Malasɩ 2:17 - A SƐB-SÕW

¹⁷ «Nyɩ bàlɛ nɩ a Sore nɩ a nyɩ ƴɛ̀rʋ. Ɛcɛ nyɩ sowre na: “Nyɩn lowr'a tɩ bàlɛ ʋ?” Nyɩ na mɩ́ yere: “Yel-fa-maalɛ za ɩ n nɩ-vla a Sore zie, a nɩ-bɛ-ŋa-taabɛ yele n'a ʋ nɔnɛ.” Bɩɩ nyɩ na mɩ́ yere: “Nyɩnɛ n'a a Naaŋmɩn na mɩ́ dɩ a ƴɛ̀rʋ nɩ mɩnʋ a be?”»

Malasɩ 2:17 ပူးပေါင်းရင်းမြစ်များ

A Zɔb sɛbɛ 34:17

A yel-na-tu-sɔr-a dɔ̃ sob na tʋ̃ɔ́ na dɩ naalʋ ʋ? Fʋ na sàw na yel k'aa Kpɛnʋ-za-sob na ɩ a Mɩŋa sob a, sãw na a?

A Zɔb sɛbɛ 34:36

Ʋ na ƴɛ̀rɛ mɛ̃ a yel-fa-maalbɛ a, ɩ̃ bɔbr'a kɛ́ bɛ ɩ ʋ kaa tɩ tɔ.

A Zɔb sɛbɛ 36:17

Ɛcɛ bɛ dɩ n fʋ nɩ ƴɛ̀rʋ ƴãw fʋ dɔwrʋ, ɛ́ a dɔwrʋ ʋl na lo a fʋ zu a bɛ tɛr lɩɛb-bɛrʋ ɛ.

A Zɔb sɛbɛ 9:24

Tẽw kãw wa lo nɩ-kʋrbɛ nuru pʋɔ a, ʋ mɩ́ ƴãw na a ƴɛ̀r-maalbɛ bɛ nyɛ̃ a ɩ! Ʋlɛ bɛ wa n'ʋ mɩ́ ɩ à à ŋá, ãa pãa n'ʋ a?

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ɩzayi 1:14

Ɩ̃ bɛ nɔnɛ a nyɩ cuw-paalɛ cuwr nɩ a nyɩ cuw-bɛrɛ ɩ, a ɩ n tuor a ɩ̃ zie, ɩ̃ bàl'a nɩ a deb.

Ɩzayi 29:15

Baw-bio! A nɩbɛ bɛ ŋa sɔwlɛ na ɩrɛ, kɛ́ bɛ sɔwlɩ a Sore a lɛ bɛ na tɩɛrɩ bin a. Bɛ cɔbrɛ nɩ a bɛ yele a lige pʋɔ. Bɛ yere na: «Ãa n'ʋ nyɛrɛ tɩ? Ãa n'ʋ bãw bom nɛ tɩ na ɩrɛ a?»

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 43:22

A Sore yere na: «Ɩsɩrayɛl i, mãa bɛ n'ʋ fʋ bʋɔlɩ a fʋ sõwfʋ ƴãw ɛ. Fʋ nɩ̃ɛ na nyɛ̃ ɩ̃ bàl fʋ, Zakɔb i.

Ɩzayi 43:24

Fʋ bɛ ír a fʋ libir dà n va-nyùure a ɩ̃ ƴãw ɛ, fʋ bɛ tɩw mɛ̃ nɩ a fʋ bàwr-maal-dʋn nɛn-kãánɩ ɛ. A fʋ sãwna ƴãw a, fʋ̃ʋ n'ʋ nɩ̃ɛ ɩ ɩ̃ ɩ gbãgbaa, fʋ̃ʋ n'ʋ nɩ̃ɛ bàl mɛ̃ nɩ a fʋ yel-bebe.

Ɩzayi 7:13

Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ?

Zeremi 12:1

Sore e, fʋ ɩ n nɩ-mɩŋa zuo, nɩ ɩ̃ na na ƴɛ̀rɛ a fʋ sãwna ƴɛ̀rʋ a. Ɛcɛ ɩ̃ bɔbr'a kɛ́ mãa nɩ fʋ̃ʋ nãá ƴɛ̀r mɩnʋ ƴɛ̀rʋ: Bʋ̃ʋ n'ʋ so a nɩ-faar yele mɩ́ cere vla? Bʋ̃ʋ n'ʋ so a bɛlɩ dem na bɛ tu b a bɛ mɩ́ bãw damnʋ?

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Zeremi 17:15

A nɩbɛ yere nɩ a ɩ̃ zie à ŋá: «A Sore ƴɛ̀rʋ ʋ na ƴɛ̀r a wa? A ƴɛ̀rʋ ŋa ʋ tu wɛ!»

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Ezekɩɛl 16:43

Zerizalɛm i, fʋ bɛ lɛb tɩɛrɩ a bom nɛ ɩ̃ na ɩ kʋ̀ b a fʋ pɔ̀lʋ̀ daarɩ́ a ɩ. Fʋ bɔ m'ɩ nɔhaarʋ nɩ a fʋ ɩ-ɩrɩ. A na ɩ à ŋá a, ɩ̃ na ɩ na fʋ ya a fʋ ɩb san, a mãa Sore Naaŋmɩn n'ʋ yere! Bʋ̃ʋ n'ʋ vɛ̃, fʋ ɩ n vĩ-ɩb ƴãw pʋɔ a ɩb al za na bɛ maal'ɩ wob fʋ na ɩ n a fʋ ŋmɩn-bɛlɛbɛlɛ a.»

Ezekɩɛl 18:25

Ɛcɛ nyɩ mɩ́ yel'a: “A Sore ɩb bɛ tori ɛ.” Nyɩ bɛrɛ wone Ɩsɩrayɛl nɩbɛ ɛ: Mãa ɩb'a bɛ tori ɛ? A nyɩ ɩb bɛ n'a nɩ̃ɛ bɛ tori ɛ?

Ezekɩɛl 8:12

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ nɩ a lɛ a Ɩsɩrayɛl nɩbɛ nɩ-kore na sɔwlɛ ɩrɛ, ŋa za a ʋ beba zie a ʋ ŋmɩn-bɛlɛbɛlɛ niŋé a? Bɛ yere na: “A Sore kʋ̃ tʋ̃ɔ́ nyɛ̃ tɩ ɛ, ʋ zawr'ɩ a tẽw bɛr.”»

Ezekɩɛl 9:9

Ʋ tɩ sɔw mɛ̃ na: «A Ɩsɩrayɛl nɩ a Zuda naalʋ-ten yel-bebe bɛ dɩ vuo ɩ: a tẽw ɩ n zɩ̃ɩ tɛwr, a ɩ-ɩrɩ na bɛ tu a mɩnʋ a paal'ɩ a tẽ-kpɛ̃ɛ. Sɩza n'a, a nɩbɛ yere na: “A Sore jɛ n a tẽw bɛr, ʋ kʋ̃ tʋ̃ɔ́ nyɛ̃ bom za ɩ.”

Amɔsɩ 2:13

A na ɩ à ŋá a, mãa n'ɩ ŋan waar k'ɩ̃ɩ wa ƴɛ́r nyɩ ŋmɛr bin mɛ̃ lɛ torko na paalɩ ble a na mɩ́ ƴɛ́r bom ŋmɛr a.

Sofoni 1:12

A ʋlɩ daar nɛ a, ɩ̃ na tɔ̃w nɩ vũu bɔ n a Zerizalɛm tẽw za pʋɔ. Ɩ̃ na ìr'ɩ a nɩbɛ bɛl bom za na bɛ damnɛ a ƴãw, bɛl na ɩ mɛ̃ dãa na tewli gã a dã-pɛr zu a. Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ, a vla n'a bɩɩ a faa n'a a!”

Malasɩ 2:14

Nyɩ mɩ́ sowre na kɛ́ bʋ̃ʋ n'ʋ so. Nyɩ tɩ ƴãw nɩ nʋɔr a Sore niŋé kɛ́ ŋa za na tɛr'ɩ a pɔw ʋ na kul a ʋ pɔ̀lʋ daarɩ́ a. A nyɩ taabɛ tɩ nɛbɛ, nyɩmɛ nɛbɛ tɩ kaa ír bɛ, ɛcɛ nyɩ zawrɩ bɛ na bɛr.

Malasɩ 3:8

Ɩ̃ sɔwr nyɩ na: Nɩsaal na tʋ̃ɔ́ na bɛlɩ Naaŋmɩn ɩ? Ɛcɛ, nyɩ bɛlɛ mɛ̃ na. Ɛ́ nyɩ lɛb sowre mɛ̃: “Nyɩn lowr'a tɩ bɛlɩ fʋ?” Ɩ̃ sɔw nyɩ: A nyɩ bʋ̃-tɛrɩ ziir pie sob, nɩ a nyɩ de-kʋ̀b bome tɩrʋ pʋɔ n'a.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.