Malasɩ 3:1 - A SƐB-SÕW

¹ «À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Malasɩ 3:1 ပူးပေါင်းရင်းမြစ်များ

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Eziptɩ tẽw yib 23:20

«Ɩ̃ na tõ n malkɩ ʋ de nyɩ niwn, ɛ́ gùre nyɩ a sɔ́r zu. Ʋ na tɛr nyɩ na tɩ ta n a tẽw ɩ̃ na cɔbrɩ bɛr nyɩ a.

Eziptɩ tẽw yib 23:21

Nyɩ ƴãwnɛ ʋ, ɛ́ sàwr a ʋ nʋɔr. Nyɩ ta tɛr bɛ-wonu a ʋ zie ɩ, ʋ bɛ sàwr kʋ̀rɛ nyɩ a lɛ ɩ. Bʋ̃ʋ n'ʋ vɛ̃, a ɩ̃ yúor ƴãw n'a ʋ ɩrɛ.

Ɩzayi 40:10

Nyɩ nyɛ̃ a Sore Naaŋmɩn. Ʋ waar'ɩ nɩ kpɛnʋ, ʋ tɛr'ɩ fãw na dɩ a naalʋ. Ʋ lɛb'a waar'ɩ a bom ʋ na páw a, ʋ lɛb'a waar'ɩ a ʋ tome sã-ya.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

A naaŋmɩn-ƴɛ̀r-manɛ Aaze sɛbɛ 1:13

Al pùorí, a Sore nɩ-tona Aze tɩ yel'ɩ yel ŋa kʋ̀ a nɩbɛ: «Mãa n'ʋ yere kʋ̀rɛ nyɩ, a mãa Sore, ɩ̃ na be n a nyɩ zie.»

Malasɩ 2:4

Lɛn daar'a nyɩ na bãw k'aa mãa, a Sore Kpɛnʋ-za-sob, mãa n'ʋ kpaalɩ nyɩ à à ŋà, k'aa wõ-taa ɩ̃ na maal'ɩ a Levi bʋʋrɛ a gã kʋralɛ.

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Matie 11:14

Nyɩmɛ wa sàw a, a Zã n'ɩ a Eli na na lɛb wa a.

Luka 1:76

Ɛ́ fʋ̃ʋ ɩ̃ bie e, bɛ na bʋɔlɛ fʋ na kɛ́ Naaŋmɩn-na-do-saa-bɛ-pɩɛl-a ƴɛ̀r-manɛ, fʋ na de nɩ a Sore niwn tʋ̃ɔ́ cɔbrɩ a ʋ sɛ́ɛ,

Luka 19:47

Bibir za, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ. A bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, tɩ bɔbr'ɩ a ʋ kʋb.

Luka 2:11

Faarɛ dɔw nɩ a nyɩ ƴãw a dɩ̃a, a Daviir tẽw pʋɔ, ʋlɛ n'ɩ a Kɩrɩta, a Sore.

Luka 2:38

Ʋ na tɩ ta a be a ʋlɩ tɛm nɛ tɔr za pʋɔ a, ʋ danɛ nɩ a Naaŋmɩn ɛ́ manɛ a bie yele kʋ̀rɛ a bɛlɩ dem za na tɩ gùre a Zerizalɛm faafʋ a.

Luka 2:46

Bibie ata pùorí n'a bɛ tɩ nyɛ̃ ʋ a Ŋmɩn-yir-kpɛ̃ɛ pʋɔ, ʋ zɩ̃ a Naaŋmɩn wulu bãw-bãw-karɩ sɔgɔ, bɛrɛ wone a bɛ ƴɛ̀rʋ tɛr'ɩ sowru a bɛ zie.

Nɩ-toni 19:4

A Pol tɩ lɛb'a yel bɛ: «Ɩb-lɩɛbʋ suob'ʋ a Zã tɩ kʋ̀rɛ a nɩbɛ yere nɩ kɛ́ bɛ sàw de a ʋlɩ sob na be a ʋ pùorí waar a, a pɛr lɛ kɛ́ bɛ sàw de a Yeezu.»

Nɩ-toni 7:38

A wɛja-kpalɛ pʋɔ lãw daar a, a Moyiir'ʋ tɩ be a tɩ sãàkʋm-kore nɩ a malkɩ cará, ɛ́ a malkɩ ƴɛ̀rɛ nɩ ʋ a Sinayi tãw zu. Ʋlɛ n'ʋ de a nyɔ-vʋʋrʋ ƴɛ̀r-bie wa kʋ̀ tɩ.