

Wulu-ayi-sob 14:29

A bome á ŋá pʋɔ n'a a levitɩ mɩnɛ na bɛ tɛr tẽsɔw bɛ na põ ír kʋ̀ bɛ a nyɩ pʋɔ a na mɩ́ wa ɩ dɩ tɩw, bɛlɛ nɩ a nʋʋrɩ, a bi-kpebe nɩ a pɔw-kɔbɛ na kpɩɛr a nyɩ pʋɔ a. Lɛ n'a a Sore nyɩ Naaŋmɩn na mɩ́ maalɩ nyɩ a nyɩ tome za pʋɔ.

Wulu-ayi-sob 28:12

A Sore na yuo nɩ a salom kʋ̀ nyɩ, a be ʋ na maal bin a bʋ̃-sɩza ŋa na ɩ a kʋ̃ɔ a. Ʋ na mɩ́ ɩ na a saa wa a ʋ daar ƴãw a nyɩ tẽsɔw, ɛ́ a nyɩ tome za na mɩ́ maal'a. Nyɩ kʋ̃ tɛr libir pɛ̃wfʋ yel-ɩra ɩ. Nyɩmɛ nɛbɛ na nɩ̃ɛ mɩ́ pɛ̃w nɩ-sãanbɛ yaga libie.