Malasɩ 2:6 - A SƐB-SÕW

⁶ A yel-mɩŋa n'a bɛ tɩ wul a nɩbɛ, ɛ́ bɛ ŋmãa ziri za ɩ. Bɛ tɩ lãw nɩ mɛ̃ na vʋʋrɛ nyɔ-vʋʋrʋ na tu sɔ́r a, ɛ́ ɩ nɩ-yaga bɛr a faalʋ.

Malasɩ 2:6 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 6:9

A Nowe yele n'ɩ á ŋá: A Nowe tɩ ɩ n nɩ-mɩŋa nɩ nɩr na ɩrɛ a pɛlɛ a Naaŋmɩn pʋɔ a ʋ daar nɩbɛ pʋɔ a. Ʋ tɩ maalɛ nɩ a Naaŋmɩn pʋ-tɩɛrʋ.

Sɛb-sõw yielu 119:142

A fʋ mɩnʋ ɩ n mɩnʋ na be be kʋralɛ a, ɛ́ a fʋ wulu ɩ yel-mɩŋa.

Sɛb-sõw yielu 119:151

Sore e, fʋ̃ʋ a, fʋ pɩɛlɩ mɛ̃ na, ɛ́ a fʋ nɛ-ƴãwnɩ za ɩ yel-mɩŋa.

Sɛb-sõw yielu 37:30

A nɩ-mɩŋa mɩ́ tɛr'ɩ a yã-bãwfʋ suole, a lɛ-na-tu-sɔr-a n'a ʋ mɩ́ yere.

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

Zʋkpaɩ 5:2

Lɛ n'a fʋ na páwr tɔnɛ a ɩ̃ wulu pʋɔ, ɛ́ mɩ́ bãw a fʋ ƴɛ̀rʋ pɛr.

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Matie 22:16

Al pùorí, bɛ tɩ tõ n a bɛ po-tuurbɛ nɩ Erɔdɩ nɩbɛ kɛ́ bɛ tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ wule a nɩbɛ a Naaŋmɩn sɛ́ɛ nɩ yel-mɩŋa, fʋ bɛ zɔrɛ nɩr za ɩ, ɛ́ bɛ owre ɩ.

Markɩ 12:14

Bɛ tɩ cen na tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ bɛ zɔrɛ nɩr za ɩ: fʋ bɛ owre ɩ, ɛ́ wule a Naaŋmɩn sɔ́r nɩ yel-mɩŋa. Sɔ́r be n be kɛ́ bɛ mɩ́ ya a zuru-yar kʋ̀ a Sezaar bɩɩ? A ɩ n fɛrʋ kɛ́ tɩ mɩ́ ya bɩɩ tɩ ta mɩ́ ya?»

Luka 1:6

Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Luka 20:21

Bɛ tɩ sowr'ɩ sowru ŋa a Yeezu: «Wul-wul-kara a, tɩ bãwnɩ a na, a fʋ ƴɛ̀rʋ nɩ a fʋ wulu tu n sɔ́r, fʋ bɛ jɩ́rɛ nɩr niwn kpɩɛr a sob ɛ, fʋ wule nɩ a nɩbɛ a Naaŋmɩn sɔ́r nɩ yel-mɩŋa.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Wulu-ayi-sob 33:10

Bɛlɛ nɛbɛ wule a Zakɔb bʋʋrɛ a tub fʋ na ƴãw a, nɩ a fʋ wulu a Ɩsɩrayɛl nɩbɛ. A tɩ-suur-zɔ̃-na-nyùur-vla-vla-a de-kʋ̀b nɩ a nyɩw-a-za-bagɛ a, bɛlɛ nɛbɛ dier a kʋ̀rɛ fʋ a fʋ bàwr-maal-kuur zu.

Wulu-ayi-sob 33:8

A Levi bʋʋrɛ ƴãw a, a Moyiir tɩ yel'a: «Sore e, a fʋ kpan-bie a, fʋ de a na kʋ̀ a Levi bʋʋrɛ na su zu tone a fʋ tome a. Fʋ ɩ bɛ na kaa a Masa, fʋ zɛb'ɩ bɛ nɩ a Meriba.

Wulu-ayi-sob 33:9

Bɛ wul'a kɛ́ bɛ nɔnɛ fʋ na zuo a bɛ sãà nɩ a bɛ mã, a bɛ yɛbr nɩ a bɛ bibiir. Bɛ sàw nɩ a fʋ ƴɛ̀rʋ, ɛ́ maal tɛr a wõ-taa fʋ na maal'ɩ bɛ a.

Yel-wula 14:5

Ziri bɛ dãw yi a bɛ nʋɔrɩ́ ɛ. Bɛ bɛ tɛr sãwna ɩ.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.