Malasɩ 2:14 - A SƐB-SÕW

¹⁴ Nyɩ mɩ́ sowre na kɛ́ bʋ̃ʋ n'ʋ so. Nyɩ tɩ ƴãw nɩ nʋɔr a Sore niŋé kɛ́ ŋa za na tɛr'ɩ a pɔw ʋ na kul a ʋ pɔ̀lʋ daarɩ́ a. A nyɩ taabɛ tɩ nɛbɛ, nyɩmɛ nɛbɛ tɩ kaa ír bɛ, ɛcɛ nyɩ zawrɩ bɛ na bɛr.

Malasɩ 2:14 ပူးပေါင်းရင်းမြစ်များ

Yele-za-pɛr-tib 2:18

A Sore Naaŋmɩn tɩ yel'a: «A bɛ vɩɛl kɛ́ a dɛb ɩ ʋ yõ ɩ. Ɩ̃ na maal'ɩ sõwne bɛ na de taa vla vla a kʋ̀ ʋ.»

Yele-za-pɛr-tib 31:50

Fʋ̃ʋ wa dɔwrɛ a ɩ̃ pɔwyaar a, fʋ̃ʋ wa de pɔwbɛ dɔwlɩ a bɛ zu a, bãwnɩ a, nɩsaal bɛ n'ʋ ɩ a dãsɩɛ sob a tɩ cara pʋɔ ɩ, a Naaŋmɩn mɩŋa n'ʋ.»

Zʋkpaɩ 2:17

Ʋ zawr'ɩ a ʋ pɔ̀lʋ daarɩ́ sɛn bɛr ɛ́ zawrɩ a ʋ Naaŋmɩn wõ-taa bɛr.

Zʋkpaɩ 30:20

Nyɛ̃ a lɛ a pɔw-pɩ̃ɔ-yel-maalɛ ɩb na ŋmɛ̃ a: Ʋ mɩ́ dɩ na, fɩɛl'ɩ a nʋɔr bɛr ɛ́ yel: «Ɩ̃ bɛ maalɩ faa kãw za ɩ!»

Zʋkpaɩ 5:20

Ɩ̃ bie e, bʋ̃ʋ n'ʋ so fʋ bɛr fʋ tʋɔra kʋ̀ nɩ-yũo pɔw, ɛ́ bɔbr a nʋ̃ɔ̀ pɔw fʋ na bɛ bãw a zie?

Ekilezɩasɩ 9:9

Wone a nyɔ-vʋʋrʋ nʋ̃ɔ̀ nɩ a pɔw ʋl fʋ na nɔnɛ a, a fʋ nyɔ-vʋʋr-ŋmãa ŋa a Naaŋmɩn na kʋ̀rɛ fʋ a tẽw zu ka bibie za a pʋɔ. Sɩza, a fʋ nyɔ-vʋʋrʋ ɩ n ŋmãa, ɛ́ a fʋ dem'ʋ fʋ páw a lɛ, a fʋ tẽw zu ka tome fʋ na tone a ƴãw.

A Yielu za pʋɔ yiel-vla vla 1:15

Nyɛ̃ fʋ na pɔl a, ɩ̃ sɛn ɩ, nyɛ̃ fʋ na pɔl a! A fʋ mimie vɩɛl'a mɛ̃ naŋmamɛ a.

Ɩzayi 54:6

A fʋ pʋɔ za tɩ sãw na, mɛ̃ pɔw bɛ na zawrɩ bɛr a. Ɛcɛ a Sore lɛb'a de b. A fʋ Naaŋmɩn yere na: Nɩr na tʋ̃ɔ́ na sɩrɩ zawrɩ a pɔ̀lʋ daar pɔw bɛr ɩ?

Ɩzayi 58:3

Ɛcɛ bɛ yere nɩ a ɩ̃ zie: «Bʋnʋ ƴãw n'a tɩ na mɩ́ tɛr a mʋta-tuo fʋ̃ʋ bɛ mɩ́ wa nyɛ̃ a a? Tɩ na mɩ́ dɩ tuo síwre tɩ tʋɔra fʋ̃ʋ bɛ mɩ́ wa bãwnɩ a a?» Lɛ n'a ɩ̃ sɔwr à ŋá: A nyɩ mʋta-tuo tɛrʋ bibir a, nyɩ mɩ́ kaarɛ nɩ a nyɩ mɩŋa yele zie, ɛ́ dɔwrɛ a nyɩ tõ-tõ-biir.

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 42:5

Bɛ tɩ sɔw nɩ a Zeremi à ŋá: «Tɩ na tu n a lɛ tɔr za a Sore fʋ Naaŋmɩn nãà wa yel kɛ́ fʋ yel kʋ̀ tɩ a. A Sore, ʋ ɩ a dãsɩ-yel-mɩŋa sob bɛ na bɛ bʋ́nɛ nɩ a, a tɩ ƴãw!

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Zeremi 9:2

A Sore yere na: «A bɛ zɛl ɩ na mɛ̃ tam bɛ na dúori a. A yel-mɩŋa zũú bɛ n'a bɛ so a tẽw ɛ, ɛcɛ a ziri zũú n'a. Bɛ mɩ́ maal'ɩ a faa tɩ lʋ̃ɔ nɩ faa, ɛ́ a mãa a, bɛ bɛ bãw mɛ̃ ɩ.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Mise 1:2

Nyɩɩm nɩ-bʋʋrɛ za a, nyɩ bɛrɛ wone. Tẽw i, cɛlɛ vla, fʋ̃ʋ nɩ bom za na paalɩ fʋ a! A Sore Naaŋmɩn na be n a ʋ kpɛb zie na ɩ sõw a pʋɔ, ɛ́ yere a nyɩ sãwna.

Malasɩ 2:15

A Sore bɛ tʋ̃ɔ́ ɩ ŋa mɩ́ ɩ nɩ-been lãwnɩ a ʋ pɔw, a ƴã-gan ƴãw nɩ a tɩɛrʋ ƴãw ɛ? Ɛ́ bʋ̃ʋ n'ʋ a nɩ-been ŋa bɔbr? Bibiir Naaŋmɩn na tɩrɛ a bɛ n'a ɩ? A na ɩ lɛ a, nyɩ gùre nyɩ tʋɔra! Nyɩ taa zawrɛ a nyɩ pɔ̀lʋ daarɩ́ pɔw bɛrɛ ɩ.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Malasɩ 3:8

Ɩ̃ sɔwr nyɩ na: Nɩsaal na tʋ̃ɔ́ na bɛlɩ Naaŋmɩn ɩ? Ɛcɛ, nyɩ bɛlɛ mɛ̃ na. Ɛ́ nyɩ lɛb sowre mɛ̃: “Nyɩn lowr'a tɩ bɛlɩ fʋ?” Ɩ̃ sɔw nyɩ: A nyɩ bʋ̃-tɛrɩ ziir pie sob, nɩ a nyɩ de-kʋ̀b bome tɩrʋ pʋɔ n'a.

Ƴɛ̀r-dɩrbɛ 11:10

A Galaadɩ tẽw nɩ-kore tɩ yel'ɩ a Zɛfɩte: «A Sore na dɩ n a dãsɩɛ, tɩɩm nɩ a fʋ̃ʋ cara pʋɔ, tɩmɛ bɛ wa ɩ a lɛ fʋ na yel a.»

1 Samɩɛl 12:5

A Samɩɛl lɛb yel: «A na ɩ à ŋá a, a Sore nɩ a nãà dɩ n a dãsɩɛ a dɩ̃a bibir, kɛ́ nyɩ bɛ nyɛ̃ sãwna a ɩ̃ zie ɩ.» Bɛ tɩ sɔw na: «A lɛ n'a.»