Malasɩ 1:6 - A SƐB-SÕW

⁶ A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Malasɩ 1:6 ပူးပေါင်းရင်းမြစ်များ

Sɛb-sõw yielu 123:2

Mɛ̃ a lɛ gbãgbaar na mɩ́ jɩ́rɛ a bɛ zu-sob nũu gbẽgbẽ a, mɛ̃ a lɛ tõ-tõ-bi-pɔw na mɩ́ jɩ́rɛ a ʋ pɔw-nɩ-kpɛ̃ɛ nũu kʋralɛ a, lɛ n'a tɩ mɩ̀ dʋɔ a zuru jɩ́rɛ nɩ a Sore tɩ Naaŋmɩn, gùre nɩ k'ʋʋ wa zɔ tɩ nɩbaalʋ.

Eziptɩ tẽw yib 20:12

«Ƴãwnɛ a fʋ sãà nɩ a fʋ mã, tʋ̃ɔ́ kpɛ a tẽw a mãa, a Sore fʋ Naaŋmɩn na kʋ̀rɛ fʋ a, cɛlɩ.»

Zʋkpaɩ 17:6

A sãàkʋm mɩnɛ dɛpaal-bom'ɩ a bɛ yan, ɛ́ a bibiir vɩɛlʋ n'ɩ a bɛ sãà mɩnɛ.

Zʋkpaɩ 30:11

Nɩbɛ be n be mɩ́ ŋmɩɛr ƴãwnɛ a bɛ sãà, ɛ́ bɛ ƴɛ̀rɛ nɔ-vla kʋ̀rɛ a bɛ mã ɩ.

Zʋkpaɩ 30:17

Nɩr wa ɩrɛ a ʋ sãà laar ɛ́ bɛ sàwr a ʋ mã nʋɔr a, bàa nʋɔr gbagbarɩ na kpol ʋ nɩ a mimie, ɛ́ a sɩlɩ dɩ a ʋ ƴã-gan.

Ɩzayi 1:2

Bɛrɛ wone, salom i! Tẽw i, ƴãw tobr! A Sore n'ʋ ƴɛ̀rɛ: “Ɩ̃ guol'ɩ bibiir bɛ bàa ɩ nɩ-bɛrɛ, ɛcɛ bɛ gaarɩ nɩ a ɩ̃ zu.

Ɩzayi 43:23

Ɛcɛ fʋ bɛ wa n péli wa maal'ɩ bàwr kʋ̀ m ɛ, fʋ bɛ kʋ a k'ɩ̃ɩ nyɛ̃ yúor-vɩɛlʋ-danʋ ɛ. Ɩ̃ bɛ fɛr fʋ bʋ̃-kʋ̀rɩ ƴãw ɩ fʋ ɩ gbãgbaa ɩ. Ɩ̃ bɛ bàl fʋ, sowri fʋ tɩ-suur-zɔ̃-na-nyùur-vla-vla-a ɩ.

Ɩzayi 45:10

Baw-bio n'a, a nɩr fʋ na nyɛ̃ ʋ sʋ̃ɔmɩ yere sãà kãw zie: «Bi-bʋ̃ʋ n'ɩ à ŋà fʋ na dɔw a?» Ɛ́ yere mã kãw zie: «Bʋ̃ʋ n'ʋ fʋ dɔw?»

Ɩzayi 64:7

Ɛcɛ, Sore e, fʋ̃ʋ n'ɩ a tɩ sãà. Tɩ ɩ n a yawra ɛ́ fʋ ɩ a mɩɛ-mɩɛrɛ. A fʋ nuru n'a mɛ tɩ tɩ za.

Ɩzayi 64:8

Sore e, ta nyɛ̃ suur tɩ gãw ɛ, ta tɩ́ɛrɛ a tɩ sãwna kʋralɛ ɩ. Sàw jɩ́r nyɛ̃, tɩ za ɩ n a fʋ nɩbɛ.

Zeremi 23:11

A Sore yere na: «A naaŋmɩn-ƴɛ̀r-manbɛ nɩ a bàwr-maalbɛ ɩ n nɩ-faar: a ɩ̃ yir tɛɛ za pʋɔ a, ɩ̃ nyɛ̃ nɩ a faa bɛ na maalɩ a.

Zeremi 3:4

Ɛ́ ƴɛrɛŋa fʋ sʋ̃ɔmɩ sàw kone cɔwr mɛ̃ yere: «Ɩ̃ sãà, fʋ̃ʋ ɩ̃ pɔ̀lʋ daarɩ́ bá a!» Fʋ sowre nɩ fʋ tʋɔra:

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Zeremi 35:16

A Erekaavʋ dɔwlʋ nɩbɛ bɛl a, bɛ tu n a lɛ a bɛ sãàkʋm-kʋra, Yonadavʋ, na tɩ yel kʋ̀ bɛ a. Ɛcɛ a nyɩɩm, a Zuda nɩbɛ a, nyɩ bɛ bɛr wõ m ɛ.»

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

A naaŋmɩn-ƴèr-manɛ Oze sɛbɛ 12:8

A Efarayim ŋmɛ̃ na mɛ̃ a Kanãa tẽw dem na tɛr nyãnyu-bʋ̃-kera a nũú a. Bɛ nɔnɛ nɩ a zub.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 5:1

«A Nyɩɩm bàwr-maalbɛ, nyɩ bɛr wõ a yel ŋa! Ɩsɩrayɛl yir niw-dierbɛ ɛ, nyɩ cɛlɛ be! Nãà yir nɩbɛ ɛ, nyɩ ƴãw tobr! Nyɩmɛ nɛbɛ tɩ sɛw kɛ́ nyɩ mɩ́ dɩ a ƴɛ̀rʋ. Ɛcɛ nyɩ lɩɛb'ɩ bɛra a ɩ̃ nɩbɛ ƴãw a Misɩpa tẽw, nyɩ lɩɛb'ɩ mɩ̃ɛ bɛ na 'lẽ a ɩ̃ nɩbɛ ƴãw, a Tabɔɔr tãw zu a.

Levitɩ mɩnɛ 19:3

«A nyɩ kãw za na ƴãwnɛ nɩ a ʋ sãà nɩ a ʋ mã, ɛ́ ƴãwnɛ a pɩ̃ɛnʋ-bibir. Mãa n'ɩ a Sore nyɩ Naaŋmɩn.»

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Malasɩ 2:1

Kpaalʋ ŋa n'ʋ, a mãa, Sore Kpɛnʋ-za-sob, kpaalɛ a nyɩɩm bàwr-maalbɛ: «Nyɩmɛ bɛ wa bɛrɛ wone, ɛ́ ƴãw fãw ƴãwnɛ mɛ̃, mɛ̃ a lɛ a na fɛr kɛ́ nyɩ ƴãwnɛ mɛ̃ a, nɔ-faa n'ʋ ɩ̃ na ƴɛ̀r ƴãw nyɩ, ɛ́ mɩ́ lɩɛbɩ a nɔ-vɩɛlɩ nyɩ na ƴɛ̀rɛ a, a ɩ nɔ-faar. Ɩ̃ na sɩrɩ na ɩ a lɛ, nyɩ na mɩ́ de dɩ̃ɛnʋ ƴãw bom za ƴãw a zũú.

Malasɩ 2:10

«Sãà-been bɛ n'ʋ tɩ za lãw ɛ? Naaŋmɩn-been bɛ n'ʋ ír tɩ ɛ? Ɛ́ bʋ̃ʋ n'ʋ so tɩ mɩlɛ taa, sãwnɛ a wõ-taa na be a Naaŋmɩn nɩ a tɩ sãàkʋm-kore cara pʋɔ a bɛrɛ?

Malasɩ 2:8

Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Matie 15:4

A Naaŋmɩn yel'a: “Ƴãwnɛ a fʋ sãà nɩ a fʋ mã”, nɩ kɛ́: “Nɩr wa tʋ ʋ sãà bɩɩ ʋ mã a, a fɛr'a kɛ́ bɛ kʋ ʋ.”

Matie 15:6

ʋ bɛ mɩ́ lɛb cãà tɛr a ʋ sãà ƴãwfʋ san ɛ. À ŋá n'a nyɩ mɩ́ ŋmɛ a Naaŋmɩn ƴɛ̀rʋ lɔb, a nyɩ nɩ-kore ciiru zũú.

Matie 19:19

ƴãwnɛ fʋ sãà nɩ fʋ mã, ɛ́ nɔnɛ fʋ tɔ mɛ̃ a fʋ mɩŋa a.»

Matie 6:9

A na ɩ lɛ a, a nyɩɩm, nyɩ mɩ́ puore à ŋá: “Tɩ Sãà na be a tẽ-vla pʋɔ, a nɩbɛ za, bɛ bãw kɛ́ fʋ̃ʋ n'ɩ a Naaŋmɩn na ɩ sõw a,

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Markɩ 10:19

Fʋ bãw nɩ a Naaŋmɩn nɛ-ƴãwnɩ: “Ta kʋ nɩr ɛ, ta maalɩ pɔw-gaa yel-bier ɛ, ta zu bom ɛ, ta dɩ dãsɩ-ziri ɛ, ta sãw fʋ tɔ sob ɛ, ƴãwnɛ fʋ sãà nɩ fʋ mã.”»

Markɩ 7:10

A Moyiir yel'a: “Ƴãwnɛ a fʋ sãà nɩ a fʋ mã.” Lɛ nɩ kɛ́: “Nɩr wa tʋ a ʋ sãà bɩɩ a ʋ mã a, a fɛr'a k'ʋʋ kpi.”

Luka 10:29

Ɛcɛ a Naaŋmɩn wulu bãw-bãw-kara nɛ na tɩ bɔbr k'ʋʋ wul a ʋ yel-mɩŋa a, ʋ tɩ lɛb'a sowri a Yeezu: «Ãa n'ɩ a ɩ̃ tɔ sob?»

Luka 18:20

Fʋ bãw nɩ a Naaŋmɩn nɛ-ƴãwnɩ: “Ta maalɩ pɔw-gaa-yel-bier ɛ, ta kʋ nɩr ɛ, ta zu ɛ, ta dɩ dãsɩ-ziri ɛ, ƴãwnɛ fʋ sãà nɩ fʋ mã.”»

Luka 6:36

Nyɩ ɩ nɩ-bàal-zɔrbɛ mɛ̃ a lɛ a nyɩ Sãà na ɩ nɩ-bàal-zɔrɛ a.»

Luka 6:46

«Bʋ̃ʋ ƴãw n'a nyɩ mɩ́ yere a ɩ̃ zie: “Sore e, Sore e”, ɛ́ bɛ mɩ́ tuur a lɛ ɩ̃ na yere a?

Efɛɛzɩ 6:2

«Ƴãwnɛ fʋ sãà nɩ fʋ mã» n'ɩ a Naaŋmɩn nɔ-ƴãwna dãw-niwn sob, a Naaŋmɩn na ƴãw lãwnɩ maalʋ nʋɔr ŋa a:

Wulu-ayi-sob 1:31

nɩ a wɛja-kpalɛ pʋɔ a. Nyɩ nyɛ̃ a nɩ a be: ʋ tɛr nyɩ na mɛ̃ sãà na mɩ́ tɛr ʋ bie a, a sɔr-wogo ŋa za zu nyɩ na lo wa ta a ka a.»

Wulu-ayi-sob 32:6

Nɩ-bʋʋrɛ na bol ɛ́ bɛ bãw yã a, a ɩb'ɩ à ŋá nyɩ na ɩrɛ a Sore zie a? Ʋlɛ bɛ n'ɩ a nyɩ sãà, a nyɩ íre, a sob nɛ na ɩ nyɩ ɩ a ʋ nɩ-bʋʋrɛ a ɩ?

Wulu-ayi-sob 5:16

Ƴãwnɛ a fʋ sãà nɩ a fʋ mã, mɛ̃ a lɛ ɩ̃ na yel kʋ̀ b a, tʋ̃ɔ́ vʋʋrɩ cɛlɩ ɛ́ wone nʋ̃ɔ̀ a tẽw, a mãa Sore fʋ Naaŋmɩn na kʋ̀rɛ fʋ a pʋɔ.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.